Translate

Post Your Self

Hello Dearest Gameforumer.com readers

Its your chance to get your news, articles, reviews on board, just use the link: PYS

Thanks and Regards

Friday, January 31, 2020

Kannada News | Karnataka News | India News

Kannada News | Karnataka News | India News


ನಿಮ್ಮ ʼಅದೃಷ್ಟʼ ಬದಲಿಸಬಲ್ಲದು ಐದು ಏಲಕ್ಕಿ

Posted: 31 Jan 2020 12:57 PM PST

ಅಡುಗೆ ಮನೆಯಲ್ಲಿ ಇರುವ ಆಹಾರ ಪದಾರ್ಥಗಳು ಅಡುಗೆ ರುಚಿಯನ್ನು ಹೆಚ್ಚಿಸುವ ಜೊತೆಗೆ ನಮ್ಮ ಅದೃಷ್ಟವನ್ನು ಹೆಚ್ಚಿಸುತ್ತವೆ. ಐದು ಏಲಕ್ಕಿಯಲ್ಲಿ ನಮ್ಮ ಆರ್ಥಿಕ ವೃದ್ಧಿ ಮಾಡುವ ಶಕ್ತಿಯಿದೆ.

ಅನೇಕರು ಹಗಲು-ರಾತ್ರಿ ದುಡಿಯುತ್ತಾರೆ. ಆದ್ರೆ ಕೈನಲ್ಲಿ ಹಣ ನಿಲ್ಲುವುದಿಲ್ಲ. ನಿಮ್ಮಲ್ಲೂ ಇದು ಆಗ್ತಿದ್ದರೆ ಒಂದು ಉಪಾಯವನ್ನು ಮಾಡಬಹುದು. ಹಸಿರು ಬಟ್ಟೆಯಲ್ಲಿ ಒಂದು ಏಲಕ್ಕಿ ಕಟ್ಟಿ ತಲೆದಿಂಬಿನ ಕೆಳಗೆ ಇಡಿ. ಬೆಳಿಗ್ಗೆ ಎದ್ದ ತಕ್ಷಣ ಅದನ್ನು ಬೇರೆಯವರಿಗೆ ನೀಡಿ. ಇದ್ರಿಂದ ನಿಮ್ಮ ಆರ್ಥಿಕ ವೃದ್ಧಿಯಾಗುತ್ತದೆ.

ಸದಾ ಪರ್ಸ್ ನಲ್ಲಿ ಹಣವಿರಬೇಕು, ಆರ್ಥಿಕ ಕೊರತೆ ಎದುರಾಗಬಾರದು ಎನ್ನುವವರು ಪರ್ಸ್ ನಲ್ಲಿ ಐದು ಏಲಕ್ಕಿಯನ್ನು ಇಟ್ಟುಕೊಳ್ಳಿ.

ಸುಂದರವಾದ ಜೀವನ ಸಂಗಾತಿ ಬೇಕು ಎನ್ನುವವರು ಬಟ್ಟೆಯೊಂದನ್ನು ಖರೀದಿ ಮಾಡಿ. ಅದ್ರಲ್ಲಿ ಐದು ಏಲಕ್ಕಿಯನ್ನು ಹಾಕಿ ಬಡವರಿಗೆ ದಾನ ಮಾಡಿ. ಹೀಗೆ ಮಾಡಿದ್ರೆ ಸುಂದರ ಜೀವನ ಸಂಗಾತಿ ಸಿಗುತ್ತಾರೆ.

ಅಭ್ಯಾಸದಲ್ಲಿ ಹಿಂದಿರುವವರು ಹಾಲಿಗೆ ಏಲಕ್ಕಿ ಹಾಕಿ ಕುದಿಸಿ 7 ಸೋಮವಾರಗಳ ಕಾಲ ಬಡವರಿಗೆ ಕುಡಿಯಲು ನೀಡಬೇಕು.

ನಿಮ್ಮ ಭವಿಷ್ಯ ತಿಳಿಯಲು ಸಂಪರ್ಕಿಸಿ:
ಪಂಡಿತ್ ಅನಂತ್ ಪ್ರಸಾದ್ ಶರ್ಮಾ
ಮೊಬೈಲ್:‌ 9845626805

ಶನಿವಾರದ ನಿಮ್ಮ ರಾಶಿ ಭವಿಷ್ಯ ತಿಳಿದುಕೊಳ್ಳಬೇಕೆ…?

Posted: 31 Jan 2020 11:49 AM PST

ಮೇಷ ರಾಶಿ:

ನಿಮ್ಮ ಪೋಷಕರು ನೀಡಿದ ಬೆಂಬಲದಿಂದ ಹಣಕಾಸು ಸಮಸ್ಯೆಗಳು ನಿವಾರಣೆಯಾದಂತೆನಿಸುತ್ತವೆ. ಸ್ನೇಹಿತರು ಮತ್ತು ಅಪರಿಚಿತರಿಬ್ಬರ ಬಗೆಗೂ ಎಚ್ಚರದಿಂದಿರಿ.

ನಿಮ್ಮ ಉತ್ಸಾಹ ನಿಮ್ಮ ಪ್ರೀತಿಯನ್ನು ಸಂಕಟಕ್ಕೆ ಸಿಲುಕಿಸಬಹುದಾದ್ದರಿಂದ ಅದನ್ನು ನಿಯಂತ್ರಣದಲ್ಲಿರಿಸಿಕೊಳ್ಳಿ. ಈ ರಾಶಿಚಕ್ರದ ಜನರಿಗೆ ಇಂದು ತಮ್ಮನ್ನು ತಾವೇ ಅರ್ಥಮಾಡಿಕೊಳ್ಳುವ ಅಗತ್ಯವಿದೆ.

ಅದೃಷ್ಟ ಸಂಖ್ಯೆ: 6

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

9845626805

ವೃಷಭ ರಾಶಿ:

ಇಂದು, ನೀವು ಸಾಕಷ್ಟು ಸಕಾರಾತ್ಮಕತೆಯೊಂದಿಗೆ ಮನೆಯಿಂದ ಹೊರಬರುತ್ತೀರಿ, ಆದರೆ ಕೆಲವು ಅಮೂಲ್ಯ ವಸ್ತುವಿನ ಕಳ್ಳತನದಿಂದಾಗಿ, ನಿಮ್ಮ ಮನಸ್ಥಿತಿಗೆ ತೊಂದರೆಯಾಗಬಹುದು.

ಸ್ನೇಹಿತರು ನಿಮಗೆ ಬೆಂಬಲ ನೀಡಿದರೂ, ಮಾತುಗಳ ಬಗ್ಗೆ ಎಚ್ಚರದಿಂದಿರಿ, ನಿಮ್ಮ ಪ್ರಿಯತಮೆಯೇ ಅತ್ಯುತ್ತಮವಾಗಿರುವುದರಿಂದ ನೀವು ಅದೃಷ್ಟಶಾಲಿಗಳು ಎಂದು ನಿಮಗೆ ಅರಿವಾಗುತ್ತದೆ. ನಿಮಗೆ ಅಗತ್ಯವಿಲ್ಲದ ವಿಷಯಗಳ ಮೇಲೆ ಇಂದು ನೀವು ನಿಮ್ಮ ಹೆಚ್ಚಿನ ಸಮಯವನ್ನು ವ್ಯರ್ಥ ಮಾಡಬಹುದು.

ಅದೃಷ್ಟ ಸಂಖ್ಯೆ: 9

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ಮಿಥುನ ರಾಶಿ:

ಸ್ನೇಹಿತರು ಸಂತೋಷದ ಸಂಜೆಗಾಗಿ ನಿಮ್ಮನ್ನು ಅವರ ಸ್ಥಳಕ್ಕೆ ಆಮಂತ್ರಿಸುತ್ತಾರೆ. ಒಬ್ಬ ಸುಂದರ ನಗುವಿನಿಂದ ನಿಮ್ಮ ಪ್ರೇಮಿಯ ದಿನವನ್ನು ಪ್ರಕಾಶಮಾನವಾಗಿಸಿ. ಮನೆಯಲ್ಲಿರುವ ಯಾವುದೇ ಹಳೆಯ ವಸ್ತು ಇಂದು ನಿಮಗೆ ಸಿಗಬಹುದು.

ಇದರಿಂದ ನಿಮ್ಮ ಬಾಲ್ಯದ ದಿನಗಳನ್ನು ನೀವು ನೆನಪಿಸಿಕೊಳ್ಳಬಹುದು ಮತ್ತು ನೀವು ದುಃಖದೊಂದಿಗೆ ನಿಮ್ಮ ದಿನದ ಸಾಕಷ್ಟು ಸಮಯವನ್ನು ಒಂಟಿಯಾಗಿ ಕಳೆಯಬಹುದು.

ಅದೃಷ್ಟ ಸಂಖ್ಯೆ: 7

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ಕಟಕ ರಾಶಿ:

ಯಾವುದೇ ದೀರ್ಘಕಾಲೀನ ಹೂಡಿಕೆಗಳನ್ನು ತಪ್ಪಿಸಿ ಮತ್ತು ನಿಮ್ಮ ಸ್ನೇಹಿತರ ಜೊತೆ ಕೆಲವು ಆಹ್ಲಾದಕರ ಕ್ಷಣಗಳನ್ನು ಕಳೆಯಲು ಪ್ರಯತ್ನಿಸಿ. ನಿಮ್ಮ ಅತಿಯಾದ ಜೀವನಶೈಲಿ ಮನೆಯಲ್ಲಿ ಆತಂಕ ಸೃಷ್ಟಿಸಬಹುದು ಆದ್ದರಿಂದ ತಡರಾತ್ರಿಯನ್ನು ಹಾಗೂ ಇತರರ ಮೇಲೆ ಬಹಳ ಖರ್ಚು ಮಾಡುವುದನ್ನು ತಪ್ಪಿಸಿ. ನಿಮ್ಮ ಧೈರ್ಯ ಪ್ರೀತಿಯನ್ನು ಗೆಲ್ಲಬಹುದು.

ಜನರೊಂದಿಗೆ ಮಾತನಾಡುವಲ್ಲಿ ಇಂದು ನೀವು ನಿಮ್ಮ ಅಮೂಲ್ಯವಾದ ಸಮಯವನ್ನು ಹಾಳುಮಾಡಬಹುದು. ಅದನ್ನು ಮಾಡುವುದನ್ನು ನೀವು ತಪ್ಪಿಸಬೇಕು.

ಅದೃಷ್ಟ ಸಂಖ್ಯೆ: 5

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ಸಿಂಹ ರಾಶಿ :

ಹೂಡಿಕೆ ಶಿಫಾರಸು ಮಾಡಲಾಗಿದ್ದರೂ ಸರಿಯಾದ ಸಲಹೆ ಪಡೆಯಬೇಕು. ದಿನದಲ್ಲಿ ಅನಿರೀಕ್ಷಿತವಾದ ಒಳ್ಳೆಯ ಸುದ್ದಿ ಇಡೀ ಕುಟುಂಬಕ್ಕೆ ಸಂತೋಷ ಮತ್ತು ಆನಂದ ತೆರೆದಿಡುತ್ತದೆ. ನೀವು ಯಾವಾಗಲೂ ಪರಸ್ಪರರ ಪ್ರೀತಿಯಲ್ಲಿದ್ದೀರೆಂದು ಅನಿಸುವುದರಿಂದ ಭೌತಿಕ ಅಸ್ತಿತ್ವಕ್ಕೆ ಯಾವುದೇ ಮಹತ್ವವಿರುವುದಿಲ್ಲ.

ನಿಮ್ಮ ಜೀವನದಲ್ಲಿ ನಂತರ ವಿಷಾದಿಸಬಹುದಾದ ಆತುರದ ನಿರ್ಧಾರಗಳನ್ನು ಕೈಗೊಳ್ಳಬೇಡಿ. ನಿಮ್ಮ ವೈವಾಹಿಕ ಜೀವನಕ್ಕೆ ಬಂದಾಗ ಪರಿಸ್ಥಿತಿಗಳು ನಿಜವಾಗಿಯೂ ಅಸಾಧಾರಣವಾಗಿರುತ್ತವೆ.

ಅದೃಷ್ಟ ಸಂಖ್ಯೆ: 7

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ಕನ್ಯಾ ರಾಶಿ:

ನಿಮ್ಮ ಶಾಂತತೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುವ ಚಟುವಟಿಕೆಗಳಲ್ಲಿ ನಿಮ್ಮನ್ನು ತೊಡಗಿಸಿಕೊಂಡಿರಿ. ಆರ್ಥಿಕ ಜೇವನದಲ್ಲಿ ಇಂದು ಸಂತೋಷ ಉಳಿದಿರುತ್ತದೆ. ಇದರೊಂದಿಗೆ ನೀವು ಇಂದು ಸಾಲಗಳಿಂದ ಮುಕ್ತರಾಗಬಹುದು.

ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಆಹ್ಲಾದಕರ ಸಮಯ ನಿಮ್ಮ ಪ್ರೇಮ ಪ್ರಕರಣದ ಬಗ್ಗೆ ಜೋರಾಗಿ ಹೇಳಿಕೊಳ್ಳಬೇಡಿ. ಸಂವಹನವನ್ನು ಜಾಗರೂಕತೆಯಿಂದ ನಿಭಾಯಿಸಬೇಕು. ಸಂಬಂಧಿಕರಿಂದಾಗಿ ವ್ಯಾಜ್ಯವುಂಟಾಗುವ ಸಾಧ್ಯತೆಯಿದೆ, ಆದರೆ ಕೊನೆಯಲ್ಲಿ ಎಲ್ಲವೂ ಸುಂದರವಾಗಿಯೇ ಕೊನೆಗೊಳ್ಳುತ್ತದೆ.

ಅದೃಷ್ಟ ಸಂಖ್ಯೆ: 8

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ತುಲಾ ರಾಶಿ:

ದಿನ ನಿಕಟ ಸಂಬಂಧಿಗಳು ಅಥವಾ ಸ್ನೇಹಿತರಿಂದ ಉತ್ತಮ ಸುದ್ದಿಯೊಡನೆ ಆರಂಭವಾಗುತ್ತದೆ. ನಿಮ್ಮ ಪ್ರೀತಿಪಾತ್ರರ ಭಾವನೆಗಳನ್ನು ಇಂದು ಅರ್ಥಮಾಡಿಕೊಳ್ಳಿ. ಪ್ರಯಾಣ ಹೊಸ ಸ್ಥಳಗಳನ್ನು ನೋಡಲು ಮತ್ತು ಪ್ರಮುಖರನ್ನು ಭೇಟಿಯಾಗಲು ನಿಮಗೆ ಅವಕಾಶ ನೀಡುತ್ತದೆ.

ನೀವು ನಿಮ್ಮ ಸಂಗಾತಿಯ ಜೊತೆಗಿನ ಕಳೆದ ಸುಂದರ ಪ್ರಣಯದ ದಿನಗಳನ್ನು ಇಂದು ನೆನೆಸುತ್ತೀರಿ. ಇಂದು ನೀವು ಎಲ್ಲಾ ಚಿಂತೆಗಳನ್ನು ಮರೆತು, ನಿಮ್ಮ ಸೃಜನಶೀಲತೆಯನ್ನು ಹೊರಹಾಕಬಹುದು.

ಅದೃಷ್ಟ ಸಂಖ್ಯೆ: 5

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ವೃಶ್ಚಿಕ ರಾಶಿ:

ನಿಮ್ಮ ಕುಟುಂಬಕ್ಕೆ ಸೂಕ್ತ ಸಮಯ ನೀಡಿ. ನೀವು ಅವರ ಸಲುವಾಗಿ ಕಾಳಜಿ ವಹಿಸುತ್ತೀರೆಂದು ಅವರಿಗೆ ಅರ್ಥವಾಗಲಿ. ಅವರೊಂದಿಗೆ ನಿಮ್ಮ ಗುಣಮಟ್ಟದ ಸಮಯ ಕಳೆಯಿರಿ. ದೂರು ನೀಡಲು ಯಾವುದೇ ಅವಕಾಶ ನೀಡಬೇಡಿ. ಇಂದು ಪ್ರೀತಿಯ ಅನುಪಸ್ಥಿತಿಯ ಭಾವನೆ ಬರಬಹುದು. ಮಿತಿಯಿಲ್ಲದ ಸೃಜನಶೀಲತೆ ಮತ್ತು ಉತ್ಸಾಹ ನಿಮ್ಮನ್ನು ಮತ್ತೊಂದು ಅನುಕೂಲಕರ ದಿನಕ್ಕೆ ಕೊಂಡೊಯ್ಯುತ್ತದೆ.

