Translate

Post Your Self

Hello Dearest Gameforumer.com readers

Its your chance to get your news, articles, reviews on board, just use the link: PYS

Thanks and Regards

Monday, January 27, 2020

Kannada News | Karnataka News | India News

Kannada News | Karnataka News | India News


ಹಾಸ್ಯನಟ ಶಿವರಾಜ್ ಕೆ.ಆರ್.ಪೇಟೆ ಚಿತ್ರ ತಂಡಕ್ಕೆ ಆನೆ ಬಲ ನೀಡಿದ ಸುದೀಪ್

Posted: 27 Jan 2020 08:52 AM PST

ಶಿವರಾಜ್ ಕೆ.ಆರ್.ಪೇಟೆ ನಾಯಕ ನಟನಾಗಿ ಅಭಿನಯಿಸಿರುವ ನಾನು ಮತ್ತು ಗುಂಡ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಗ್ತಿದೆ. ಇದ್ರ ಜೊತೆ ಸೂಪರ್ ಸ್ಟಾರ್ ಕಿಚ್ಚ ಸುದೀಪ್ ಟ್ವೀಟ್ ತಂಡಕ್ಕೆ ಆನೆ ಬಲ ನೀಡಿದೆ. ಸುದೀಪ್​ ಸಾಮಾಜಿಕ ಜಾಲತಾಣದಲ್ಲಿ ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಚಿತ್ರದ ಪೋಸ್ಟರ್ ಒಂದನ್ನು ಸುದೀಪ್ ಟ್ವೀಟ್ ಮಾಡಿದ್ದಾರೆ. ಚಿತ್ರದ ಬಗ್ಗೆ ಉತ್ತಮ ವಿಮರ್ಶೆಗಳನ್ನು ಕೇಳುತ್ತಿದ್ದೇನೆ ಎಂದು ಬರೆದುಕೊಂಡಿದ್ದಾರೆ.  ಹಾಗೆ ನಾನು ಮತ್ತು ಗುಂಡ ಚಿತ್ರ ಯಶಸ್ವಿ ಪ್ರದರ್ಶನ ಕಾಣಲಿ ಎಂದು ಹಾರೈಸಿ ಶುಭ ಕೋರಿದ್ದಾರೆ.

ಚಿತ್ರದ ಬಿಡುಗಡೆಗೂ ಮುನ್ನ ಏರ್ಪಡಿಸಲಾಗಿದ್ದ ಸೆಲೆಬ್ರಿಟಿ ಶೋನಲ್ಲಿ ಚಿತ್ರವನ್ನ ನೋಡಿ ಬಂದ ಸ್ಯಾಂಡಲ್​ ವುಡ್​ ತಾರೆಯರು ಚಿತ್ರಕ್ಕೆ ಉತ್ತಮ ಪ್ರಶಂಸೆಯನ್ನ ವ್ಯಕ್ತಪಡಿಸಿದ್ದಾರೆ. ಹಾಸ್ಯ ನಟನಾಗಿ ಈಗಾಗಲೇ ಬೆಳ್ಳಿತೆರೆ ಮೇಲೆ ಪ್ರೇಕ್ಷಕರ ಮನಗೆದ್ದಿರುವ ಶಿವರಾಜು ಕೆ.ಆರ್.ಪೇಟೆ ಇದೀಗ ನಾನು ಮತ್ತು ಗುಂಡ ಚಿತ್ರದ ಮೂಲಕ ಪೂರ್ಣ ಪ್ರಮಾಣದಲ್ಲಿ ನಾಯಕ ನಟನಾಗಿ ಹೊರಹೊಮ್ಮಿದ್ದು ಜನಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.

ಉತ್ತೇಜನಗೊಂಡಾಗ ಮಹಿಳೆಯರು ಏನು ಮಾಡ್ತಾರೆ ಗೊತ್ತಾ…?

Posted: 27 Jan 2020 07:35 AM PST

ಲೈಂಗಿಕತೆ ದೇಹದ ಅವಶ್ಯಕತೆಗಳಲ್ಲಿ ಒಂದು. ಪುರುಷರಂತೆ ಮಹಿಳೆಯರೂ ಉತ್ತೇಜನಗೊಳ್ತಾರೆ. ಸಂಗಾತಿ ಜೊತೆಯಲ್ಲಿಲ್ಲದ ವೇಳೆ ಉತ್ತೇಜನಗೊಳ್ಳುವ ಮಹಿಳೆಯರು ತಮ್ಮ ಸಂಭೋಗದ ಆಸೆ ತೀರಿಸಿಕೊಳ್ಳಲು ಬೇರೆ ಬೇರೆ ವಿಧಾನಗಳನ್ನು ಅನುಸರಿಸುತ್ತಾರೆ.

ಅನೇಕ ಮಹಿಳೆಯರು ಹಸ್ತಮೈಥುನ ಇಷ್ಟಪಡುತ್ತಾರೆ. ಕೆಲ ಮಹಿಳೆಯರು ಇದಕ್ಕೆ ಮೇಣದಬತ್ತಿಗಳನ್ನು ಬಳಸುತ್ತಾರೆ. ಮೇಣದಬತ್ತಿ ಮೇಲೆ ಕಾಂಡೋಮ್  ಬಳಸಿ ಸಂಭೋಗ ಸುಖ ಆನಂದಿಸುವವರಿದ್ದಾರೆ.

ಇದಲ್ಲದೆ ಕೆಲ ಮಹಿಳೆಯರು ಹಸ್ತಮೈಥುನಕ್ಕಾಗಿ ತರಕಾರಿಗಳನ್ನು ಸಹ ಬಳಸುತ್ತಾರೆ. ತರಕಾರಿಗಳಲ್ಲಿ ಸೌತೆಕಾಯಿ, ಕ್ಯಾರೆಟ್, ಹಸಿರು ಬದನೆಕಾಯಿ ಅಥವಾ ಮೂಲಂಗಿಯನ್ನು ಹೆಚ್ಚಾಗಿ ಬಳಸುತ್ತಾರೆ.

ಮಹಿಳೆಯರು ಬಾಳೆಹಣ್ಣುಗಳನ್ನು ಹಸ್ತಮೈಥುನಕ್ಕಾಗಿ ಬಳಸುತ್ತಾರೆ. ಕೆಲವು ಮಹಿಳೆಯರು ಕೆಲಸ ಮಾಡುವಾಗ ಉತ್ಸುಕರಾಗುತ್ತಾರೆ. ಈ ಸಮಯದಲ್ಲಿ ಅವರು ಹಸ್ತಮೈಥುನಕ್ಕಾಗಿ ಅಸ್ತಿತ್ವದಲ್ಲಿರುವ ಕುರ್ಚಿಗಳನ್ನು ಸಹ ಬಳಸುತ್ತಾರೆ.

ಕೆಲವು ಮಹಿಳೆಯರು ಹಸ್ತಮೈಥುನಕ್ಕಾಗಿ ಮದ್ಯದ ಬಾಟಲಿಯನ್ನು ಸಹ ಬಳಸುತ್ತಾರೆ. ಇದಕ್ಕೆ ಮುಖ್ಯ ಕಾರಣವೆಂದರೆ ವೈನ್ ಬಾಟಲಿಯ ಮುಂಭಾಗದ ತುದಿ ತೆಳ್ಳಗಿರುವುದು ಕಾರಣ.

ಬಿಗ್‌ ನ್ಯೂಸ್: ಬಿಜೆಪಿ ಶಾಸಕನ ವಿರುದ್ಧ ಕೇಸ್ ದಾಖಲು

Posted: 27 Jan 2020 06:50 AM PST

ಬಳ್ಳಾರಿ ನಗರ ಬಿಜೆಪಿ ಶಾಸಕ ಸೋಮಶೇಖರ ರೆಡ್ಡಿ ವಿರುದ್ಧ ರಾಯಚೂರಿನಲ್ಲಿ ಎಫ್ಐಆರ್ ದಾಖಲಿಸಲಾಗಿದೆ. ರಾಯಚೂರಿನ ಸದರ್ ಬಜಾರ್ ಪೊಲೀಸ್ ಠಾಣೆಯಲ್ಲಿ ಸಾಮಾಜಿಕ ಕಾರ್ಯಕರ್ತ ಆರ್. ಮಾನಸಯ್ಯ ದೂರು ದಾಖಲಿಸಿದ್ದರು.