ನಿಮ್ಮ ಸಂಗಾತಿ ಇತರರ ಕೆಟ್ಟ ಪ್ರಭಾವದಲ್ಲಿ ಬಂದು ನಿಮ್ಮ ಜೊತೆ ಜಗಳವಾಡಬಹುದು, ಆದರೆ ನಿಮ್ಮ ಪ್ರೀತಿ ಮತ್ತು ಸಹಾನುಭೂತಿ ಎಲ್ಲವನ್ನೂ ಪರಿಹರಿಸುತ್ತದೆ.

ಅದೃಷ್ಟ ಸಂಖ್ಯೆ: 7

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ಧನುಸ್ಸು ರಾಶಿ:

ಈ ರಾಶಿಚಕ್ರಕ್ಕೆ ಸಂಬಂಧಿಸಿದ ಕೆಲವರು ಇಂದು ಭೂಮಿಗೆ ಸಂಬಂಧಿಸಿದ ವಿಷಯದ ಬಗ್ಗೆ ಹಣವನ್ನು ಖರ್ಚುಮಾಡಬಹುದು ಹಳೆಯ ಸಂಪರ್ಕಗಳು ಮತ್ತು ಸಂಬಂಧಗಳ ಪುನಶ್ಚೇತನಕ್ಕೆ ಒಳ್ಳೆಯ ದಿನ. ನೀವು ಸ್ವಲ್ಪ ಪ್ರೀತಿ ಹಂಚಿಕೊಂಡಲ್ಲಿ ಇಂದು ನಿಮ್ಮ ಪ್ರಿಯತಮೆ ನಿಮ್ಮ ದೇವತೆಯಾಗುತ್ತಾಳೆ. ನಿಮ್ಮ ಅಭಿಪ್ರಾಯ ಕೇಳಿದಾಗ ಅದನ್ನು ವ್ಯಕ್ತಪಡಿಸಲು ನಾಚಬೇಡಿ -ಇದಕ್ಕೆ ನಿಮಗೆ ತುಂಬ ಮೆಚ್ಚುಗೆ ಸಿಗುತ್ತದೆ.

ಇಂದು ನಿಮ್ಮ ಸಂಗಾತಿಯ ಜೊತೆಗಿನ ದೈಹಿಕ ಸಾಮೀಪ್ಯತೆ ಅತ್ಯುತ್ತಮವಾಗಿರುತ್ತದೆ. ಒಬ್ಬ ಸ್ನೇಹಿತನಿಗೆ ಸಹಾಯ ಮಾಡಿ ಇಂದು ನೀವು ಒಳ್ಳೆಯದನ್ನು ಅನುಭವಿಸಬಹುದು.

ಅದೃಷ್ಟ ಸಂಖ್ಯೆ: 7

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ಮಕರ ರಾಶಿ:

ನೀವು ವಿಧ್ಯಾರ್ಥಿಯಾಗಿದ್ದರೆ ಮತ್ತು ವಿದೇಶಕ್ಕೆ ಹೋಗಿ ಅಧ್ಯಯನ ಮಾಡಲು ಬಯಸುತ್ತಿದ್ದರೆ ಆರ್ಥಿಕ ಬಿಕ್ಕಟ್ಟು ಇಂದು ನಿಮ್ಮ ಹಣೆಯ ಮೇಲೆ ಸುಕ್ಕು ತರಬಹುದು. ಕುಟುಂಬದ ಸದಸ್ಯರು ನಿಮ್ಮ ಜೀವನದಲ್ಲಿ ಒಂದು ವಿಶೇಷ ಸ್ಥಾನವನ್ನು ಹೊಂದಿರುತ್ತಾರೆ. ನೀವು ಏನು ಮಾಡಬೇಕೆಂದು ಆಜ್ಞೆ ನೀಡಿದಲ್ಲಿ ನಿಮ್ಮ ಪ್ರೇಮಿಯ ಜೊತೆ ಗಂಭೀರ ಸಮಸ್ಯೆಗಳನ್ನು ಹೊಂದುತ್ತೀರಿ. ನಿಮ್ಮ ಮನಸ್ಸಿನಲ್ಲಿರುವುದನ್ನು ಹೇಳಲು ಹಿಂಜರಿಯದಿರಿ.

ಇಂದು, ನೀವು ನಿಮ್ಮ ಧರ್ಮಪತ್ನಿಯನ್ನು ಪ್ರೇಮಿಸಲು ಸಾಕಷ್ಟು ಸಮಯ ಪಡೆದರೂ, ಆರೋಗ್ಯ ಉಲ್ಬಣಗೊಳ್ಳುತ್ತದೆ. ಮನೆಯ ಹಿರಿಯ ಸದಸ್ಯ ಇಂದು ನಿಮಗೆ ಜ್ಞಾನದ ವಿಷಯ ತಿಳಿಸಬಹುದು. ನೀವು ಅವರ ಮಾತುಗಳನ್ನು ಇಷ್ಟಪಡುತ್ತೀರಿ ಮತ್ತು ನೀವು ಸಹ ಅವುಗಳನ್ನು ಅನುಸರಿಸುತ್ತೀರಿ

ಅದೃಷ್ಟ ಸಂಖ್ಯೆ: 2

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ಕುಂಭ ರಾಶಿ:

ಇಂದು ಕೆಲವು ವ್ಯಾಪಾರಿಗಳಿಗೆ ಹಣದ ಲಾಭವಾಗುವ ಸಾಧ್ಯತೆ ಇದೆ. ಈ ಹಣ ನಿಮ್ಮ ಅನೇಕ ಸಮಸ್ಯೆಗಳನ್ನು ದೂರ ಮಾಡಬಹುದು. ನೀವು ಅಪರೂಪಕ್ಕೆ ಭೇಟಿ ಮಾಡುವ ಜನರನ್ನು ಸಂಪರ್ಕಿಸಲು ಒಳ್ಳೆಯ ದಿನ. ಪ್ರೀತಿಯ ಸಂತೋಷವನ್ನು ಅನುಭವಿಸಬಹುದು.

ಜೀವನದಲ್ಲಿ ನಡೆಯುತ್ತಿರುವ ಅಡಚಣೆಗಳ ನಡುವೆ ಇಂದು ನಿಮಗೆ ನಿಮಗಾಗಿ ಸಮಯ ಸಿಗುತ್ತದೆ ಮತ್ತು ನಿಮ್ಮ ನೆಚ್ಚಿನ ಕೆಲಸಗಳನ್ನು ಮಾಡಲು ನಿಮಗೆ ಸಾಧ್ಯವಾಗುತ್ತದೆ.

ನಿಮ್ಮ ಸಂಗಾತಿಯು ಇಂದು ನಿಮ್ಮ ಬಗೆಗಿನ ಎಲ್ಲಾ ಒಳ್ಳೆಯ ಗುಣಗಳನ್ನು ಹೊಗಳುತ್ತಾರೆ ಹಾಗೂ ಮತ್ತೆ ನಿಮ್ಮನ್ನು ಪ್ರೀತಿಸುತ್ತಾರೆ. ಇಂದು ಕುಟುಂಬ ಅಥವಾ ಸ್ನೇಹಿತರೊಂದಿಗೆ ಸಮಯ ಕಳೆಯುತ್ತದೆ.

ಅದೃಷ್ಟ ಸಂಖ್ಯೆ: 4

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ಮೀನ ರಾಶಿ:

ನೀವು ವಿಶ್ರಾಂತಿ ಪಡೆಯಲು ಸಾಧ್ಯವಾಗುವ ಒಂದು ದಿನ. ನಿಮ್ಮ ಸ್ನಾಯುಗಳಿಗೆ ವಿಶ್ರಾಂತಿ ನೀಡಲು ತೈಲದಿಂದ ನಿಮ್ಮ ದೇಹಕ್ಕೆ ಮಸಾಜ್ ಮಾಡಿ. ಹಣಕಾಸಿನಲ್ಲಿ ಸುಧಾರಣೆ ನಿಶ್ಚಿತ. ಜನರು ಮತ್ತು ಅವರ ಉದ್ದೇಶಗಳ ಬಗ್ಗೆ ಅವಸರದ ತೀರ್ಮಾನ ಕೈಗೊಳ್ಳಬೇಡಿ -ಅವರು ಒತ್ತಡದಲ್ಲಿರಬಹುದು ಮತ್ತು ಅವರಿಗೆ ನಿಮ್ಮ ಸಹಾನುಭೂತಿ ಮತ್ತು ತಿಳುವಳಿಕೆಯ ಅಗತ್ಯವಿರುತ್ತದೆ.

ನಿಮ್ಮ ಪ್ರೇಮ ಸಂಗಾತಿ ನಿಜಕ್ಕೂ ಇಂದು ಅದ್ಭುತವಾದದ್ದನ್ನು ಏನೋ ತರುತ್ತಾರೆ. ಅನೇಕ ಬಾರಿ ಮೊಬೈಲ್ಅನ್ನು ಚಲಾಯಿಸುತ್ತಾ ನಿಮಗೆ ಸಮಯದ ಬಗ್ಗೆ ತಿಳಿಯುವುದಿಲ್ಲ ಮತ್ತು ನಂತರ ನಿಮ್ಮ ಸಮಯ ವ್ಯರ್ಥವಾದಾಗ ನೀವು ವಿಷಾದಿಸುತ್ತೀರಿ.

ಅದೃಷ್ಟ ಸಂಖ್ಯೆ: 6

ಸಲಹೆ ಮತ್ತು ಪರಿಹಾರ ತಿಳಿಯಲು : ಪ: ಅನಂತ್ ಪ್ರಸಾದ್ ಶರ್ಮ( ಕೊಲ್ಲೂರು) 9845626805

ಸೂಪರ್ ಓವರ್ ಗೆಲುವಿನ ಮೂಲಕ ಇತಿಹಾಸ ಸೃಷ್ಟಿಸಿದ ಟೀಂ ಇಂಡಿಯಾ

Posted: 31 Jan 2020 07:10 AM PST

INDvsNZ : टीम इंडिया ने रचा इतिहास, लगातार दूसरा टी20 मैच सुपरओवर में जीता, सीरीज में 4-0 की बढ़त बनाई

ಸೂಪರ್ ಓವರ್ ಮತ್ತು ನ್ಯೂಜಿಲ್ಯಾಂಡ್ ಗೆ ನಂಟಿದೆ. ಹ್ಯಾಮಿಲ್ಟನ್ ಟಿ 20 ನಂತ್ರ  ಭಾರತ ಮತ್ತು ನ್ಯೂಜಿಲೆಂಡ್ ನಡುವೆ ವೆಲ್ಲಿಂಗ್ಟನ್‌ನಲ್ಲಿ ನಡೆದ ನಾಲ್ಕನೇ ಟಿ 20 ಪಂದ್ಯವೂ ಸೂಪರ್ ಓವರ್ ಗೆ ಸಾಕ್ಷಿಯಾಯ್ತು.

ಸೂಪರ್‌ ಓವರ್‌ನಲ್ಲಿ ನ್ಯೂಜಿಲೆಂಡ್ 13 ರನ್ ಗಳಿಸಿತ್ತು. ಇದಕ್ಕೆ ಪ್ರತಿಕ್ರಿಯೆಯಾಗಿ ಭಾರತ ಕೊನೆ ಎಸೆತದಲ್ಲಿ ಸಿಕ್ಸ್ ಬಾರಿಸಿ ಗೆಲುವು ಸಾಧಿಸುವ ಮೂಲಕ ಇತಿಹಾಸ ಸೃಷ್ಟಿಸಿದೆ. ಸೂಪರ್‌ ಓವರ್‌ನಲ್ಲಿ ಸತತ ಎರಡನೇ ಪಂದ್ಯವನ್ನು ಗೆದ್ದುಕೊಂಡ ಭಾರತ, ಕ್ರಿಕೆಟ್ ಇತಿಹಾಸದಲ್ಲಿ ಸತತ ಎರಡು ಪಂದ್ಯಗಳನ್ನು ಸೂಪರ್‌ ಓವರ್‌ನಲ್ಲಿ ಗೆದ್ದ ಮೊದಲ ತಂಡವಾಗಿದೆ.

ಇದಕ್ಕೂ ಮೊದಲು ನ್ಯೂಜಿಲೆಂಡ್ ಸರಣಿಯಲ್ಲಿ ಸತತ ನಾಲ್ಕನೇ ಬಾರಿ ಟಾಸ್ ಗೆದ್ದು ಭಾರತವನ್ನು ಬ್ಯಾಟಿಂಗ್ ಗೆ ಆಹ್ವಾನಿಸಿತ್ತು. ಈ ಪಂದ್ಯದಲ್ಲಿ ಟೀಮ್ ಇಂಡಿಯಾ 8 ವಿಕೆಟ್‌ಗೆ 165 ರನ್ ಗಳಿಸಿತ್ತು. ಇದಕ್ಕೆ ಪ್ರತಿಕ್ರಿಯೆಯಾಗಿ ನ್ಯೂಜಿಲೆಂಡ್ ತಂಡ 165 ರನ್ ಗಳಿಸಿ ಟೈ ಮಾಡಿಕೊಂಡಿತ್ತು.

ನ್ಯೂಜಿಲ್ಯಾಂಡ್ ಕೂಡ ಈ ಪಂದ್ಯದಲ್ಲಿ ದಾಖಲೆ ಬರೆದಿದೆ. ಮೂರು ರೀತಿಯ ಪಂದ್ಯಗಳಲ್ಲಿ ಅತಿ ಹೆಚ್ಚು ಟೈ ಫಲಿತಾಂಶ ಕಂಡ ತಂಡವಾಗಿ ನ್ಯೂಜಿಲ್ಯಾಂಡ್ ಹೊರಹೊಮ್ಮಿದೆ. ಈ ಭಾರಿ ನ್ಯೂಜಿಲ್ಯಾಂಡ್ 15 ಪಂದ್ಯಗಳನ್ನು ಟೈ ಮಾಡಿಕೊಂಡಿದೆ.

ಮತ್ತೆ ಮುಂದೂಡಲ್ಪಟ್ಟಿದೆ ನಿರ್ಭಯಾ ಅತ್ಯಾಚಾರಿಗಳ ಗಲ್ಲು

Posted: 31 Jan 2020 07:05 AM PST

निर्भया के दोषियों को कल नहीं होगी फांसी, कोर्ट ने कहा- अगले आदेश तक करें इंतजार

ನಿರ್ಭಯಾ ಅತ್ಯಾಚಾರಿಗಳು ಮತ್ತೊಮ್ಮೆ ಉಸಿರು ಬಿಟ್ಟಿದ್ದಾರೆ. ಅತ್ಯಾಚಾರಗಳ ಗಲ್ಲಿಗೇರಿಸುವ ದಿನಾಂಕ ಮತ್ತೆ ಮುಂದೂಡಲ್ಪಟ್ಟಿದೆ. ಪಟಿಯಾಲಾ ಹೌಸ್ ಕೋರ್ಟ್ ಶುಕ್ರವಾರ ಮುಂದಿನ ಆದೇಶ ಬರುವವರೆಗೂ ಗಲ್ಲಿಗೇರಿಸುವುದನ್ನು ತಡೆ ಹಿಡಿದಿದೆ.

ಫೆಬ್ರವರಿ 1ರಂದು ಅಪರಾಧಿಗಳ ಗಲ್ಲು ನಿಗಧಿಯಾಗಿತ್ತು. ಎರಡನೇ ಬಾರಿ ಗಲ್ಲಿಗೇರಿಸುವ ದಿನಾಂಕವನ್ನು ಮುಂದೂಡಲಾಗಿದೆ. ಇದಕ್ಕೂ ಮುನ್ನ ಜನವರಿ 22ರಂದು ಬೆಳಿಗ್ಗೆ 7 ಗಂಟೆಗೆ ಅಪರಾಧಿಗಳಿಗೆ ಗಲ್ಲಿಗೇರಿಸುವ ಆದೇಶ ನೀಡಲಾಗಿತ್ತು.

ಅಪರಾಧಿಗಳು ಒಬ್ಬರಾದ್ಮೇಲೆ ಒಬ್ಬರಂತೆ ಒಂದೊಂದೇ ಅರ್ಜಿಯನ್ನು ಕೋರ್ಟ್ ನಲ್ಲಿ ಸಲ್ಲಿಸುತ್ತಿದ್ದಾರೆ. ಕ್ಷಮಾಪಣಾ ಅರ್ಜಿ ರಾಷ್ಟ್ರಪತಿ ಬಳಿಯಿದೆ. ಹಾಗಾಗಿ ಗಲ್ಲು ಶಿಕ್ಷೆ ದಿನಾಂಕವನ್ನು ಮುಂದೂಡಬೇಕೆಂದು ವಿನಯ್ ಪರ ವಕೀಲರು ಕೋರ್ಟ್ ನಲ್ಲಿ ಅರ್ಜಿ ಸಲ್ಲಿಸಿದ್ದರು. ಅರ್ಜಿ ವಿಚಾರಣೆ ನಡೆಸುವ ವೇಳೆ ತಿಹಾರ್ ಜೈಲಿನ ಅಧಿಕಾರಿಗಳು ಉಳಿದ ಮೂವರನ್ನು ಗಲ್ಲಿಗೇರಿಸಲು ನಾವು ಸಿದ್ಧ ಎಂದಿದ್ದರು. ಅಪರಾಧಿ ಮುಖೇಶ್ ಮುಂದಿರುವ ಎಲ್ಲ ದಾರಿ ಬಂದ್ ಆಗಿದೆ. ಆದ್ರೆ ಉಳಿದವರ ನೆಪದಲ್ಲಿ ಮುಖೇಶ್ ಗಲ್ಲೂ ಮುಂದೂಡಲಾಗ್ತಿದೆ.