ಬಳ್ಳಾರಿಯಲ್ಲಿ ಜನವರಿ 3 ರಂದು ಪೌರತ್ವ ತಿದ್ದುಪಡಿ ಕಾಯ್ದೆ ಜಾಗೃತಿ ಸಮಾವೇಶದಲ್ಲಿ ಸೋಮಶೇಖರ ರೆಡ್ಡಿ ಪ್ರಚೋದನಕಾರಿ ಭಾಷಣ ಮಾಡಿದ್ದರು. ಅವರ ವಿರುದ್ಧ ಸೆಕ್ಷನ್ 153, 153ಎ, 506, 34ರ ಅಡಿ ಕೇಸ್ ದಾಖಲಿಸಲಾಗಿದೆ.

ಭಾಷಣ ವೇಳೆ ಸೋಮಶೇಖರ ರೆಡ್ಡಿ ನೀಡಿದ ಹೇಳಿಕೆ ವಿವಾದಕ್ಕೆ ಕಾರಣವಾಗಿದ್ದು, ಅವರ ವಿರುದ್ಧ ಕೇಸ್ ದಾಖಲಾಗಿದೆ ಎನ್ನಲಾಗಿದೆ.

ಮಲಗುವ ಭಂಗಿಯ ಕುರಿತ ಪೋಸ್ಟ್ ಫುಲ್ ‘ವೈರಲ್’

Posted: 27 Jan 2020 06:26 AM PST

ನಿದ್ರೆ ಬಂತೆಂದರೆ ಮಲಗಿದರೆ ಸಾಕು ಎಂಬಂತಹ ಪರಿಸ್ಥಿತಿ ಬಹುತೇಕರದ್ದಾಗಿರುತ್ತದೆ. ಆದರೆ, ಹೇಗೆ ಮಲಗಿರುತ್ತೇವೆಂಬುದು ಗೊತ್ತೇ ಇರುವುದಿಲ್ಲ.

ಯಾವಾಗಲೋ ಒಮ್ಮೆ ಎಚ್ಚರವಾದಾಗ ಒಂದು ಆಯಾಮದಲ್ಲಿ ಇರುತ್ತೇವೆ. ಆದರೆ, ಕೆಲವರು ಹೀಗೇ ಮಲಗಬೇಕು ಎಂದು ಆ ನಿಟ್ಟಿನಲ್ಲಿ ಪ್ರಯತ್ನಪಟ್ಟಿರುತ್ತಾರೆ.

ಇದೆಲ್ಲವೂ ಒತ್ತಟ್ಟಿಗರಲಿ. ಈಗ ಚರ್ಚೆಗೆ ಕಾರಣವಾಗಿರುವುದು ಅಲ್ಲನ್ ಬೆಲ್ ಎಂಬ ಟ್ವಿಟ್ಟರ್ ಬಳಕೆದಾರರೊಬ್ಬರು, ವಿವಿಧ ರೀತಿಯ ನಿದ್ರಾ ಭಂಗಿಯ ಚಾರ್ಟ್ ಅನ್ನು ಪೋಸ್ಟ್ ಮಾಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಚರ್ಚೆಯನ್ನು ಹುಟ್ಟುಹಾಕಿದೆ.

ಈ ಚಾರ್ಟ್ 18 ನಿದ್ರಾ ಭಂಗಿಯನ್ನು ಒಳಗೊಂಡಿದ್ದು, ನಾನು 9ನೇ ಸಂಖ್ಯೆಯಲ್ಲಿರುವ ಭಂಗಿಯಲ್ಲಿ ಮಲಗುತ್ತೇನೆ. ನೀವು ಯಾವ ಭಂಗಿಯಲ್ಲಿ ಮಲಗುತ್ತೀರಿ ಎಂದು ಪ್ರಶ್ನೆಯನ್ನು ಹಾಕಲಾಗಿದೆ.

ಇದನ್ನು ಹಾಕಿದ್ದೇ ತಡ ಟ್ವಿಟ್ಟಿಗರು ಚರ್ಚೆಯಲ್ಲಿ ತೊಡಗಿಕೊಂಡಿದ್ದಾರೆ. ಭಾನುವಾರ ಈ ಪೋಸ್ಟ್ ಹಾಕಲಾಗಿದ್ದು, ಈಗಾಗಲೇ 13,000 ಲೈಕ್ ಗಳು ಬಂದಿದ್ದು, ಇನ್ನೂ ಬರುತ್ತಲೇ ಇವೆ.

ಅಲ್ಲದೆ, ಯಾರಾದರೂ 13ನೇ ಭಂಗಿಯಲ್ಲಿ ಮಲಗುತ್ತೀರಾದರೆ, ನೀವು ಹಾಗೆ ಮಲಗಿಕೊಂಡು ಏನು ಮಾಡುತ್ತೀರಿ..? ಎಂಬ ಕಾಲೆಳೆಯುವ ಪ್ರಶ್ನೆಗಳೂ ತೂರಿಬಂದಿವೆ.

ಅಲ್ಲದೆ, ಕೆಲವರು ತಾವು ಮಲಗುವ ಭಂಗಿ ಈ ಚಾರ್ಟ್ ನಲ್ಲಿ ಇಲ್ಲವೆಂದರೆ, ಮತ್ತೆ ಕೆಲವರು ಯಾವ ಭಂಗಿಯಲ್ಲಿ ಮಲಗಿದರೆ ಉತ್ತಮ ಎಂಬ ಬಗ್ಗೆ ಅಂತರ್ಜಾಲದಲ್ಲಿ ಹುಡುಕಾಟವನ್ನೂ ನಡೆಸಿದ್ದಾರಂತೆ.

ಇಲ್ಲಿನ ಕಮೆಂಟ್ ವಿಭಾಗಕ್ಕೆ ಹೋದರೆ, ನಾನು 2, 5, 6… 11, 13, 14… ಹೀಗೆ ಒಬ್ಬೊಬ್ಬರು ಒಂದೊಂದು ಭಂಗಿಯಲ್ಲಿ ಮಲಗುವುದಾಗಿ ಹೇಳಿಕೊಂಡಿರುವುದು ಕಾಣುತ್ತದೆ.

ಪಂದ್ಯ ನಡೆಯುತ್ತಿರುವಾಗಲೇ ಪಿಜ್ಜಾ ಡೆಲಿವರಿ…!

Posted: 27 Jan 2020 06:22 AM PST

ಮೈದಾನದಲ್ಲಿ ಕುಳಿತು ಫುಟ್ಬಾಲ್‌ ಪಂದ್ಯವನ್ನು ವೀಕ್ಷಿಸುವುದು ಸೂಪರ್‌ ಅನುಭವ. ಟಿವಿಯಲ್ಲಿ ನೋಡುವುದಕ್ಕಿಂತಲೂ ಮೈದಾನಕ್ಕೆ ತೆರಳಿ ಪಂದ್ಯವನ್ನು ವೀಕ್ಷಿಸಲು ಇಷ್ಟ ಪಡುವ ಜನರೂ ಸಿಕ್ಕಾಪಟ್ಟೆ ಇದ್ದಾರೆ.

ಮ್ಯಾಚ್‌ ಮೋಜಿನ ಜೊತೆಗೆ ಬಾಯಿ ಚಪಲ ತೀರಿಸಲು ಇಷ್ಟದ ತಿಂಡಿಯೂ ಸಿಗುವಂತಿದ್ರೆ? ಫುಟ್ಬಾಲ್ ಪಂದ್ಯ ನಡೆಯುತ್ತಿದ್ದ ಸಂದರ್ಭದಲ್ಲಿ ಬಿಸಿ ಬಿಸಿ ಪಿಜ್ಜಾವನ್ನು ಡೆಲಿವರಿ ಮಾಡುತ್ತಿದ್ದ ವ್ಯಕ್ತಿಯೊಬ್ಬನ ವಿಡಿಯೋ ಟ್ವಿಟರ್‌ನಲ್ಲಿ ವೈರಲ್ ಆಗಿದೆ.

ಮೈದಾನದ ಸ್ಟಾಂಡ್‌ ಗಳಲ್ಲಿದ್ದ ವೀಕ್ಷಕರಿಗೆ ಪಿಜ್ಜಾ ಡೆಲಿವರಿ ಮಾಡಿದ ಪಾಪಾ ಜೋನ್ಸ್‌ನ ಈ ಡೆಲಿವರಿ ಪ್ರಹಸನ ಟ್ವಿಟರ್‌ನಲ್ಲಿ ಸದ್ದು ಮಾಡುತ್ತಿದೆ.

ಲಂಡನ್‌ನ ವಾಲ್ಥಾಮ್‌ಸ್ಟೋನಲ್ಲಿ ನಡೆದ ಈ ಪಂದ್ಯದಲ್ಲಿ ಲೇಯ್ಟನ್ ಓರಿಯಂಟ್ ಹಾಗೂ ನ್ಯೂಪೋರ್ಟ್ ಕೌಂಟಿ ತಂಡಗಳು ಆಡುತ್ತಿದ್ದವು. ಈ ಸಂದರ್ಭದಲ್ಲಿ ಪಿಜ್ಜಾ ಡೆಲಿವರಿ ಆಗಿದೆ.