ವಿಭಿನ್ನ ಪೋಸ್ಟರ್ ಮೂಲಕ ಸುದ್ದಿ ಮಾಡ್ತಿದೆ `ವಿರಾಟಪರ್ವ’

Posted: 31 Jan 2020 06:25 AM PST

ಸ್ಯಾಂಡಲ್ವುಡ್ ನಲ್ಲಿ ಇತ್ತೀಚಿಗೆ  ಹೊಸಬರ, ಹೊಸ ಪ್ರಯೋಗಾತ್ಮಕ ಸಿನಿಮಾಗಳು ಗಮನ ಸೆಳೆಯುತ್ತಿವೆ. ಇದೀಗ ಅದೇ ಸಾಲಿಗೆ ಹೊಸಬರ ತಂಡವೊಂದು ಸೇರ್ಪಡೆಗೊಂಡಿದೆ. ಹೊಸಬರ ಚಿತ್ರತಂಡ `ವಿರಾಟ​ಪರ್ವ' ಎಂಬ ವಿಭಿನ್ನ ಕಥೆಯನ್ನ ಹೊತ್ತು ಗಾಂಧಿನಗರಕ್ಕೆ ಕಾಲಿಟ್ಟಿದೆ. ಈಗಾಗಲೇ ಚಿತ್ರತಂಡ ಎರಡು ವಿಭಿನ್ನ ಪೋಸ್ಟರ್​ ಗಳನ್ನ ಬಿಡುಗಡೆಗೊಳಿಸಿದೆ.

ಎಸ್.ಆರ್.ಮೀಡಿಯಾ ಪ್ರೊಡಕ್ಷನ್ಸ್ ಬ್ಯಾನರ್ ಅಡಿಯಲ್ಲಿ ಸುನೀಲ್ ರಾಜ್ 'ವಿರಾಟ್​ ಪರ್ವ' ಚಿತ್ರ ನಿರ್ಮಾಣ ಮಾಡ್ತಿದ್ದಾರೆ. ಚಿತ್ರಕ್ಕೆ ಮುದ್ದು ಮನಸೇ ಖ್ಯಾತಿಯ ಅನಂತ್ ಶೈನ್ ಆ್ಯಕ್ಷನ್​ ಕಟ್​ ಹೇಳಿದ್ದಾರೆ. ವಿನೀತ್ ರಾಜ್ ಮೆನನ್ ಸಂಗೀತ ಸಂಯೋಜನೆ ಮಾಡಿರುವ ಚಿತ್ರಕ್ಕೆ ಶಿವು ಬಿಕೆ ಶಿವಸೇನಾ ಛಾಯಾಗ್ರಹಣವಿದೆ.

ವಿರಾಟ​ಪರ್ವ ಆ್ಯಕ್ಷನ್​ ಓರಿಯಂಟೆಡ್​​ ಮಾಸ್​ ಸಿನಿಮ. ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ಅರುಗೌಡ, ಯಶ್ ಶೆಟ್ಟಿ ಕಾಣಿಸಿಕೊಳ್ತಿದ್ದಾರೆ. ಈಗಾಗಲೇ ಚಿತ್ರದ ಮೊದಲ ಪೊಸ್ಟರ್​  ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಹಾಗೂ  ಎರಡನೇ ಪೋಸ್ಟರ್ ನ ಮೈಸೂರಿನ ಹುತಾತ್ಮ ಯೋಧ ಹೇಮಚಂದರ್ ರ ಪೋಷಕರಿಂದ ರಿಲೀಸ್​ ಮಾಡಿಸಿದೆ. ಚಿತ್ರದಲ್ಲಿ ಯಶ್ ಶೆಟ್ಟಿ ಯೋಧನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಮೂರು ವಿಭಿನ್ನ ಕಥೆಗಳ ಸಂಗಮವಾಗಿರಲಿರೋ ವಿರಾಟಪರ್ವದಲ್ಲಿ ನಾತಿಚರಾಮಿ ಚಿತ್ರದ ಮೂಲಕ ರಾಷ್ಟ್ರಮಟ್ಟದಲ್ಲಿ ಮನ್ನಣೆ ಗಳಿಸಿದ್ದ ನಿರ್ದೇಶಕ ಮಂಸೋರೆ ಬಣ್ಣ ಹಚ್ಚುತ್ತಿರುವುದು ಮತ್ತೊಂದು ವಿಶೇಷವಾಗಿದೆ.  ಸಿನಿಮಾ ಚಿತ್ರೀಕರಣಕ್ಕೂ ಮುನ್ನ ಹಲವು ವಿಶೇಷ ವಿಚಾರಗಳಿಗೆ ಸಾಕಷ್ಟು ಸುದ್ದಿ ಮಾಡುತ್ತಿದೆ.

ಭೂಗರ್ಭದಲ್ಲಿ ಹುದುಗಿದ ಮೈಲಿಯುದ್ದದ ಸುರಂಗ…!

Posted: 31 Jan 2020 05:55 AM PST

ಮಾದಕ ದ್ರವ್ಯಗಳ ಕಳ್ಳಸಾಗಾಟ ಮಾಡುತ್ತಿದ್ದ ಭಾರೀ ಉದ್ದದ ಸುರಂಗವೊಂದನ್ನು ಅಮೆರಿಕ-ಮೆಕ್ಸಿಕೋ ಗಡಿಯಲ್ಲಿ ಫೆಡರಲ್‌ ಏಜೆಂಟ್‌ಗಳು ಪತ್ತೆ ಮಾಡಿದ್ದಾರೆ.

4307 ಅಡಿ (1131 ಮೀಟರ್‌) ಉದ್ದ ಹಾಗೂ 5.5 ಅಡಿ ಎತ್ತರವಿರುವ ಈ ಸುರಂಗವು ನೆಲಮಟ್ಟದಿಂದ 70 ಅಡಿ ಆಳದಲ್ಲಿದೆ.

ಸ್ಯಾನ್‌ಡಿಯೆಗೋನಿಂದ 15 ಮೈಲಿ ದೂರದಲ್ಲಿರುವ ಟಿಜುವಾನಾ ಎಂಬ ದಾಸ್ತಾನು ಪಟ್ಟಣದಿಂದ ಆರಂಭಗೊಳ್ಳುವ ಈ ಸುರಂಗವನ್ನು ಅಮೆರಿಕದ ನೈಋತ್ಯ ಗಡಿಯಲ್ಲಿ ಪತ್ತೆ ಮಾಡಲಾಗಿದೆ.

ಸುಸಜ್ಜಿತ ಸುರಂಗವಾದ ಇದಕ್ಕೆ ವಿದ್ಯುತ್‌ಸಂಪರ್ಕ, ವೆಂಟಿಲೇಷನ್, ರೇಲ್ ಕಾರ್ಟ್ ವ್ಯವಸ್ಥೆ, ಎರಡೂ ಬದಿಗಳಲ್ಲಿ ಎಲಿವೇಟರ್‌ಪ್ರವೇಶದ ವ್ಯವಸ್ಥೆ ಇದೆ ಎಂದು ಅಮೆರಿಕದ ಕಸ್ಟಮ್ಸ್ ಹಾಗೂ ಗಡಿ ರಕ್ಷಣಾ ಇಲಾಖೆ ತಿಳಿಸಿದೆ.

ಪ್ರವೇಶದ್ವಾರವನ್ನು ಮುಚ್ಚಲು ಬಳಸಲಾಗಿದ್ದ ನೂರಾರು ಮರಳಿನ ಚೀಲಗಳನ್ನು ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ.

62 ವರ್ಷದ ಬೆಂಗಳೂರು ಮಹಿಳೆ ಮುಡಿಗೆ ’ಗ್ರಾಂಡ್‌ಮಾ ಅರ್ತ್‌ 2020’

Posted: 31 Jan 2020 05:15 AM PST

ಬಲ್ಗೇರಿಯಾದಲ್ಲಿ ನಡೆದ 'ಗ್ರಾಂಡ್‌ಮಾ ಅರ್ತ್‌2020' ಸ್ಫರ್ಧೆಯಲ್ಲಿ ಬೆಂಗಳೂರಿನ 62 ವರ್ಷದ ಮಹಿಳೆ ಆರತಿ ಚಟ್ಲಾನಿ ವಿಜೇತರಾಗಿದ್ದಾರೆ.

ಇಲ್ಲಿನ ಸೋಫಿಯಾದಲ್ಲಿ ಜನವರಿ 19-23ರ ನಡವೆ ಈ ಸ್ಫರ್ಧೆಯನ್ನು ಆಯೋಜಿಸಲಾಗಿತ್ತು.

ತಮ್ಮ ಗೆಲುವಿನ ಫೋಟೋಗಳನ್ನು ಚಟ್ಲಾನಿ ಇನ್‌ಸ್ಟಾಗ್ರಾಂನಲ್ಲಿ ಶೇರ್‌ಮಾಡಿಕೊಂಡಿದ್ದಾರೆ.

ಮೊದಲ ಸುತ್ತಿನಲ್ಲಿ ಮದುವಣಗಿತ್ತಿಯಂತೆ ಲೆಹೆಂಗಾ ಧರಿಸಿದ್ದ ಚಟ್ಲಾನಿ ಎರಡನೇ ಸುತ್ತಿನಲ್ಲಿ ಹಿಂದಿ ಹಾಡು 'ಭಾಗಾ ಸಾ' ಹಾಡಿಗೆ ನೃತ್ಯ ಮಾಡಿದ್ದಾರೆ.

ತನ್ನ ಮುದ್ದಿನ ಮೊಮ್ಮಕ್ಕಳ ಅಗತ್ಯತೆಗಳನ್ನು ಪೂರೈಸಲು ಅಜ್ಜಿಯಂದಿರು ಹೇಗೆಲ್ಲಾ ಮಾಡುತ್ತಾರೆ ಎಂಬ ಥೀಮ್ ಮೇಲೆ ಈ ನೃತ್ಯ ಇತ್ತು. ಚಟ್ಲಾನಿಗೆ ಈ ಕಾಂಟೆಸ್ಟ್‌ನಲ್ಲಿ ಭಾಗವಹಿಸಲು ಅವರ ಕುಟುಂಬದ ಅಷ್ಟೂ ಸದಸ್ಯರು ನೆರವಿಗೆ ಬಂದಿದ್ದಾರೆ.

View this post on Instagram

👑🖤

A post shared by Aarti Chatlani (@aartichatlani) on

View this post on Instagram

🎇💓

A post shared by Aarti Chatlani (@aartichatlani) on

ಮತ್ತೆ ಮತ್ತೆ ಬಳಸುವ ಪ್ಲಾಸ್ಟಿಕ್ ಬಾಟಲ್ ಎಷ್ಟು ಡೇಂಜರಸ್ ಗೊತ್ತಾ…?

Posted: 31 Jan 2020 05:00 AM PST

ಪ್ಲಾಸ್ಟಿಕ್ ಬಾಟಲ್ ಗಳಲ್ಲಿ ನೀರು ಖಾಲಿಯಾದಂತೆಲ್ಲಾ ಮತ್ತೆ ಮತ್ತೆ ತುಂಬಿಕೊಂಡು ಕುಡಿಯುವುದು ಎಷ್ಟು ಡೇಂಜರಸ್ ಗೊತ್ತಾ? ಇಂತಹ ಬಾಟಲ್ ಗಳು ಕೀಟಾಣುಗಳ ನೆಲೆಯಾಗಿರುತ್ತವೆ. ಸರಿಯಾಗಿ ತೊಳೆಯದೇ ಬಳಸುವ ಪ್ಲಾಸ್ಟಿಕ್ ಬಾಟಲಿಗಳಲ್ಲಿ ಟಾಯ್ಲೆಟ್ ನಲ್ಲಿ ಇರುವಷ್ಟೇ ಕೀಟಾಣುಗಳು ಇರುತ್ತವೆ ಎಂದು ಒಂದು ಸಂಶೋಧನೆ ಹೇಳಿದೆ.

ಟ್ರೆಡ್ ಮಿಲ್ ರಿವ್ಯೂಸ್ ಎಂಬ ಒಂದು ಸಂಸ್ಥೆ ಇದನ್ನು ಕಂಡುಹಿಡಿದಿದೆ. ಅವರು, ಒಬ್ಬ ಕ್ರೀಡಾಪಟು ಒಂದು ವಾರ ಬಳಸಿದ ನೀರಿನ ಬಾಟಲಿಯ ಪರೀಕ್ಷೆ ಮಾಡಿದಾಗ ಅದರ 1 ಸೆಂ.ಮೀ. ಏರಿಯಾದಲ್ಲಿ ಸುಮಾರು 90,000 ಕೀಟಾಣುಗಳು ನಿರ್ಮಿತವಾಗಿದ್ದವಂತೆ. ಅಂದರೆ ಒಂದು ಟಾಯ್ಲೆಟ್ ಸೀಟ್ ನಲ್ಲಿ ಎಷ್ಟು ಕೀಟಾಣುಗಳಿರುತ್ತವೋ ಅಷ್ಟು ಕೀಟಾಣುಗಳು ನೀರಿನ ಬಾಟಲಿಯಲ್ಲಿ ಕಾಣಿಸಿವೆ!

ವಿಜ್ಞಾನಿಗಳ ಪ್ರಕಾರ ಬಾಟಲಿಗಳಲ್ಲಿ ಇರುವ ಪ್ರತಿಶತ 60 ರಷ್ಟು ಕೀಟಾಣುಗಳು ರೋಗ ಹರಡುವಂತವುಗಳಾಗಿವೆ. ಇಂತಹ ಕೀಟಾಣುಗಳಿಂದ ಡಯೇರಿಯಾ, ಫುಡ್ ಪಾಯ್ಸನಿಂಗ್, ವಾಂತಿ ಮುಂತಾದ ತೊಂದರೆಗಳು ಕಾಣಿಸಿಕೊಳ್ಳುತ್ತವೆ. ಇದರಿಂದ ಮುಕ್ತರಾಗಲು ನೀವು ಅನುಸರಿಸಬೇಕಾದ ಕ್ರಮಗಳು ಹೀಗಿವೆ.

ಬಾಟಲಿಯನ್ನು ಪುನಃ ಪುನಃ ಬದಲಾಯಿಸುತ್ತಿರಬೇಕು.

ಬಾಟಲಿಯನ್ನು ಬದಲಾಯಿಸದೇ ಇದ್ದಲ್ಲಿ ಬಾಟಲಿಯನ್ನು ನೀರಿಗೆ ಹಾಕಿ ಕುದಿಸಿ.

ಬಾಟಲಿಯನ್ನು ಪ್ರತಿದಿನ ಬಿಸಿ ನೀರು ಮತ್ತು ಸಾಬೂನಿನಿಂದ ತೊಳೆಯಿರಿ.

ಸ್ಲೈಡ್ ಟಾಪ್ ಮುಚ್ಚಳವಿರುವ ಬಾಟಲಿಗಿಂತ ತೆರೆದ ಮುಚ್ಚಳವಿರುವ ಬಾಟಲಿ ಬಳಕೆ ಉತ್ತಮ.

ಪ್ಲಾಸ್ಟಿಕ್ ಬದಲು ಮೆಟಲ್ ಬಾಟಲಿಗಳನ್ನು ಉಪಯೋಗಿಸಿ.

ವಾಸ್ತು ದೋಷವನ್ನು ಕಡಿಮೆ ಮಾಡುತ್ತೆ ಈ ʼಚಿಹ್ನೆʼ

Posted: 31 Jan 2020 04:32 AM PST

ವಾಸ್ತು ದೋಷದಿಂದ ಅನೇಕ ಸಮಸ್ಯೆ ಕಾಡುತ್ತದೆ. ವಾಸ್ತು ಶಾಸ್ತ್ರದಲ್ಲಿಯೇ ವಾಸ್ತು ದೋಷ ನಿವಾರಣೆಗೆ ಪರಿಹಾರ ಹೇಳಲಾಗಿದೆ. ಸಣ್ಣ ಸಣ್ಣ ಸಂಗತಿಗಳಿಂದಲೂ ವಾಸ್ತು ದೋಷವನ್ನು ಕಡಿಮೆ ಮಾಡಬಹುದು. ಕೆಲವೊಂದು ಚಿತ್ರ ಹಾಗೂ ಚಿಹ್ನೆ ಕೂಡ ವಾಸ್ತು ದೋಷ ಕಡಿಮೆ ಮಾಡುವ ಶಕ್ತಿ ಹೊಂದಿದೆ.