ಡೇಟಿಂಗ್ ಆಪ್ ನಲ್ಲಿ ಒರಟಾಗಿ ವರ್ತಿಸಿದವನಿಗೆ ಈ ಯುವತಿ ಬುದ್ಧಿ ಕಲಿಸಿದ್ದೇಗೆ ಗೊತ್ತಾ…?

Posted: 27 Jan 2020 06:19 AM PST

ಆಧುನಿಕ ಸಂವಹನ ಮಾಧ್ಯಮಗಳ ಕಾರಣದಿಂದಾಗಿ ಡೇಟಿಂಗ್ ಸಂಗಾತಿಗಳನ್ನು ಪತ್ತೆ ಮಾಡುವುದು ಹಿಂದೆಂದಿಗಿಂತಲೂ ಬಹಳ ಸುಲಭವಾದ ಕೆಲಸವಾಗಿಬಿಟ್ಟಿದೆ.

ಕೇವಲ ಒಂದು ಬಟನ್ ಕ್ಲಿಕ್ ಮಾಡುವ ಮೂಲಕ ಗಂಡು/ಹೆಣ್ಣು ಸಂಗಾತಿಗಳನ್ನು ಕಂಡುಕೊಳ್ಳಬಹುದಾಗಿದೆ.

ಆದರೆ ಡೇಟಿಂಗ್‌ ಆಪ್‌ನಲ್ಲಿ ಅಂದುಕೊಂಡಷ್ಟು ಎಲ್ಲವೂ ನೈಸ್ ಆಗಿ ಇರುವುದಿಲ್ಲ. ಕೆಲವೊಮ್ಮೆ ಒರಟು ವರ್ತನೆಗಳನ್ನು ತೋರುವವರೂ ಇರುತ್ತಾರೆ.

ಹಿಂಜ್ ಎಂಬ ಡೇಟಿಂಗ್ ಆಪ್‌ನಲ್ಲಿ ಕೇಟಿ ಪ್ಫೆಫ್ಫರ್‌ ಎಂಬ ಯುವತಿ ಲೇಕ್ ಎಂಬ ವ್ಯಕ್ತಿಯನ್ನು ಭೇಟಿಯಾಗಿದ್ದಾಳೆ.

ಆದರೆ ಈತ ತನ್ನ ಒರಟು ಹಾಗೂ ದುರಹಂಕಾರಿ ವರ್ತನೆಗಳನ್ನು ಆಕೆಯ ಮೇಲೆ ಪ್ರಯೋಗ ಮಾಡಿದ್ದು, ಇದರಿಂದ ಸಿಟ್ಟಿಗೆದ್ದ ಕೇಟಿ, ವ್ಯಕ್ತಿಯ ತಂದೆಯನ್ನು ಇನ್‌ಸ್ಟಾಗ್ರಾಂನಲ್ಲಿ ಪತ್ತೆ ಮಾಡಿ, ಆತನ ಸ್ವಭಾವದ ಬಗ್ಗೆ ತಿಳಿಸಿದ್ದಾಳೆ.

ಗರ್ಭಪಾತದ ಮಾತ್ರೆ ನುಂಗುತ್ತಿದ್ದ ಮಗಳ ರಹಸ್ಯ ತಿಳಿದು ಬೆಚ್ಚಿ ಬಿದ್ದ ತಾಯಿ

Posted: 27 Jan 2020 06:17 AM PST

ಮಗಳ ರೂಮ್ ನಲ್ಲಿ ಗರ್ಭಪಾತದ ಮಾತ್ರೆಗಳನ್ನು ಗಮನಿಸಿದ ತಾಯಿ ಪ್ರಶ್ನಿಸಿದ್ದಾಳೆ. ತಾಯಿಯ ಎದುರು ತಾನೇಕೆ ಗರ್ಭಪಾತದ ಮಾತ್ರೆ ನುಂಗುತ್ತಿದ್ದೆ ಎಂಬುದನ್ನು ಮಗಳು ತಿಳಿಸಿದ್ದು ಇದನ್ನು ಕೇಳಿದ ತಾಯಿ ಬೆಚ್ಚಿ ಬಿದ್ದಿದ್ದಾರೆ. ಅಂದ ಹಾಗೆ ಈ ಘಟನೆ ನಡೆದಿದ್ದು ಮುಂಬೈನಲ್ಲಿ.

ಮುಂಬೈನ ಬೋರಿವಲಿ ಠಾಣೆ ಪೊಲೀಸರು ಅಪ್ರಾಪ್ತ ಬಾಲಕಿಯ ಮೇಲೆ ಹಲವು ಬಾರಿ ಅತ್ಯಾಚಾರವೆಸಗಿದ ಆರೋಪದ ಮೇಲೆ ಹದಿಹರೆಯದ ಹುಡುಗನನ್ನು ಬಂಧಿಸಿದ್ದಾರೆ. ಮದುವೆಯಾಗುವುದಾಗಿ ಬಾಲಕಿಯನ್ನು ನಂಬಿಸಿದ್ದ ಆರೋಪಿ ನಿರಂತರ ಅತ್ಯಾಚಾರ ಎಸಗಿದ್ದಾನೆ ಎಂದು ಪೊಲೀಸ್ ಅಧಿಕಾರಿ ಮಾಹಿತಿ ನೀಡಿದ್ದಾರೆ.

ಬಂಧಿತ ಆರೋಪಿ ಮತ್ತು 16 ವರ್ಷದ ಸಂತ್ರಸ್ತೆ ಶಾಲೆಗೆ ಹೋಗುವಾಗ ಪರಿಚಿತರಾಗಿದ್ದರು. ಕಳೆದ ವಾರ ಮನೆಯಲ್ಲಿದ್ದ ತಾಯಿಗೆ ಮಗಳ ಕೊಠಡಿಯಲ್ಲಿದ್ದ ಗರ್ಭಪಾತದ ಮಾತ್ರೆಗಳು ಕಂಡು ಬಂದಿವೆ. ಈ ಬಗ್ಗೆ ಮಗಳನ್ನು ಪ್ರಶ್ನಿಸಿದ್ದಾರೆ. ಮದುವೆಯ ಭರವಸೆ ನೀಡಿದ ಆರೋಪಿ ಹಲವು ಬಾರಿ ಅತ್ಯಾಚಾರ ಎಸಗಿದ್ದ ಬಗ್ಗೆ ಮಗಳು ಮಾಹಿತಿ ನೀಡಿದ್ದಾಳೆ.

ಬಳಿಕ ಬೋರಿವಲಿ ಠಾಣೆಗೆ ದೂರು ನೀಡಲಾಗಿದೆ. ಬೋರಿವಲಿ ಪೊಲೀಸ್ ಠಾಣೆಯ ಹಿರಿಯ ಇನ್ಸ್ ಪೆಕ್ಟರ್ ಲಕ್ಷ್ಮಣ ಡುಂಬ್ರೆ ಘಟನೆ ಬಗ್ಗೆ ಮಾಹಿತಿ ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡು 17 ವರ್ಷದ ಆರೋಪಿಯನ್ನು ಬಂಧಿಸಲಾಗಿದೆ. ಅತ್ಯಾಚಾರ, ಫೋಕ್ಸೋ, ಮಗುವನ್ನು ಹೊಂದಿರದ ಮಹಿಳೆಗೆ ಸ್ವಯಂಪ್ರೇರಣೆಯಿಂದ ಗರ್ಭಪಾತಕ್ಕೆ ಕಾರಣವಾಗುವುದು ಮೊದಲಾದ ಪ್ರಕರಣಗಳ ಅಡಿ ಕೇಸ್ ದಾಖಲಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಸಾವಿನ ದವಡೆಯಿಂದ ಪಾರಾಗಲು ಈತ ಮಾಡಿದ ಚಾಣಾಕ್ಷ ಕೆಲಸ ನೋಡಿದ್ರೆ ದಂಗಾಗ್ತೀರಾ…!

Posted: 27 Jan 2020 06:13 AM PST

ನಾವೆಲ್ಲಾ ಸಣ್ಣ ವಯಸ್ಸಿನಲ್ಲಿ ಒಂದು ಕಥೆಯನ್ನು ಓದಿ ಬೆಳೆದು ಬಂದಿದ್ದೇವೆ. ಇಬ್ಬರು ಸ್ನೇಹಿತರು ಹಿಂಗೇ ಕಾಡಿನಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಕರಡಿಯೊಂದು ಅಡ್ಡ ಬಂದಾಗ, ಒಬ್ಬ ಮರವನ್ನೇರಿದರೆ ಮತ್ತೊಬ್ಬ ಸತ್ತಂತೆ ನಾಟಕವಾಡಿದ್ದನ್ನು ಓದಿದ್ದು ನೆನಪಿರಬಹುದು.