ಕಳಶ : ಪವಿತ್ರ ಧಾತುವಿನಿಂದ ಈ ಕಲಶವನ್ನು ಮಾಡಲಾಗಿರುತ್ತದೆ. ಅದ್ರಲ್ಲಿ ಪವಿತ್ರ ಜಲವನ್ನು ಇಡಲಾಗುತ್ತದೆ. ಇದ್ರ ಮೇಲೆ ಅಶೋಕ ಅಥವಾ ಮಾವಿನ ಎಲೆ ಇಲ್ಲವೇ ಕೆಂಪು ದಾರವನ್ನು ಕಟ್ಟಲಾಗುತ್ತದೆ. ಇದನ್ನು ಆರೋಗ್ಯ, ಐಶ್ವರ್ಯ ಹಾಗೂ ಕಲ್ಯಾಣದ ಸಂಕೇತವೆಂದು ಪರಿಗಣಿಸಲಾಗಿದೆ. ಇದನ್ನು ದೇವರ ಮನೆಯಲ್ಲಿ ಸ್ಥಾಪನೆ ಮಾಡಬೇಕು.

ಮನೆಯ ಮುಖ್ಯ ದ್ವಾರದ ಮೇಲೆ ಅಥವಾ ಪಕ್ಕದ ಗೋಡೆಗೆ ಮಹಿಳೆಯರ ಹಸ್ತದ ಅಚ್ಚನ್ನು ಒತ್ತಬೇಕು. ಅರಿಶಿನದಲ್ಲಿ ಕೈ ಅದ್ದಿ ಹಸ್ತ ಅಚ್ಚನ್ನು ಹಾಕಬೇಕು. ಇದು ವಾಸ್ತು ಪ್ರಕಾರ ಶುಭವೆಂದು ಪರಿಗಣಿಸಲಾಗಿದೆ. ಇದು ಮನೆಯ ಸಮೃದ್ಧಿಗೆ ಕಾರಣವಾಗುತ್ತದೆ.

ವಾಸ್ತು ಶಾಸ್ತ್ರದಲ್ಲಿ ಮೀನಿಗೆ ಮಹತ್ವದ ಸ್ಥಾನವಿದೆ. ಮನೆಯ ಉತ್ತರ ದಿಕ್ಕಿಗೆ ಮೀನಿನ ಚಿತ್ರವನ್ನು ಹಾಕಬೇಕು. ಜೋಡಿ ಮೀನು ಒಟ್ಟಿಗೆ ಇದ್ದಲ್ಲಿ ಅದು ಮತ್ತಷ್ಟು ಶುಭ ಫಲ ನೀಡುತ್ತದೆ.

‘ಓಂ’ ಚಿಹ್ನೆ ಬಹಳ ಶುಭಕರವಾದದ್ದು. ಇದು ರೋಗ ಹರಡುವ ಶಕ್ತಿಯನ್ನು ನಾಶಪಡಿಸುತ್ತದೆ. ಮನೆಯ ಮುಖ್ಯ ದ್ವಾರ ಅಥವಾ ಮನೆಯ ಯಾವುದೇ ಭಾಗದಲ್ಲಿ ಓಂ ಚಿಹ್ನೆಯನ್ನು ಇಡಿ.

ಮನೆಯಲ್ಲಿ ಧನದ ಅಭಾವವಿದ್ದರೆ ಅಥವಾ ಮನೆಯ ಸದಸ್ಯರು ಆಗಾಗ ಹಾಸಿಗೆ ಹಿಡಿಯುತ್ತಿದ್ದರೆ ‘ಸ್ವಸ್ಥಿಕ್’ ಚಿಹ್ನೆಯನ್ನು ಮನೆಯಲ್ಲಿಡಿ. ಇದು ಆರ್ಥಿಕ ಹಾಗೂ ಆರೋಗ್ಯ ಸಮಸ್ಯೆಯನ್ನು ದೂರ ಮಾಡುತ್ತದೆ.

ಕುತೂಹಲಕ್ಕೆ ಕಾರಣವಾಗಿದೆ ಜ್ವಾಲಾಮುಖಿ ಸ್ಪೋಟದ ಬಳಿಕ ಕಂಡ ಬೆಳಕು

Posted: 31 Jan 2020 03:42 AM PST

ಮೆಕ್ಸಿಕೋದ ಅಗ್ನಿಪರ್ವತವೊಂದರಲ್ಲಿ 40 ನಿಮಿಷಗಳ ಅಂತರದಲ್ಲಿ ಎರಡು ಬಾರಿ ಜ್ವಾಲಾಮುಖಿ ಸ್ಫೋಟವಾಗಿದೆ.

ಬಳಿಕ ಪರ್ವತದ ಆಸುಪಾಸಿನಲ್ಲಿ ಕಂಡು ಬಂದಿರುವ ಬೆಂಕಿ ಕಿಡಿ ಮತ್ತು ದಟ್ಟ ಹೊಗೆ ನಾಗರಿಕರಲ್ಲಿ ಭೀತಿ ಜತೆ ಕುತೂಹಲ ಮೂಡಿಸಿದೆ.

ಮೆಕ್ಸಿಕೊ ಸರ್ಕಾರಿ ವೆಬ್ ಸೈಟ್ ಸ್ಫೋಟದ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದೆ. ಇದಕ್ಕೆ ನೆಟ್ಟಿಗರಿಂದ ವಿಭಿನ್ನ ರೀತಿಯ ಅಭಿಪ್ರಾಯ ಕೇಳಿ ಬಂದಿವೆ.

ಅಗ್ನಿಪರ್ವತದಿಂದ ಬಿಳಿ ಬಣ್ಣದ ಬೆಳಕು ಎರಡೂ ಬದಿಯಲ್ಲಿ ಕಾಣಿಸಿಕೊಳ್ಳುತಿದ್ದು ಎಲಿಯನ್ಸ್ ಇರಬಹುದಾ ಎಂಬ ಮಾತುಗಳೂ ಪೋಸ್ಟ್ ಆಗಿವೆ.

ಸೋಮವಾರ ರಾತ್ರಿ 11:18 ಕ್ಕೆ ಒಮ್ಮೆ ಹಾಗೂ 40 ನಿಮಿಷಗಳಲ್ಲಿ ಮತ್ತೊಂದು ಜ್ವಾಲಾಮುಖಿ ಸ್ಫೋಟಿಸಿದ್ದ ಸರಹದ್ದಿನ ಜನತೆಗೆ ಮೆಕ್ಸಿಕೊ ಸರ್ಕಾರ ಎಚ್ಚರಿಕೆಯಿಂದ ಇರುವಂತೆ ಸೂಚಿಸಿದೆ.

ಈ ಫೋಟೋದಲ್ಲಿರುವ ಹಲ್ಲಿಯನ್ನು ಪತ್ತೆ ಹಚ್ಚಬಲ್ಲಿರಾ…?

Posted: 31 Jan 2020 03:40 AM PST

ಪಿಎಚ್‌ಡಿ ವಿದ್ಯಾರ್ಥಿನಿ ಇರ್ಯಾನ್ ಮೆಗ್ಗಿ ಅವರು ಪ್ರತಿ ವಾರ ಟ್ವಿಟ್ಟರ್ ನಲ್ಲಿ ತಮ್ಮ 16 ಸಾವಿರ ಟ್ವಿಟ್ಟರ್ ಫಾಲೋವರ್ ಗಳಿಗೆ ಟಾಸ್ಕ್ ಅನ್ನು ಕೊಡುತ್ತಾರೆ.

ಈ ಬಾರಿ ಫೈಂಡ್ ದಟ್ ಲಿಜಾರ್ಡ್ ಎಂಬ ಹ್ಯಾಷ್ಟ್ಯಾಗ್ ಮೂಲಕ ಖಾಲಿ ಜಾಗದಲ್ಲಿ ಹಲ್ಲಿ (ಪಲ್ಲಿ) ಯನ್ನು ಪತ್ತೆ ಹೆಜ್ಜೆ ಎಂಬ ಟಾಸ್ಕ್ ಕೊಟ್ಟಿದ್ದರು.

ಅವರು ಪ್ರತಿ ಬಾರಿ ಕೊಡುವ ಟಾಸ್ಕ್ ನಲ್ಲಿ ಒಂದು ಅಂಶ ಸಾಮಾನ್ಯವಾಗಿ ಇರಲಿದ್ದು, ಸರೀಸೃಪ ಹುಡುಕುವುದಾಗಿರುತ್ತದೆ.

ಆದರೆ ಈ ಬಾರಿ ಕೊಟ್ಟಿರುವ ಚಾಲೆಂಜ್ ಬಹಳಷ್ಟು ಟ್ವಿಟ್ಟರ್ ಬಳಕೆದಾರರನ್ನು ಗೊಂದಲಕ್ಕೀಡು ಮಾಡಿತ್ತು. ಪ್ರಾಗ್ಜೀವ ಶಾಸ್ತ್ರಜ್ಞ ಯಾರಾ ಹರಿಡಿ ಈ ಚಿತ್ರವನ್ನು ಸೆರೆ ಹಿಡಿದಿದ್ದಾರೆ.

ಡೈನಾಸರ್ ನ್ಯಾಷನಲ್ ಪಾರ್ಕ್ ನಲ್ಲಿ ಈ ಚಿತ್ರವನ್ನು ಸೆರೆ ಹಿಡಿಯಲಾಗಿದೆ. ಆದರೆ ಇವರು ಫೋಟೋವನ್ನು ಹಾಕುತ್ತಿದ್ದಂತೆ ಹುಡುಕಾಟ ಶುರು ಮಾಡಿದ ಹಲವು ಟ್ವಿಟ್ಟಿಗರಿಗೆ ಭಾರಿ ಸಮಯ ತೆಗೆದುಕೊಂಡಿದೆ.

ಮತ್ತೆ ಕೆಲವರು ಬಹುಬೇಗ ಹುಡುಕಿದ್ದಾರೆ. ಅಲ್ಲದೆ ಅದನ್ನು ರೌಂಡ್ ಮಾರ್ಕ್ ಮಾಡಿಯೂ ಕಳಿಸಿದ್ದಾರೆ. ಮತ್ತೆ ಕೆಲವರು ಹುಡುಕಿ ಹುಡುಕಿ ಸಾಕಾಗಿ ಅಲ್ಲಿ ಹಲ್ಲಿಯೇ ಇರಲಿಲ್ಲ. ಫೋಟೋವನ್ನು ಎಡಿಟ್ ಮಾಡುವ ಮೂಲಕ ಅಲ್ಲಿ ಹಲ್ಲಿಯನ್ನು ಕೂರಿಸಲಾಗಿದೆ ಎಂದು ಹೇಳಿದ್ದಾರೆ.

ಅಲೆಕ್ಸಾ ಬರೋದಕ್ಕಿಂತ ಮುಂಚೆ ಹೀಗಿತ್ತು ಜೀವನ…!

Posted: 31 Jan 2020 03:38 AM PST

ಅಮೆಜಾನ್ ಸಂಸ್ಥೆಯ ಜನಪ್ರಿಯ ತಂತ್ರಜ್ಞಾನ ಅಲೆಕ್ಸಾ ಪರಿಚಯವಾಗುವುದಕ್ಕೂ ಮುಂಚೆ ಪರಿಸ್ಥಿತಿ ಹೇಗಿತ್ತು? ಜನ ಹೇಗೆ ಈ ತಂತ್ರಜ್ಞಾನ ಮಾಡುವ ಕೆಲಸವನ್ನು ಮಾಡುತ್ತಿದ್ದರು? ಎಂಬ ಬಗ್ಗೆ ಅಮೆಜಾನ್ ಈಗ ಉತ್ತರ ಕಂಡುಕೊಂಡಿದೆ.

ಸೃಜನಾತ್ಮಕ ಜಾಹೀರಾತೊಂದು ಈಗ ಹೊರಬಿದ್ದಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ಹಾಸ್ಯಗಾರ ಹಾಗೂ ಕಾರ್ಯಕ್ರಮ ನಿರೂಪಕ ಎಲೆನ್ ಡಿ ಜೆನೆರೆಸ್ ಹಾಗೂ ಪತ್ನಿ ಪೋರ್ಟಿಯ ಡಿ ರೊಸ್ಸಿ ಅಭಿನಯಿಸಿರುವ ಸೂಪರ್ ಬೌಲ್ 2020 ಜಾಹೀರಾತಲ್ಲಿ ಅಭಿನಯಿಸಿದ್ದು, ಅಮೆಜಾನ್ ಗೆ ಸಂಬಂಧಪಟ್ಟಿದ್ದಾಗಿದೆ.

ಈ ಜಾಹೀರಾತಲ್ಲಿ ಅಲೆಕ್ಸಾ ಬರುವುದಕ್ಕಿಂತ ಮುಂಚಿನ ಜೀವನ ಹೇಗಿತ್ತು ಎಂಬ ಬಗ್ಗೆ ಚಿತ್ರೀಕರಿಸಲಾಗಿದ್ದು, ಇದನ್ನು ಅಮೆಜಾನ್ ನ ಸಂಸ್ಥಾಪಕ ಮತ್ತು ಸಿಇಒ ಜೆಫ್ ಬಿಜೋಸ್ ಸಾಮಾಜಿಕ ಜಾಲತಾಣದಲ್ಲಿ ಈ ಜಾಹೀರಾತನ್ನು ಅಪ್ಲೋಡ್ ಮಾಡಿದ್ದಾರೆ. ಇದೀಗ ಇದು ಭಾರಿ ಚರ್ಚೆಗೆ ಒಳಗಾಗಿದೆ.

ಈ ಜಾಹೀರಾತಿನಲ್ಲಿ ಅಲೆಕ್ಸಾಗೆ ಸೂಚಿಸುವ ಎಲೆನ್, ಥರ್ಮೋಸ್ಟ್ಯಾಟ್ ನ ತೀವ್ರತೆಯನ್ನು ಕಡಿಮೆ ಮಾಡಲು ಹೇಳುತ್ತಾರೆ. ಆಗ ಅನಿಸಿದ್ದೇನೆಂದರೆ ಅಲೆಕ್ಸಾ ಬರುವುದಕ್ಕೂ ಮುಂಚೆ ಪರಿಸ್ಥಿತಿ ಹೇಗಿರಬಹುದು ಎಂದು ಊಹಿಸಿಕೊಂಡು ಯೋಚಿಸಿದಾಗ, ಕೆಲಸದಾಕೆಗೆ ಇದೇ ಕೆಲಸವನ್ನು ಕೇಳಿದಾಗ ಆಕೆ ಥರ್ಮೋಸ್ಟ್ಯಾಟ್ ನಲ್ಲಿ ಉರಿಯುತ್ತಿರುವ ಎರಡು ಕೊಳ್ಳಿಯನ್ನು ಅಲ್ಲಿಂದ ತೆಗೆದು ಕಿಟಕಿ ಮೂಲಕ ಬಿಸಾಡುತ್ತಾಳೆ.

ಇನ್ನೊಂದರಲ್ಲಿ ಅರಮನೆ ವಿದೂಷಕನಿಗೆ ಯಾವುದೇ ಹಾಸ್ಯ ಬರುತ್ತಿರಲಿಲ್ಲ. ರಾಣಿ ಯಾವುದಾದರೂ ಹಾಸ್ಯವನ್ನು ಹೇಳು ಎಂದು ಕೇಳಿದಾಗ ದಿನಪತ್ರಿಕೆಯಲ್ಲಿ ಸುಳ್ಳು ಸುದ್ದಿಗಳು ತುಂಬಿವೆ ಎಂದು ದಿನಪತ್ರಿಕೆ ವಿತರಕ ಹುಡುಗ ಹೇಳಿ ನಗುತ್ತಾನೆ ಎಂದು ಹೇಳುತ್ತಾನೆ. ಆದರೆ ಇದೆಂಥ ಜೋಕ್ ಎಂದು ಎಲ್ಲರಿಗೂ ಅನಿಸುತ್ತದೆ. ಹೀಗೆ ಈ ಜಾಹೀರಾತು ಸಾಗುತ್ತದೆ.

ಈಗಾಗಲೆ ಇನ್ಸ್ಟಾ ಗ್ರಾಂನಲ್ಲಿ 2.5 ಲಕ್ಷ ವೀಕ್ಷಣೆ ಕಂಡಿದ್ದರೆ, ಟ್ವಿಟ್ಟರ್ ನಲ್ಲಿ 81,000 ಮಂದಿ ವೀಕ್ಷಿಸಿದ್ದಾರೆ ಅಲ್ಲದೆ ಭಾರಿ ಪ್ರಮಾಣದಲ್ಲಿ ಕಾಮೆಂಟ್ ಗಳು ಬಂದಿವೆ. ಜಾಹೀರಾತು ನಿರ್ದೇಶಕನ ಸೃಜನಾತ್ಮಕ ಚಿಂತನೆಗೆ ಎಲ್ಲರೂ ತಲೆಬಾಗಿದ್ದಾರೆ.

ಮದುವೆಯಾದ ಮೂರು ತಿಂಗಳಲ್ಲಿ ವಧು ಮಾಡಿದ್ಲು ದಂಗಾಗಿಸುವ ಕೆಲಸ

Posted: 31 Jan 2020 02:34 AM PST

ಮದುವೆಯಾಗಿ ಮೂರು ತಿಂಗಳಲ್ಲೇ ವಧು ತನ್ನ ಅಸಲಿ ರೂಪ ತೋರಿಸಿದ್ದಾಳೆ. ಗಂಡನ ಮನೆಯವರಿಗೆ ಊಟದಲ್ಲಿ ನಿದ್ರೆ ಮಾತ್ರೆ ಹಾಕಿದ ವಧು, ಬಂಗಾರ, ನಗದಿನ ಜೊತೆ ಮನೆ ಖಾಲಿ ಮಾಡಿದ್ದಾಳೆ. ವಧುವಿನ ಕೃತ್ಯ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ವಿಚಾರಣೆ ಶುರುಮಾಡಿದ್ದಾರೆ.

ಘಟನೆ ಹರ್ಯಾಣದಲ್ಲಿ ನಡೆದಿದೆ. ಕುಟುಂಬಸ್ಥರ ಮಾಹಿತಿ ಹಾಗೂ ಸಿಸಿ ಟಿವಿ ಆಧಾರದ ಮೇಲೆ ಪೊಲೀಸರು ತನಿಖೆ ಶುರು ಮಾಡಿದ್ದಾರೆ. ಪಶ್ಚಿಮ ಬಂಗಾಳದ ರೇಷ್ಮಾ ಎಂಬಾಕೆಯನ್ನು ಅಮಿತ್ ಮದುವೆಯಾಗಿದ್ದ. ಎಲ್ಲವೂ ಸರಿಯಾಗಿಯೇ ಇತ್ತು. ವಧು ಮನೆಯವರ ಜೊತೆ ಚೆನ್ನಾಗಿಯೇ ನಡೆದುಕೊಳ್ತಿದ್ದಳಂತೆ. ಆದ್ರೆ ರಾತ್ರಿ ಬೆಳಗಾಗುವುದ್ರೊಳಗೆ ಆಕೆ ಮಾಡಿದ ಕೆಲಸ ಮಾತ್ರ ದಂಗಾಗಿಸಿದೆ ಎಂದು ವರ ಹೇಳಿದ್ದಾನೆ.

ಮೊಬೈಲ್ ಕದ್ದೊಯ್ದಿರುವ ರೇಷ್ಮಾ, ಪತಿಗೆ ಕರೆ ಮಾಡಿ ಧಮಕಿ ಹಾಕ್ತಿದ್ದಾಳಂತೆ. ದೂರು ಹಿಂಪಡೆಯದೆ ಹೋದಲ್ಲಿ ಹತ್ಯೆ ಮಾಡುವುದಾಗಿ ಬೆದರಿಸುತ್ತಿದ್ದಾಳಂತೆ.

ಮೊಸಳೆ ಕತ್ತಲ್ಲಿರುವ ಟೈರ್ ತೆಗೆದ್ರೆ ಸಿಗಲಿದೆ ಬಹುಮಾನ

Posted: 31 Jan 2020 02:31 AM PST

crocodile neck stuck in tyre Indonesia goverment offers reward for rescuing

ಆಗಾಗ  ಸಾಮಾಜಿಕ ಜಾಲತಾಣದಲ್ಲಿ ಮನಸ್ಸಿಗೆ ನೋವುಂಟು ಮಾಡುವ ಫೋಟೋಗಳನ್ನು ನೋಡ್ತಿರುತ್ತೇವೆ. ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಮೊಸಳೆ ಫೋಟೋ ಕೂಡ ನೋವು ತರಿಸುತ್ತದೆ. ಕಳೆದ ನಾಲ್ಕು ವರ್ಷಗಳಿಂದ  ಮೊಸಳೆ ಕತ್ತಿಗೆ ಟೈರ್ ಸಿಲುಕಿದೆ. ಇಂಡೋನೇಷ್ಯಾದ ಸುಲವೆಸಿ ಪ್ರಾಂತ್ಯದಲ್ಲಿ ಈ ಫೋಟೋ ಕ್ಲಿಕ್ಕಿಸಲಾಗಿದೆ.

ಮಾಹಿತಿಯ ಪ್ರಕಾರ, ಕಳೆದ ನಾಲ್ಕು ವರ್ಷಗಳಿಂದ  ಮೊಸಳೆಯ ಕುತ್ತಿಗೆಗೆ ಟೈರ್ ಸಿಲುಕಿಕೊಂಡಿದೆ. ಅದು ಕ್ರಮೇಣ ಮೊಸಳೆಯನ್ನು ಸಾವಿನಂಚಿಗೆ ಕರೆದೊಯ್ಯುತ್ತಿದೆ. ಟೈರ್‌ ಕಾರಣ ಮೊಸಳೆಗೆ ಸರಿಯಾಗಿ ತಿನ್ನಲು ಸಾಧ್ಯವಾಗ್ತಿಲ್ಲ.

13 ಅಡಿಗಳ ಅಪಾಯಕಾರಿ ಮೊಸಳೆಯ ಕತ್ತಿನಿಂದ ಈ ಟೈರ್ ತೆಗೆಯುವುದು ಸಾಮಾನ್ಯ ಸಂಗತಿಯಲ್ಲ. ನಮ್ಮ ಜೀವವನ್ನು ಪಣಕ್ಕಿಟ್ಟು ಈ ಕೆಲಸ ಮಾಡಬೇಕು. ಸ್ಥಳೀಯ ಅಧಿಕಾರಿಗಳು ಕೆಲ ಪ್ರಯತ್ನಗಳನ್ನು ಮಾಡಿ ವಿಫಲರಾಗಿದ್ದಾರೆ. ಸ್ಥಳೀಯ ಮಾಧ್ಯಮಗಳ ಪ್ರಕಾರ, ಮೊದಲ ಬಾರಿಗೆ 2016 ರಲ್ಲಿ ಪಾಲು ನದಿಯಲ್ಲಿ ಟೈರ್ ಕಟ್ಟಿದ ಮೊಸಳೆಯನ್ನು ಗುರುತಿಸಲಾಯಿತು.

ಸರ್ಕಾರಿ ಸಂಸ್ಥೆ ಅಂಟಾರಾ ಪ್ರಕಾರ, ಈ ಟೈರ್ 2016 ರಿಂದ ಮೊಸಳೆ ಕುತ್ತಿಗೆಯಲ್ಲಿದ್ದು, ಮೊಸಳೆ ಅದನ್ನು ತೆಗೆದುಹಾಕಲು ಹಲವು ಬಾರಿ ಪ್ರಯತ್ನಿಸಿದೆಯಂತೆ. ಮೊಸಳೆ ಕತ್ತಿನಲ್ಲಿರುವ ಟೈರ್ ತೆಗೆದ್ರೆ ಬಹುಮಾನ ನೀಡುವುದಾಗಿ ಸ್ಥಳೀಯ ಆಡಳಿತ ಘೋಷಿಸಿದೆ.

ಸ್ತನ ನೋವಿನ ಬಗ್ಗೆ ನಿರ್ಲಕ್ಷ್ಯ ಬೇಡ

Posted: 31 Jan 2020 01:47 AM PST

ಮಹಿಳೆಯರ ಸ್ತನದಲ್ಲಿ ನೋವು ಕಾಣಿಸಿಕೊಳ್ಳುವುದು ಸಾಮಾನ್ಯ. ಹಾಗಂತ ಅದನ್ನು ನಿರ್ಲಕ್ಷಿಸಲು ಸಾಧ್ಯವಿಲ್ಲ. ಬೇರೆ ಬೇರೆ ಕಾರಣಕ್ಕೆ ಮಹಿಳೆಯ ಸ್ತನದಲ್ಲಿ ನೋವು ಕಾಣಿಸಿಕೊಳ್ಳುತ್ತದೆ. ಯಾವ ಕಾರಣ ಹಾಗೂ ಅದಕ್ಕೆ ಪರಿಹಾರವೇನು ಎಂಬುದನ್ನು ಪ್ರತಿಯೊಬ್ಬ ಮಹಿಳೆ ತಿಳಿದಿರಬೇಕು.

ಸಾಮಾನ್ಯವಾಗಿ ಮುಟ್ಟಿನ ಸಮಯದಲ್ಲಿ ಅನೇಕ ಮಹಿಳೆಯರಿಗೆ ಸ್ತನದಲ್ಲಿ ವಿಪರೀತ ನೋವು ಕಾಣಿಸಿಕೊಳ್ಳುತ್ತದೆ. ಈ ನೋವು ಮುಟ್ಟು ಮುಗಿಯುತ್ತಿದ್ದಂತೆ ಕಡಿಮೆಯಾಗುತ್ತದೆ.

ಇನ್ನು ಕೆಲವರಿಗೆ ಸ್ತನದಲ್ಲಿ ಗಾಯವಾದ್ರೆ ನೋವು ಕಾಣಿಸಿಕೊಳ್ಳುತ್ತದೆ. ಗರ್ಭಿಣಿಯರಿಗೆ ಸ್ತನನೋವು ಕಾಣಿಸಿಕೊಳ್ಳುತ್ತದೆ. ಮೊದಲ ಮೂರು ತಿಂಗಳು ಇದು ಹೆಚ್ಚಿರುತ್ತದೆ. ಸ್ತನಪಾನ ಮಾಡಿಸುತ್ತಿರುವ ತಾಯಂದಿರಿಗೆ ಸ್ತನ ನೋವು ಸಾಮಾನ್ಯ.

ಸ್ತನದಲ್ಲಿ ಯಾವುದಾದ್ರೂ ಸೋಂಕಿದ್ದರೆ ನೋವು ಕಾಣಿಸಿಕೊಳ್ಳುತ್ತದೆ. ದೇಹದ ಹೆಚ್ಚಿನ ಭಾಗಗಳು ಒಂದು ವಯಸ್ಸಿನ ನಂತ್ರ ಬೆಳವಣಿಗೆ ಹೊಂದುವುದಿಲ್ಲ. ಆದ್ರೆ ಸ್ತನ ಹಾಗಲ್ಲ. ಸ್ತನದ ಗಾತ್ರ, ಆಕಾರದಲ್ಲಿ ಜೀವನದುದ್ದಕ್ಕೂ ಬದಲಾವಣೆಯಾಗುತ್ತಿರುತ್ತದೆ.

ತಿಂಗಳ ಪೂರ್ತಿ ಸ್ತನದಲ್ಲಿ ನೋವು ಕಾಣಿಸಿಕೊಳ್ಳುತ್ತಿದ್ದರೆ ಇದಕ್ಕೆ ಹಾರ್ಮೋನ್ ಬದಲಾವಣೆ ಕಾರಣ. ಇದು ರೋಗವಲ್ಲ. ಮಾನಸಿಕ ಒತ್ತಡ ಇದಕ್ಕೆ ಕಾರಣ. ನೋವಿನ ಜೊತೆ ಊತ ಹಾಗೂ ಕೆಂಪು ಉಂಡೆಗಳು ಕಾಣಿಸಿಕೊಂಡಲ್ಲಿ ತಕ್ಷಣ ವೈದ್ಯರನ್ನು ಭೇಟಿಯಾಗಬೇಕು. ಸ್ತನದ ಎಲ್ಲ ರೀತಿಯ ನೋವಿಗೂ ಚಿಕಿತ್ಸೆಯಿದೆ. ಆದ್ರೆ ಸಮಯಕ್ಕೆ ಸರಿಯಾಗಿ ಚಿಕಿತ್ಸೆಯ ಅಗತ್ಯವಿದೆ.

ಹಾರ್ದಿಕ್ ಪಾಂಡ್ಯ ಜೊತೆ ನಿಶ್ಚಿತಾರ್ಥವಾಗ್ತಿದ್ದಂತೆ ನತಾಶಾ ಮಾಡಿದ್ದೇನು…?

Posted: 31 Jan 2020 01:44 AM PST

ಬಿಗ್ ಬಾಸ್‌ನ ಮಾಜಿ ಸ್ಪರ್ಧಿ ನತಾಶಾ ಮತ್ತು ಕ್ರಿಕೆಟರ್ ಹಾರ್ದಿಕ್ ಪಾಂಡ್ಯ ಇತ್ತೀಚೆಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ಹಾಕಿ ಇಬ್ಬರೂ ಈ ಬಗ್ಗೆ ಅಧಿಕೃತ ಘೋಷಣೆ ಮಾಡಿದ್ದಾರೆ. ನಿಶ್ಚಿತಾರ್ಥದ ನಂತ್ರ ಈಗ ನತಾಶಾ ಮಾಡಿರುವ ಕೆಲಸಕ್ಕೆ ಹಾರ್ದಿಕ್ ಪ್ರತಿಕ್ರಿಯೆ ನೀಡಿದ್ದಾರೆ.

ನತಾಶಾ ತಮ್ಮ ಹೊಸ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಇದ್ರಲ್ಲಿ ನತಾಶಾ ಹೇರ್ ಸ್ಟೈಲ್ ಬದಲಿಸಿದ್ದಾರೆ. ಹೊಸ ಸ್ಟೈಲ್ ನಲ್ಲಿ ನತಾಶಾ ತುಂಬಾ ಸುಂದರವಾಗಿ ಕಾಣ್ತಿದ್ದಾರೆ.  ಫ್ರೆಶ್ ಕಟ್  ಎಂದು ಶೀರ್ಷಿಕೆ ಹಾಕಿದ್ದಾರೆ. ಈ ಫೋಟೋಕ್ಕೆ ಹಾರ್ದಿಕ್ ಕಮೆಂಟ್ ಮಾಡಿದ್ದಾರೆ. ಕಣ್ಣಿನಲ್ಲಿ ಹೃದಯದ ಎಮೋಟಿಕಾನ್‌ ಹಾಕಿದ್ದಾರೆ.

ನತಾಶಾ ಹೊಸ ಲುಕ್ ಅಭಿಮಾನಿಗಳಿಗೂ ಇಷ್ಟವಾಗಿದೆ. ಕ್ಯೂಟ್ನೆಸ್ ಓವರ್ಲೋಡೆಡ್ ಎಂದು ಅಭಿಮಾನಿ ಹಾಕಿದ್ದಾನೆ. ಹಾರ್ದಿಕ್ ಹಾಗೂ ನತಾಶಾ ವರ್ಷದ ಮೊದಲ ದಿನ ದುಬೈನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.

ಮೊಬೈಲ್ ಬೆಳಕಿನಲ್ಲಿ ನಡೀತು ಮೆದುಳಿನ ಶಸ್ತ್ರ ಚಿಕಿತ್ಸೆ

Posted: 31 Jan 2020 01:19 AM PST

Image result for surgeons-used-phone-torch-during-brain-surgery-in-chile"

ವಿದ್ಯುತ್ ಕಣ್ಣಾಮುಚ್ಚಾಲೆ ಸಾಮಾನ್ಯ. ವಿದ್ಯುತ್ ವ್ಯತ್ಯಯ ಅನೇಕ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಆದ್ರೆ ಚೀನಾದಲ್ಲಿ ವಿದ್ಯುತ್ ಇಲ್ಲದೆ ಶಸ್ತ್ರ ಚಿಕಿತ್ಸೆ ನಡೆದಿದೆ. ರೋಗಿ ಮೆದುಳಿನಲ್ಲಿದ್ದ ಗಡ್ಡೆಯನ್ನು ತೆಗೆಯುವಾಗ ಕರೆಂಟ್ ಹೋಗಿದೆ.

ತಕ್ಷಣ ಮೊಬೈಲ್ ಬೆಳಕಿನಲ್ಲಿ ವೈದ್ಯರು ಶಸ್ತ್ರ ಚಿಕಿತ್ಸೆ ಮುಂದುವರೆಸಿದ್ದಾರೆ. ಘಟನೆ ಚಿಲಿಯಲ್ಲಿ ನಡೆದಿದೆ.

34 ವರ್ಷದ ವ್ಯಕ್ತಿ ಮೆದುಳಿನಲ್ಲಿ ಗಡ್ಡೆಯಿತ್ತು. ಶಸ್ತ್ರ ಚಿಕಿತ್ಸೆ ಮುಖ್ಯ ಹಂತಕ್ಕೆ ತಲುಪಿತ್ತು. ಈ ವೇಳೆ ಕರೆಂಟ್ ಹೋಯ್ತು. ಕರೆಂಟ್ ಗೆ ಕಾಯಲು ಸಾಧ್ಯವಿಲ್ಲ ಎಂಬ ಕಾರಣಕ್ಕೆ ಮೊಬೈಲ್ ಬೆಳಕಿನಲ್ಲಿ ಶಸ್ತ್ರ ಚಿಕಿತ್ಸೆ ನಡೆಸಿದ್ದೇವೆ ಎಂದು ವೈದ್ಯರು ಹೇಳಿದ್ದಾರೆ.

ಆಸ್ಪತ್ರೆಯಲ್ಲಿ ಕರೆಂಟ್ ಹೋದಾಗ ಜನರೇಟರ್ ನ ಸ್ವಯಂಚಾಲಿತ ವ್ಯವಸ್ಥೆಯು ತಕ್ಷಣ ಪ್ರಾರಂಭವಾಗುವುದಿಲ್ಲ. ಆಸ್ಪತ್ರೆಯ ಸಿಬ್ಬಂದಿ ಆನ್ ಮಾಡಲಿಲ್ಲ. ಈ ಬಗ್ಗೆ ತನಿಖೆ ನಡೆಸುತ್ತಿದ್ದೇವೆ ಎಂದು ವೈದ್ಯಾಧಿಕಾರಿಗಳು ಹೇಳಿದ್ದಾರೆ. ರೋಗಿಗೆ ಐಸಿಯುವಿನಲ್ಲಿ ಚಿಕಿತ್ಸೆ ನಡೆಯುತ್ತಿದೆ.

ಮನದನ್ನೆಗೆ ವಿಶಿಷ್ಟ ರೀತಿಯಲ್ಲಿ ಪ್ರೇಮ ನಿವೇದನೆ ಮಾಡಿದ ಇಂಜಿನಿಯರ್

Posted: 31 Jan 2020 01:13 AM PST

ಮದುವೆಯಾಗಲು ಕೋರಿ ಪ್ರಪೋಸಲ್ ಮುಂದಿಡಲು ನಾನಾ ರೀತಿಯ ರೊಮ್ಯಾಂಟಿಕ್ ಮಾರ್ಗಗಳನ್ನು ಕಂಡಿದ್ದೇವೆ, ಕೇಳಿದ್ದೇವೆ.

ಕೆಲವರು ಸಾಮಾನ್ಯವಾಗಿ ಬಳಸಲ್ಪಟ್ಟ ಹಾದಿಯಲ್ಲೇ ತಮ್ಮ ಸಂಗಾತಿಗಳಿಗೆ ಪ್ರಪೋಸ್ ಮಾಡಿದರೆ ಮತ್ತೂ ಕೆಲವರು ವಿಶಿಷ್ಟ ಹಾದಿಗಳನ್ನು ಹಿಡಿಯುತ್ತಾರೆ.

ಬ್ರಿಟನ್‌ನ ಫೋರ್ಟ್ಸ್‌ಮೌತ್‌ನ ಡ್ಯಾನ್ ಡೆಲ್ ಡುಫೋ ಎಂಬಾತ ಇಂಥದ್ದೊಂದು ಕ್ರಿಯೇಟಿವ್‌ ಪ್ರಪೋಸಲ್‌ ಅನ್ನು ತನ್ನ ಮನದನ್ನೆ ಮುಂದಿಟ್ಟಿದ್ದಾನೆ.

ಸಾಮಾನ್ಯವಾಗಿ ಕಾರುಗಳಿಂದಲೇ ತುಂಬಿರುವ ಬೀದಿಯೊಂದರಲ್ಲಿ ತನ್ನ ಮನದನ್ನೆಗೆ ಪ್ರಪೋಸ್ ಮಾಡಲು ಟುಫೋ ಮುಂದಾಗಿದ್ದಾನೆ. ಈತನ ಈ ವಿಶೇಷ ಅರೇಂಜ್‌ಮೆಂಟ್ ಕಂಡು ಲಕ್ಷಾಂತರ ನೆಟ್ಟಿಗರು ದಂಗುಬಡಿದಿದ್ದಾರೆ.

ಪೋರ್ಟ್ಸ್‌‌ಮೌತ್‌ನಲ್ಲಿ ಸ್ಮರಣೀಯ ಸೇತುವೆಯೊಂದನ್ನು ನಿರ್ಮಾಣ ಮಾಡಿದ ಈ ಸಿವಿಲ್ ಇಂಜಿನಿಯರ್‌, ತನ್ನ ಗರ್ಲ್‌ಫ್ರೆಂಡ್‌ ಜೂಲಿಯಾ ಕಾಲ್ಮರ್ಟೆನ್‌ಳನ್ನು ಸರ್ಪೈಸ್ ಮಾಡಿದ್ದಾನೆ.

ಈ ಸೇತುವೆಯು ತನ್ನ ಅತ್ಯಂತ ಎತ್ತರದ ಮಟ್ಟಕ್ಕೆ ರೈಸ್ ಆಗುತ್ತಲೇ ತನ್ನ ಮಂಡಿಯೂರಿದ ಟುಫೋ, ತನ್ನ ಮನದಾಳದ ಪ್ರೇಮನಿವೇದನೆಯನ್ನು ಮನದನ್ನೆ ಮುಂದಿಟ್ಟಿದ್ದಾನೆ.

ಪ್ರಿಯಕರನ ಈ ಪ್ರೇಮನಿವೇದನೆಗೆ ಜೂಲಿಯಾ ಅಸ್ತು ಎಂದಿದ್ದಾಳೆ.

ಕರೋನಾ ವೈರಸ್ ಭೀತಿ ನಡುವೆಯೂ ಎದೆಗುಂದದ ಚೀನಿಯರು

Posted: 31 Jan 2020 01:09 AM PST

ಇಡೀ ವಿಶ್ವವನ್ನೇ ಬೆಚ್ಚಿ ಬೀಳಿಸಿರುವ ಮಾರಕ ಕರೊನಾ ವೈರಸ್ ಚೀನಾದಲ್ಲಿ 200ಕ್ಕೂ ಅಧಿಕ ಮಂದಿಯನ್ನು ಬಲಿ ತೆಗೆದುಕೊಂಡಿದೆ.

ಆದರೆ ವುಹಾನ್ ನಗರದಲ್ಲಿ ತಮ್ಮ ಮನೆಗಳಲ್ಲೇ ನಿರ್ಬಂದಕ್ಕೆ ಒಳಗಾಗಿರುವ ಸಾವಿರಾರು ಮಂದಿ ಕರೊನಾ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ಹೋರಾಟದ ಕಿಚ್ಚು ಪ್ರದರ್ಶಿಸಿದ್ದಾರೆ.

ಮೊದಲಿಗೆ ಕರೊನಾ ವೈರಾಣು ಕಂಡುಬಂದ ವುಹಾನ್ ನಗರವನ್ನು ಸಂಪೂರ್ಣ ಬಂದ್ ಮಾಡಲಾಗಿದೆ. ನಾಗರಿಕರು ನಿವಾಸ ಬಿಟ್ಟು ಹೊರಬರದಂತೆ ನಿರ್ಬಂಧ ಹೇರಲಾಗಿದೆ.

50 ಮಿಲಿಯನ್ ಜನಸಂಖ್ಯೆ ಇರುವ ಈ ನಗರದಿಂದ ಬಸ್, ರೈಲು, ವಿಮಾನ ಸೇವೆಯನ್ನು ಬಂದ್ ಮಾಡಲಾಗಿದೆ.

ತಮ್ಮ ತಮ್ಮ ಅಪಾರ್ಟ್‌ಮೆಂಟ್ ಗಳಲ್ಲಿ ಬಂಧಿಗಳಾಗಿರುವ ಚೀನಿಯರು ಮಾತ್ರ ಧೈರ್ಯ ಕಳೆದುಕೊಂಡಿಲ್ಲ‌. ಇದಕ್ಕೆ ನಿದರ್ಶನ ಎಂಬಂತೆ ” “ಗಟ್ಟಿಯಾಗಿ ನಿಲ್ಲೋಣ ವುಹಾನ್” ಎಂಬ ಘೋಷಣೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಒಬ್ಬರಿಗೊಬ್ಬರು ಧೈರ್ಯ ತುಂಬುವ ಕೆಲಸದಲ್ಲಿ ತೊಡಗಿದ್ದಾರೆ ಎಂದು ಬಿಬಿಸಿ ವರದಿ ಮಾಡಿದೆ.

ಸಿಜಿಟಿಎನ್ ಎಂಬ ಯೂಟ್ಯೂಬ್ ನಲ್ಲಿ ವುಹಾನ್ ನಾಗರಿಕರು ರಾಷ್ಟ್ರಗೀತೆ ಹಾಡುವ ದೃಶ್ಯಗಳು ಎಲ್ಲೆಡೆ ಹರಡಿವೆ. ಒಟ್ಟಾರೆ ಕೊರೊನಾ ವೈರಸ್ ನಿಂದ ಕಂಗಾಲಾಗಿರುವ ಚೀನಾದಲ್ಲಿ ನಾಗರಿಕರು ತೋರುತ್ತಿರುವ ಇಚ್ಛಾಶಕ್ತಿಗೆ ಅಧ್ಯಕ್ಷರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

ಬಿಬಿಸಿ ವರದಿಯಂತೆ ವುಹಾನ್ ನಗರದ ರೆಸ್ಟೋರೆಂಟ್ ಮಾಲೀಕರೊಬ್ಬರು 200 ಆಹಾರದ ಪೆಟ್ಟಿಗೆಗಳನ್ನು ಕರೊನಾ ಸಂತ್ರಸ್ತರ ಸೇವೆಯಲ್ಲಿ ‌ತೊಡಗಿರುವ ವೈದ್ಯಕೀಯ ಸಿಬ್ಬಂದಿಗೆ ರವಾನಿಸಿದ್ದಾರೆ. ಒಟ್ಟಾರೆ ಮಾರಕ ಕೊರೊನಾ ವಿರುದ್ಧ ಇಡೀ ಚೀನಾ ಎದ್ದು ನಿಂತಿದೆ.

ಗೆಳತಿಯೊಂದಿಗೆ ಚಂದ್ರನಲ್ಲಿಗೆ ತೆರಳಲು ಬಯಸಿದ್ದವನ ಪ್ಲಾನ್ ಕ್ಯಾನ್ಸಲ್

Posted: 31 Jan 2020 01:04 AM PST

ಚಂದ್ರನ ಅಂಗಳಕ್ಕೆ ತೆರಳಲೆಂದು ಗರ್ಲ್‌ಫ್ರೆಂಡ್ ತಲಾಶೆಯಲ್ಲಿದ್ದ ಜಪಾನಿನ ಶತಕೋಟ್ಯಧಿಪತಿ ಯುಸಾಕು ಮೆಝೇವಾ ತಮ್ಮ ಯೋಜನೆಯನ್ನು ಕ್ಯಾನ್ಸಲ್ ಮಾಡಿದ್ದಾರೆ.

44 ವರ್ಷದ ಈತನೊಂದಿಗೆ ಚಂದ್ರನ ಮೇಲೆ ತೆರಳಲು ಸುಮಾರು 28,000 ಮಹಿಳೆಯರು ಅರ್ಜಿ ಸಲ್ಲಿಸಿದ್ದರು. 2023ರಲ್ಲಿ ಚಂದ್ರನ ಮೇಲೆ ತೆರಳಲಿರುವ ತನ್ನೊಂದಿಗೆ ಸೇರಿಕೊಳ್ಳಲು ಕೋರಿ ಈತ ಮಹಿಳೆಯರಿಗೆ ಆಹ್ವಾನ ನೀಡಿದ್ದ.

ಎಲಾನ್ ಮಸ್ಕ್‌ನ ಸ್ಪೇಸ್‌ಎಕ್ಸ್‌ನ ಮೊದಲ ಪ್ರಯಾಣಿಕನಾಗಿ ತೆರಳಬೇಕಿದ್ದ ಈತ ವೈಯಕ್ತಿಕ ಕಾರಣಗಳನ್ನು ಮುಂದಿಟ್ಟು, ತನ್ನ ಪ್ಲಾನ್‌ಅನ್ನು ರದ್ದು ಮಾಡಿದ್ದಾನೆ.

ಝೋಝೋ ಎಂಬ ಫ್ಯಾಶನ್ ಕಂಪನಿಯ ಮಾಜಿ ಮುಖ್ಯಸ್ಥನಾದ ಮೆಝಾವಾ ತನ್ನ ಈ ನಡೆಯಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡಿದ್ದ.

 

ಸಾಮಾಜಿಕ ಜಾಲತಾಣದಲ್ಲಿ ಮೋಡಿ ಮಾಡಿದ್ದಾಳೆ ಈ ಅಜ್ಜಿ

Posted: 31 Jan 2020 01:02 AM PST

know about instagram 92 year old grandma helen ruth elam

ಸಿನಿಮಾ ಕಲಾವಿದರು ಸೇರಿದಂತೆ ಸೆಲೆಬ್ರಿಟಿಗಳ ಸ್ಟೈಲ್ ಗಳನ್ನು ಮಕ್ಕಳಿಂದ ಹಿಡಿದು ಯುವಕರವರೆಗೆ ಎಲ್ಲರೂ ಅನುಸರಿಸುತ್ತಾರೆ. ಆದ್ರೆ ಇತ್ತೀಚಿನ ದಿನಗಳಲ್ಲಿ ವೃದ್ಧೆಯೊಬ್ಬಳ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. Helen Ruth Elam ಹೆಸರಿನ ಅಜ್ಜಿ ಸಾಮಾಜಿಕ ಜಾಲತಾಣದಲ್ಲಿ ಮೋಡಿ ಮಾಡಿದ್ದಾಳೆ.

ಅಮೆರಿಕಾದ ಹೆಲೆನ್ 85ನೇ ವಯಸ್ಸಿನಲ್ಲಿದ್ದಾಗ ಆಕೆ ಮೊಮ್ಮಗ ಫ್ಯಾಷನ್ ಡ್ರೆಸ್ ಹಾಕಿ ಫೋಟೋ ತೆಗೆದಿದ್ದನಂತೆ. ಅದನ್ನು ಸಾಮಾಜಿಕ ಜಾಲತಾಣಕ್ಕೆ ಹಾಕಿದ್ದ. ಅಲ್ಲಿಂದ ಅಜ್ಜಿ Baddie Winkle ಎಂದೇ ಪ್ರಸಿದ್ಧಿ ಪಡೆದಿದ್ದಾರೆ. ಈಗ ಅಜ್ಜಿಗೆ 92 ವರ್ಷ. ಆದ್ರೆ ಯುವಜನತೆಯನ್ನು ನಾಚಿಸುವ ಸ್ಟೈಲ್ ನಲ್ಲಿ ಅಜ್ಜಿ ಮಿಂಚುತ್ತಿದ್ದಾರೆ.

ಅಮೆರಿಕಾದ ಪ್ರಸಿದ್ಧ ವ್ಯಕ್ತಿಗಳು ಕೂಡ ಅಜ್ಜಿ ಅಭಿಮಾನಿಯಾಗಿದ್ದಾರೆ. ಇನ್ಸ್ಟ್ರಾಗ್ರಾಮ್ ನಲ್ಲಿ ಅಜ್ಜಿ 30 ಲಕ್ಷ ಫಾಲೋವರ್ಸ್ ಹೊಂದಿದ್ದಾರೆ. ಮನಸ್ಸಿದ್ರೆ ಯಾವ ವಯಸ್ಸಿನಲ್ಲಿ ಬೇಕಾದ್ರೂ ಹೆಸರು ಮಾಡಬಹುದು ಎಂಬುದಕ್ಕೆ ಅಜ್ಜಿ ಉತ್ತಮ ನಿದರ್ಶನ.

View this post on Instagram

Pull Up @overgrownchild17

A post shared by 🌈💖 BAD LIL BADDIE 👵🏼🌈 (@baddiewinkle) on

 

ದಂಗಾಗಿಸುತ್ತೆ ವಿಡಿಯೋ ಗೇಮ್ ಆಟವಾಡುವವನ ಸಂಪಾದನೆ…!

Posted: 31 Jan 2020 12:58 AM PST

ಫಿಲಿಡೆಲ್ಫಿಯಾ: ಹದಿಹರೆಯದ ಯುವಕನೊಬ್ಬನ ವಾರ್ಷಿಕ ಗಳಿಕೆ ಎಷ್ಟು ಗೊತ್ತೆ? ಬರೋಬ್ಬರಿ 14 ಲಕ್ಷ ರೂಪಾಯಿ. 19 ವರ್ಷದ ಅಲೆಕ್ಸ್ ಬೆನಬೆ ಎಂಬ ಯುವಕ ಕೇವಲ ವಿಡಿಯೋ ಗೇಮ್ ಆಡುವ ಮೂಲಕ ಆದಾಯವನ್ನು ಪಡೆಯುತ್ತಿದ್ದಾನೆ.

ಅಲೆಕ್ಸ್ ತನ್ನ ಅಪ್ಪನ ಗ್ಯಾರೇಜ್ ನಲ್ಲಿ ದಿನಕ್ಕೆ ಹತ್ತು ಗಂಟೆ ವಿಡಿಯೋ ಗೇಮ್‌ ಗೆ ಸಮಯ ವ್ಯಯ ಮಾಡಲಿದ್ದು, ಅದರಲ್ಲಿ ಎರಡನ್ನು ಹೈಟೆಕ್ ಗೇಮಿಂಗ್ ಸೆಂಟರ್ ಆಗಿ ಪರಿವರ್ತನೆ ಮಾಡಿದ್ದಾನೆ. ಅಲ್ಲದೆ 7 ಗೇಮಿಂಗ್ ಮಾನಿಟರ್ ಇದೆ.

ಅಲೆಕ್ಸ್, ಲೈವ್ ಸ್ಟ್ರೀಮಿಂಗ್ ಗೇಮ್ ಗಳ ಮೂಲಕ ಪ್ರತಿ ತಿಂಗಳಿಗೆ 7000 ದಿಂದ 10000 ಪೌಂಡ್ ಆದಾಯವನ್ನು ಗಳಿಸುತ್ತಾನೆ. ನಾನು ಕಳೆದ ಏಳು ವರ್ಷಗಳಿಂದ ಗೇಮ್ ಆಡುತ್ತಿದ್ದು ದಿನಕ್ಕೆ ಎಂಟರಿಂದ ಹನ್ನೆರಡು ಗಂಟೆಯವರೆಗೂ ಸಮಯವನ್ನು ಮೀಸಲಿಡುತ್ತೇನೆ. ಜೊತೆಗೆ ನನ್ನ ಬಳಿ ಯಾವುದೇ ಪ್ಲಾನ್ ಬಿ ಇಲ್ಲ ಎಂದು ಹೇಳಿಕೊಂಡಿದ್ದಾನೆ.

10 ರೂ. ಭೂರಿ ಭೋಜನಕ್ಕೆ ಭಾರಿ ಜನ; ಪೊಲೀಸ್ ಕರೆದ ವಿತರಕ…!

Posted: 31 Jan 2020 12:52 AM PST

ಪುಣೆ: ಶಿವಸೇನೆ -ಕಾಂಗ್ರೆಸ್- ಎನ್ಸಿಪಿ ನೇತೃತ್ವದ ಮಹಾರಾಷ್ಟ್ರ ಮೈತ್ರಿ ಸರ್ಕಾರದ ಮಹತ್ವಾಕಾಂಕ್ಷೆ ಯೋಜನೆಯಾದ ಶಿವ ಭೋಜನಕ್ಕೆ ಭರ್ಜರಿ ಪ್ರತಿಕ್ರಿಯೆ ಲಭ್ಯವಾಗಿದೆ.

10 ರೂಪಾಯಿಗೆ ಸಿಗುವ ಊಟಕ್ಕೆ ಭಾರೀ ಪ್ರಮಾಣದಲ್ಲಿ ಜನ ನಿಂತಿದ್ದರಿಂದ ನಿರ್ವಹಿಸಲು ಪೊಲೀಸರ ಸಹಾಯವನ್ನು ಹೋಟೆಲ್ ಮಾಲೀಕ ಕೇಳಿದ್ದಾರೆ.

ಪ್ರತಿ ದಿನ ಕೊನೇ ಪಕ್ಷ 500 ಮಂದಿ ಊಟಕ್ಕಾಗಿ ಬರಲಿದ್ದು, ಜನ ಸಮೂಹವನ್ನು ನಿಯಂತ್ರಿಸುವುದು ಕಷ್ಟವಾಗುತ್ತಿದೆ.

ಹಾಗಾಗಿ ಮಧ್ಯಾಹ್ನ 12ರಿಂದ 2 ಗಂಟೆವರೆಗೆ ಪೊಲೀಸರ ಸಹಾಯ ಬೇಕಾಗಲಿದೆ ಎಂದು ಕೇಳಿಕೊಂಡಿದ್ದಾರೆ.

ಎಪಿಎಂಸಿ ಆವರಣದ ಸಮೀಪ ಹೋಟೆಲ್ ಇರುವುದರಿಂದ ಕಳೆದ ಎರಡು ದಿನಗಳಿಂದ ಭಾರಿ ಪ್ರಮಾಣದಲ್ಲಿ ಜನ ಸೇರುತ್ತಿದ್ದಾರೆ ಎಂದು ಅವರು ತಿಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಬುಧವಾರ ಮೂವರು ಪೊಲೀಸರು ಅಲ್ಲಿ ಗಸ್ತು ಕಾಯ್ದಿದ್ದಾರೆ.

ಊಟದಲ್ಲಿ ಎರಡು ಚಪಾತಿ, ಒಂದು ಪಲ್ಯ, ಅನ್ನ ಹಾಗೂ ದಾಲ್ ಇರಲಿದೆ. ಹತ್ತು ರುಪಾಯಿಗೆ ಊಟ ಕೊಡುವುದು ಶಿವಸೇನೆಯ ಪ್ರಣಾಳಿಕೆಯಲ್ಲೂ ಇತ್ತು.

ಪೌರತ್ವ ಪ್ರತಿಭಟನಾಕಾರರತ್ತ ರಾಮ ಭಕ್ತನ ಗುಂಡು

Posted: 31 Jan 2020 12:50 AM PST

ಪೌರತ್ವ ತಿದ್ದುಪಡಿ ಕಾಯಿದೆ ಪರ-ವಿರೋಧ ಪ್ರತಿಭಟನೆ ಮತ್ತು ಘರ್ಷಣೆ ರಾಜಧಾನಿ ದೆಹಲಿಯಲ್ಲಿ ತಾರಕಕ್ಕೇರಿದೆ. ಗುರುವಾರ ಪ್ರತಿಭಟನೆ ವೇಳೆ ವ್ಯಕ್ತಿಯೊಬ್ಬರು ಗುಂಡು ಹಾರಿಸಿರುವುದು ಆತಂಕ ಸೃಷ್ಟಿಸಿದೆ.

ದೆಹಲಿಯ ಜಾಮಿಯಾ ವಿವಿ ಬಳಿ ಪ್ರತಿಭಟನಾ ಮೆರವಣಿಗೆ ಸಾಗುತಿದ್ದ ವೇಳೆ ಸ್ಥಳಕ್ಕೆ ರಿವಾಲ್ವರ್ ಸಮೇತ ಬಂದ ದಾಳಿಕೋರ ಪ್ರತಿಭಟನಾಕಾರರತ್ತ ಬಂದೂಕು ತೋರಿಸಿ “ನಾನು ರಾಮಭಕ್ತ ಗೋಪಾಲ. ಯಾರಿಗೆ ಸ್ವಾತಂತ್ರ್ಯ ಬೇಕು .ಇಲ್ಲಿದೆ ಬನ್ನಿ ಕೊಡುತ್ತೇನೆ” ಎಂದು ಘರ್ಜಿಸುತ್ತಾ ಓಡಾಡಿದ್ದಾನೆ.

ಇದು ಕೆಲ ಹೊತ್ತು ಆತಂಕ ಸೃಷ್ಟಿಸಿತ್ತು. ಈ ಸಂದರ್ಭದಲ್ಲಿ ರಿವಾಲ್ವರ್ ನಿಂದ ಹಾರಿದ ಗುಂಡು ವಿದ್ಯಾರ್ಥಿಯೊಬ್ಬನಿಗೆ ಗಾಯಗೊಳಿಸಿದೆ.

ಉತ್ತರಪ್ರದೇಶದ ಮೂಲದ ಗೋಪಾಲ‌ ವರ್ಮಾ ಎಂಬ ಈತ ಕೃತ್ಯವನ್ನು ಫೇಸ್‌ಬುಕ್‌ ಲೈವ್ ಮಾಡಿದ್ದಾನೆ. ಕಳೆದ ಹಲವು ಸಮಯದಿಂದ ಈತ ಫೇಸ್‌ಬುಕ್‌ ನಲ್ಲಿ ಕ್ರಿಯಾಶೀಲನಾಗಿದ್ದು ಶಹೀನ್ ಭಾಗ್ ಆಟ ಮುಗಿಯಿತು ಎಂಬಿತ್ಯಾದಿ ಪೌರತ್ವ ಪ್ರತಿಭಟನಾ ವಿರೋಧಿ ಪೋಸ್ಟ್ ಗಳನ್ನು ಹಾಕಿದ್ದ ಎನ್ನಲಾಗಿದೆ.

ಘಟನೆ ಸಂದರ್ಭದಲ್ಲಿ ಪೊಲೀಸರು ಸ್ಥಳದಲ್ಲಿ ಇದ್ದರೂ ಬಂದೂಕುದಾರಿಯ ಪುಂಡಾಟ ತಡೆಯಲು ಮುಂದಾಗಲಿಲ್ಲ ಎಂದು ಕೆಲವರು ಆಕ್ರೋಶ ವ್ಯಕ್ತಪಡಿಸಿದರು. ಆರೋಪಿಯನ್ನು ಬಂಧಿಸಿ ವಿಚಾರಣೆಗೆ ಒಳಪಡಿಸಲಾಗಿದೆ.

ಈ ʼಪ್ಲಾನ್ʼ ನಲ್ಲಿ ಪ್ರತಿ ದಿನ ಸಿಗಲಿದೆ 3ಜಿಬಿ ಡೇಟಾ

Posted: 30 Jan 2020 11:55 PM PST

ಹೆಚ್ಚುತ್ತಿರುವ ಸ್ಪರ್ಧೆಯನ್ನು ಗಮನದಲ್ಲಿಟ್ಟುಕೊಂಡು ಬಿ ಎಸ್ ಎನ್ ಎಲ್ ಎರಡು ಹೊಸ ಪ್ರಿಪೇಯ್ಡ್ ಪ್ಲಾನ್ ಶುರು ಮಾಡಿದೆ. ಇದ್ರಲ್ಲಿ ಹೆಚ್ಚಿನ ಡೇಟಾ ಜೊತೆ ಹೆಚ್ಚಿನ ಸಿಂಧುತ್ವ ಸಿಗಲಿದೆ. ಬಿಎಸ್‌ಎನ್‌ಎಲ್ ಬಿಡುಗಡೆ ಮಾಡಿದ ಹೊಸ ಪ್ರಿಪೇಯ್ಡ್ ಯೋಜನೆ  108 ರೂಪಾಯಿ ಮತ್ತು 1,999 ರೂಪಾಯಿ.

ಪ್ರಸ್ತುತ ಕಂಪನಿಯು ಕೇರಳ, ಚೆನ್ನೈ ಮತ್ತು ತಮಿಳುನಾಡಿನ ವಲಯಗಳಲ್ಲಿ ಈ ಯೋಜನೆಗಳನ್ನು ಪ್ರಾರಂಭಿಸಿದೆ. ಆದರೆ ಶೀಘ್ರದಲ್ಲೇ ಈ ಎರಡೂ ಯೋಜನೆಗಳನ್ನು ಇತರ ವಲಯಗಳಲ್ಲಿ ಪ್ರಾರಂಭಿಸುವ ಸಾಧ್ಯತೆ ಹೆಚ್ಚಿದೆ. ಈ ಪ್ಲಾನ್ ಲಾಭಗಳ ಬಗ್ಗೆ ಹೇಳುವುದಾದ್ರೆ ಬಿ ಎಸ್ ಎನ್ ಎಲ್ 1999 ಯೋಜನೆಯಲ್ಲಿ ಬಳಕೆದಾರರು 80 ಕೆಬಿಪಿಎಸ್ ವೇಗದೊಂದಿಗೆ 3 ಜಿಬಿ ದೈನಂದಿನ ಡೇಟಾವನ್ನು ಪಡೆಯಬಹುದು. ಇದಲ್ಲದೆ 100 ಎಸ್‌ಎಂಎಸ್‌ಗಳನ್ನು ಉಚಿತವಾಗಿ ನೀಡಲಾಗುತ್ತದೆ. ಯಾವುದೇ ನೆಟ್‌ವರ್ಕ್‌ನಲ್ಲಿ ಕರೆ ಮಾಡಲು 250 ನಿಮಿಷಗಳನ್ನು ಉಚಿತವಾಗಿ ನೀಡಲಾಗುವುದು. ಬಳಕೆದಾರರು ಬಿಎಸ್ಎನ್ಎಲ್ ಟಿವಿ ಮತ್ತು ಬಿಎಸ್ಎನ್ಎಲ್ ಟ್ಯೂನ್ ಗಳಿಗೆ ಉಚಿತ ಚಂದಾದಾರಿಕೆಯನ್ನು ಸಹ ಪಡೆಯಬಹುದು.

ಬಿಎಸ್‌ಎನ್‌ಎಲ್‌ನ 108 ರೂಪಾಯಿ ಯೋಜನೆಯ ಮಾನ್ಯತೆಯು 28 ದಿನಗಳು. ಬಳಕೆದಾರರು ಅನಿಯಮಿತ ಧ್ವನಿ ಕರೆ ಮಾಡುವ ಅವಕಾಶವಿದೆ.  ಇದಲ್ಲದೆ 80 ಕೆಬಿಪಿಎಸ್ ವೇಗದೊಂದಿಗೆ 1 ಜಿಬಿ ಡೇಟಾವನ್ನು ಬಳಸಬಹುದು. ಬಳಕೆದಾರರು ಯಾವುದೇ ನೆಟ್‌ವರ್ಕ್ ಕರೆಗಾಗಿ 250 ನಿಮಿಷಗಳನ್ನು ಪಡೆಯಲಿದ್ದಾರೆ. ಈ ಯೋಜನೆಯಲ್ಲಿ 100 ಎಸ್‌ಎಂಎಸ್ ಸಿಗಲಿದೆ.

ಮೂವರ ಹತ್ಯೆಗೈದು ಪಾರ್ಟಿಗೆ 5 ಸಾವಿರ ರೂ. ಬೆಲೆ ಕೋಟ್ ಧರಿಸಿ ಹೊರಟ ವಿದ್ಯಾರ್ಥಿ

Posted: 30 Jan 2020 11:45 PM PST

ವಿದ್ಯಾರ್ಥಿಯೊಬ್ಬ ಮಾಡಿದ ಕೆಲಸ ದಂಗಾಗಿಸುವಾಂತಿದೆ. 12ನೇ ತರಗತಿ ವಿದ್ಯಾರ್ಥಿ ತಾಯಿ ಬಳಿ 1500 ರೂಪಾಯಿ ಕೇಳಿದ್ದಾನೆ. ತಾಯಿ ಹಣ ಕೊಡಲು ನಿರಾಕರಿಸಿದ್ದಾಳೆ. ಇದ್ರಿಂದ ಕೋಪಗೊಂಡ ಮಗ, ತಾಯಿ ಕತ್ತು ಹಿಸುಕಿ ಹತ್ಯೆಗೈದಿದ್ದಾನೆ. ಮನೆಗೆ ಬಂದ ತಂದೆಯನ್ನು ಬಂದೂಕಿನ ಗುಂಡಿನಲ್ಲಿ ಹತ್ಯೆಗೈದಿದ್ದಾನೆ. ತಮ್ಮನನ್ನು ಟ್ಯೂಷನ್ ನಿಂದ ಕರೆತಂದು ಹತ್ಯೆಗೈದಿದ್ದಾನೆ.

ಮೂವರ ಹೆಣ ಮನೆಯಲ್ಲಿ ಬಿದ್ದಿದ್ರೆ ಆರೋಪಿ ಮಾತ್ರ 5 ಸಾವಿರ ರೂಪಾಯಿ ಮೌಲ್ಯದ ಕೋಟ್ ಧರಿಸಿ ಮರುದಿನ ಸ್ಕೂಲ್ ಪಾರ್ಟಿಗೆ ಹೋಗಿದ್ದಾನೆ. ನಾಲ್ಕು ದಿನಗಳಿಂದ ಮನೆಯಲ್ಲಿ ಹೆಣ ಬಿದ್ದಿತ್ತು ಎಂದು ಪೊಲೀಸರು ಹೇಳಿದ್ದಾರೆ. ಘಟನೆ ಮಧ್ಯಪ್ರದೇಶದ ಸಾಗರ್ ನಲ್ಲಿ ನಡೆದಿದೆ.

ಜನವರಿ 24ರಂದು ಮೂವರನ್ನು ಹತ್ಯೆ ಮಾಡಿದ್ದ ಆರೋಪಿ ರಾತ್ರಿ ಸ್ನೇಹಿತರ ಮನೆಯಲ್ಲಿ ಕಳೆಯುತ್ತಿದ್ದನಂತೆ. ಶವ ವಾಸನೆ ಬರಲು ಶುರುವಾದಾಗ ಮನೆ ಖಾಲಿ ಮಾಡಿದ್ದಾನೆ. ಅನುಮಾನಗೊಂಡ ಸ್ಥಳೀಯರು ಪೊಲೀಸರಿಗೆ ದೂರು ನೀಡಿದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಕೆಟ್ಟ ಚಟಗಳನ್ನು ಅಂಟಿಸಿಕೊಂಡಿದ್ದ ವಿದ್ಯಾರ್ಥಿ ದುಬಾರಿ ಬಟ್ಟೆ ಧರಿಸುವ ವ್ಯಾಮೋಹ ಹೊಂದಿದ್ದನಂತೆ.

ಪ್ರೇಮಿ ಜೊತೆಗಿದ್ದ ಪತ್ನಿ ಮನೆಗೆ ಬಂದ ಪತಿ ಶಾರೀರಿಕ ಸಂಬಂಧ ಬೆಳೆಸಿ ನಂತ್ರ…!?

Posted: 30 Jan 2020 11:25 PM PST

ಪಂಜಾಬ್ ನ ಖರಡ್ ನ ಮನೆಯೊಂದರಲ್ಲಿ ಮಹಿಳೆ ಶವ ಸಿಕ್ಕಿದೆ. 25 ವರ್ಷದ ಸುಕವಿಂದರ್ ಕೌರ್ ಕತ್ತಿಗೆ ಮೊಬೈಲ್ ಚಾರ್ಜರ್ ಸುತ್ತಿ ಹತ್ಯೆ ಮಾಡಲಾಗಿದೆ. ಸುಕವಿಂದರ್ ಕೌರ್ ಪತಿ ಹರ್ಜಿಂದರ್ ಸಿಂಗ್ ನನ್ನು ಪೊಲೀಸರು ಬಂಧಿಸಿದ್ದಾರೆ.

ಸುಕವಿಂದರ್ ಹಾಗೂ ಹರ್ಜಿಂದರ್ ಸಿಂಗ್ ಮದುವೆಯಾಗಿ ಒಂದು ಮಗುವಿದೆ. ಇಬ್ಬರ ಮಧ್ಯೆ ಅನೇಕ ದಿನಗಳಿಂದ ಸಂಬಂಧ ಸರಿಯಿರಲಿಲ್ಲ. ಹಾಗಾಗಿ ಗಂಡನ ಮನೆ ತೊರದಿದ್ದ ಸುಕವಿಂದರ್ ಪ್ರೇಮಿ ದಪಿಂದರ್ ಜೊತೆ ವಾಸವಾಗಿದ್ದಳು. 15 ದಿನಗಳ ಹಿಂದೆ ಪತಿ-ಪತ್ನಿ ಎನ್ನುತ್ತ ಇಬ್ಬರು ಮನೆ ಬಾಡಿಗೆ ಪಡೆದಿದ್ದರು.

ಗುರುವಾರ ಮನೆಯಿಂದ ಹೊರಗೆ ಹೋಗಿದ್ದ ದಪಿಂದರ್ ವಾಪಸ್ ಬಂದಾಗ ಪ್ರೇಮಿ ಶವ ಕಂಡಿದೆ. ತಕ್ಷಣ ಪೊಲೀಸರಿಗೆ ಕರೆ ಮಾಡಿದ್ದಾನೆ. ಮನೆಯಲ್ಲಿದ್ದ ಹೆಲ್ಮೆಟ್ ನೋಡಿದ ಪೊಲೀಸರು ಸುಲಭವಾಗಿ ಆರೋಪಿ ಪತ್ತೆ ಹಚ್ಚಿದ್ದಾರೆ. ಪತಿ ಹರ್ಜಿಂದರ್ ಗುರುವಾರ ಮದ್ಯ ಸೇವನೆ ಮಾಡಿ ಪತ್ನಿ ಮನೆಗೆ ಬಂದಿದ್ದನಂತೆ. ಅಲ್ಲಿಯೂ ಮದ್ಯ ಸೇವಿಸಿ ಪತ್ನಿ ಜೊತೆ ಶಾರೀರಿಕ ಸಂಬಂಧ ಬೆಳೆಸಿ ನಂತ್ರ ಹತ್ಯೆಗೈದಿದ್ದೇನೆ ಎಂಬುದನ್ನು ಒಪ್ಪಿಕೊಂಡಿದ್ದಾನೆ.

ಪತ್ನಿ ಸಾಕ್ಷಿ ಮೇಲೆ ಈ ಆರೋಪ ಮಾಡಿದ್ದಾರೆ ಧೋನಿ

Posted: 30 Jan 2020 11:21 PM PST

ಟೀಂ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಪತ್ನಿ ಸಾಕ್ಷಿ ಧೋನಿ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿದ್ದಾರೆ. ಇನ್ಸ್ಟ್ರಾಗ್ರಾಮ್ ನಲ್ಲಿ ಸಾಕ್ಷಿ ಅನೇಕ ಫೋಟೋ, ವಿಡಿಯೋಗಳನ್ನು ಹಂಚಿಕೊಳ್ತಿರುತ್ತಾರೆ. ಈಗ ಸಾಕ್ಷಿ ಇನ್ನೊಂದು ವಿಡಿಯೋ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಧೋನಿ, ಪತ್ನಿ ಸಾಕ್ಷಿ ಮೇಲೆ ಗಂಭೀರ ಆರೋಪ ಮಾಡ್ತಿದ್ದಾರೆ.

ಸಾಕ್ಷಿ ಬೇಕೆಂದೇ ನನ್ನ ವಿಡಿಯೋ ಮಾಡ್ತಾರೆ. ಇನ್ಸ್ಟ್ರಾಗ್ರಾಮ್ ನಲ್ಲಿ ಫಾಲೋವರ್ಸ್ ಸಂಖ್ಯೆ ಹೆಚ್ಚಿಸಿಕೊಳ್ಳುವುದು ಅವ್ರ ಉದ್ದೇಶವೆಂದು ಧೋನಿ ಆರೋಪ ಮಾಡಿದ್ದಾರೆ. ಇದೇ ವಿಡಿಯೋದಲ್ಲಿ ಸಾಕ್ಷಿ ಇದಕ್ಕೆ ಉತ್ತರ ನೀಡಿದ್ದಾರೆ. ನಿಮ್ಮ ಅಭಿಮಾನಿಗಳು ನನ್ನನ್ನು ಪ್ರೀತಿ ಮಾಡಲಿ ಎನ್ನುವ ಕಾರಣಕ್ಕೆ ಹೀಗೆ ಮಾಡ್ತೇನೆ. ನಾನೂ ಕೂಡ ನಿಮ್ಮ ಒಂದು ಭಾಗ. ನನ್ನ ಸಾಮಾಜಿಕ ಜಾಲತಾಣದಲ್ಲಿ ಅಭಿಮಾನಿಗಳು ಧೋನಿ ಎಲ್ಲಿ ಎಂಬ ಪ್ರಶ್ನೆ ಕೇಳ್ತಿರುತ್ತಾರೆಂದು ಸಾಕ್ಷಿ ಹೇಳಿದ್ದಾರೆ.

ಸಾಕ್ಷಿ, ಧೋನಿ ವಿಡಿಯೋ ಹಂಚಿಕೊಂಡಿರುವುದು ಇದೇ ಮೊದಲಲ್ಲ. ಈ ಹಿಂದೆ ಅನೇಕ ಬಾರಿ ಧೋನಿ ಹಾಗೂ ಮಗಳು ಜೊತೆಗಿರುವ ಫೋಟೋ, ವಿಡಿಯೋಗಳನ್ನು ಸಾಕ್ಷಿ ಹಂಚಿಕೊಂಡಿದ್ದಾರೆ.

“ಫೆ.1ರಂದು ಮೂವರನ್ನು ಗಲ್ಲಿಗೇರಿಸಬಹುದು’’

Posted: 30 Jan 2020 11:17 PM PST

ಫೆಬ್ರವರಿ 1 ರಂದು ನಿರ್ಭಯಾ ಅಪರಾಧಿಗಳ ಮರಣದಂಡನೆಯನ್ನು ಮುಂದೂಡಬೇಕೆಂಬ ಮನವಿಯ ವಿಚಾರಣೆ  ದೆಹಲಿ ನ್ಯಾಯಾಲಯದಲ್ಲಿ ನಡೆಯುತ್ತಿದೆ. ತಿಹಾರ್ ಜೈಲು ಪರವಾಗಿ ಇರ್ಫಾನ್ ಅಹ್ಮದ್ ಕೋರ್ಟ್ ಗೆ ಹಾಜರಾಗಿದ್ದಾರೆ. ಬಯಸಿದಲ್ಲಿ ಫೆಬ್ರವರಿ 1 ರಂದು ಮೂವರು ಅಪರಾಧಿಗಳನ್ನು ಗಲ್ಲಿಗೇರಿಸಬಹುದು ಎಂದು ಅವ್ರು ನ್ಯಾಯಾಲಯಕ್ಕೆ ತಿಳಿಸಿದ್ದಾರೆ.

ಪ್ರಸ್ತುತ ವಿನಯ್ ಶರ್ಮಾ ಕ್ಷಮಾದಾನ ಅರ್ಜಿ ಬಾಕಿ ಇದೆ. ಉಳಿದ ಮೂವರ ಯಾವುದೇ ಅರ್ಜಿ ಬಾಕಿಯಿಲ್ಲ. ಇದರಲ್ಲಿ ಕಾನೂನುಬಾಹಿರ ಏನೂ ಇಲ್ಲ ಎಂದವರು ಕೋರ್ಟ್ ಗೆ ಹೇಳಿದ್ದಾರೆ. ಪ್ರಕರಣದ ವಿಚಾರಣೆ ವೇಳೆ ವಕೀಲರ ಮಧ್ಯೆ ಚರ್ಚೆ ನಡೆದಿದೆ. ಇದು ಕೋರ್ಟ್ ಅಸಮಾಧಾನಕ್ಕೆ ಕಾರಣವಾಗಿದೆ. ವಿಚಾರಣೆ ವೇಳೆ ಮುಖೇಶ್ ಪರ ವಕೀಲರು ಕೋರ್ಟ್ ನಲ್ಲಿದ್ದರು. ಮುಖೇಶ್ ಎಲ್ಲ ಅರ್ಜಿ ವಜಾ ಆಗಿದ್ದು, ನಿಮ್ಮ ಉಪಸ್ಥಿತಿ ಬೇಕಾಗಿರಲಿಲ್ಲವೆಂದು ಕೋರ್ಟ್ ಹೇಳಿದೆ.

ಇರ್ಫಾನ್ ಹೇಳಿಕೆಗೆ ವಿನಯ್ ಶರ್ಮಾ ವಕೀಲರು ವಿರೋಧ ವ್ಯಕ್ತಪಡಿಸಿದ್ದಾರೆ. ಒಬ್ಬ ಅಪರಾಧಿ ಅರ್ಜಿ ರಾಷ್ಟ್ರಪತಿ ಬಳಿಯಿದ್ರೆ ಉಳಿದವರಿಗೂ ಗಲ್ಲುಶಿಕ್ಷೆ ವಿಧಿಸಲು ಸಾಧ್ಯವಿಲ್ಲ ಎಂದಿದ್ದಾರೆ.

ಜಿಯೋ ಕ್ಯಾಶ್‌ ಬ್ಯಾಕ್ ಪಡೆಯಲು ಇನ್ನು ಕೆಲ ಗಂಟೆ ಮಾತ್ರ ಅವಕಾಶ

Posted: 30 Jan 2020 10:25 PM PST

ಜಿಯೋ ಜನವರಿ 16 ರಂದು ಜಿಯೋ ಕ್ಯಾಶ್‌‌ ಬ್ಯಾಕ್ 2020 ಕೊಡುಗೆಗಳನ್ನು ಪ್ರಕಟಿಸಿತ್ತು. ಈ ಕೊಡುಗೆಯಡಿಯಲ್ಲಿ ಬಳಕೆದಾರರು ತಮ್ಮ ಮೊಬೈಲ್ ಸಂಖ್ಯೆಗೆ ಡಿಜಿಟಲ್ ವಿಧಾನದ ಮೂಲಕ ರೀಚಾರ್ಜ್ ಮಾಡಿದ್ರೆ 2,020 ರೂಪಾಯಿಗಳವರೆಗೆ ಕ್ಯಾಶ್‌ ಬ್ಯಾಕ್ ಸಿಗಲಿದೆ. ಈ ಕೊಡುಗೆ ಜಿಯೋ ಬಳಕೆದಾರರಿಗೆ 149 ರೂಪಾಯಿ ಅಥವಾ ಅದಕ್ಕಿಂತ ಹೆಚ್ಚಿನ ರೀಚಾರ್ಜ್ ನಲ್ಲಿ ಲಭ್ಯವಿದೆ.

ಡಿಜಿಟಲ್ ಪಾವತಿ ಮೂಲಕ ರೀಚಾರ್ಜ್ ಮಾಡಿದ್ರೆ ಮಾತ್ರ ಕ್ಯಾಶ್‌ ಬ್ಯಾಕ್ ಲಾಭ ಸಿಗಲಿದೆ. ಹತ್ತಿರದ ಚಿಲ್ಲರೆ ವ್ಯಾಪಾರಿಗಳಿಂದ ಜಿಯೋ ಸಂಖ್ಯೆಯನ್ನು ರೀಚಾರ್ಜ್ ಮಾಡಿದರೆ, ಈ ಕೊಡುಗೆಯ ಲಾಭ ಸಿಗುವುದಿಲ್ಲ. ಡಿಜಿಟಲ್ ವಾಲೆಟ್ ಅಥವಾ ಯುಪಿಐ ಏಕೀಕೃತ ಪಾವತಿ ಇಂಟರ್ಫೇಸ್ ಮೂಲಕ ಮಾತ್ರ ರೀಚಾರ್ಜ್ ಮಾಡಬಹುದು. Paytm, Amazon Pay, Mobikwik ನಂತಹ ಪಾವತಿ ಅಪ್ಲಿಕೇಶನ್‌ಗಳೊಂದಿಗೆ ಜಿಯೋ ಪಾಲುದಾರಿಕೆ ಹೊಂದಿದೆ.

ಪೇಟಿಎಂ 50 ರೂಪಾಯಿಯಿಂದ 2,020 ರೂಪಾಯಿಯವರೆಗೆ ಕ್ಯಾಶ್‌ ಬ್ಯಾಕ್ ನೀಡುತ್ತದೆ. ಅಮೆಜಾನ್ ಪೇ ವಾಲೆಟ್ ಬಳಕೆದಾರರಿಗೆ 25 ರೂಪಾಯಿಗಳ ಕ್ಯಾಶ್‌ ಬ್ಯಾಕ್ ನೀಡುತ್ತದೆ. ಅಮೆಜಾನ್ ಯುಪಿಐ ಬಳಕೆದಾರರಿಗೆ 300 ರೂಪಾಯಿಗಳ ಕ್ಯಾಶ್‌ ಬ್ಯಾಕ್ ಆಫರ್ ನೀಡುತ್ತದೆ. ಫೋನ್‌ಪೇ ಬಳಕೆದಾರರಿಗೆ ಈ ಕೊಡುಗೆ ಅಡಿಯಲ್ಲಿ 150 ರೂಪಾಯಿ ಕ್ಯಾಶ್‌ ಬ್ಯಾಕ್ ಸಿಗಲಿದೆ. ಆದ್ರೆ ಇಂದೇ ಈ ಯೋಜನೆ ಮುಗಿಯಲಿದ್ದು, ಗ್ರಾಹಕರು ಕ್ಯಾಶ್‌ ಬ್ಯಾಕ್ ಬೇಕೆಂದ್ರೆ ಈಗ್ಲೇ ರೀಚಾರ್ಜ್ ಮಾಡಿಕೊಳ್ಳಿ.

No comments:

Post a Comment

Gameforumer QR Scan

Gameforumer QR Scan
Gameforumer QR Scan