ಇಂಥದ್ದೇ ಒಂದು ಘಟನೆ ಮಹಾರಾಷ್ಟ್ರದಲ್ಲಿ ಘಟಿಸಿದೆ. ಕಾಡಿನಿಂದ ನಾಡಿಗೆ ಬಂದಿದ್ದ ಹುಲಿಯೊಂದನ್ನು ಜನರ ಗುಂಪೊಂದು ಅಟ್ಟಿಸಿಕೊಂಡು ಹೋಗಿದೆ.

ಆ ವೇಳೆ ವ್ಯಕ್ತಿಯೊಬ್ಬ ಹುಲಿಗೆ ಸಿಕ್ಕಿಕೊಂಡಿದ್ದಾನೆ. ಕೂಡಲೇ ಸಮಯ ಪ್ರಜ್ಞೆ ಮೆರೆದ ಆತ ಸತ್ತಂತೆ ಮಲಗಿಬಿಟ್ಟಿದ್ದಾನೆ. ಆತನನ್ನು ಕೆಲ ಕಾಲ ಪರೀಕ್ಷಿಸಿ ನೋಡಿದ ಹುಲಿ ಅಲ್ಲಿಂದ ಓಡಿಹೋಗಿದೆ.

ಜೀವವೇ ಬಾಯಿಗೆ ಬಂದ ಆ ಕ್ಷಣದಲ್ಲಿ ಈ ಹುಲಿಯನ್ನು ಟ್ರಿಕ್ ಮಾಡುವ ಆಲೋಚನೆ ಹೊಳೆದ ಆತನ ಚಾಣಾಕ್ಷತೆಯನ್ನು ಭಾರತೀಯ ಅರಣ್ಯ ಸೇವಾ ಅಧಿಕಾರಿ ಪ್ರವೀಣ್ ಕಸ್ವಾನ್ ತಮ್ಮ ಟ್ವಿಟರ್‌ ಹ್ಯಾಂಡಲ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಟಿಕ್ ಟಾಕ್ ನಲ್ಲಿ ಗಣರಾಜ್ಯೋತ್ಸವ!

Posted: 27 Jan 2020 06:10 AM PST

ನವದೆಹಲಿ: 71ನೇ ಗಣರಾಜ್ಯೋತ್ಸವ ಸರ್ಕಾರಿ ಕಚೇರಿಗಳಲ್ಲಿ, ಶಾಲಾ-ಕಾಲೇಜುಗಳಲ್ಲಿ, ಕೆಲ ಸಂಘ-ಸಂಸ್ಥೆಗಳ ಕಚೇರಿಗಳಲ್ಲಿ ಮಾತ್ರವಲ್ಲ ಈ ಬಾರಿ ಸಾಮಾಜಿಕ ಜಾಲತಾಣಗಳಲ್ಲೂ ಆಚರಿಸಲ್ಪಟ್ಟಿದೆ.

ದೇಶದ ನಾಗರಿಕರು ಮಾತೃ ಭಾಷೆಗಳಲ್ಲಿ ದೇಶಕ್ಕೆ ನಮನ ಅರ್ಪಿಸಿದ್ದಾರೆ. ಟಿಕ್ ಟಾಕ್ ಆ್ಯಪ್ ಒಂದರಲ್ಲೇ ಬಳಕೆದಾರರು ದೇಶಭಕ್ತಿ ಹಾಡುಗಳನ್ನು ಹಾಕುವುದು, ಹಾಡುವುದು ಹಾಗೂ ಡ್ಯಾನ್ಸ್ ಮಾಡುವ ಮೂಲಕ ಜನರಿಗೆ ಶುಭಾಶಯ ಕೋರಿದ್ದಾರೆ.

ಗಣರಾಜ್ಯೋತ್ಸವ ಹಿನ್ನೆಲೆಯಲ್ಲಿ ಬಳಕೆದಾರರಿಗೆ ವೇದಿಕೆ ಕಲ್ಪಿಸಿದ ಆ್ಯಪ್, ಇದಕ್ಕೋಸ್ಕರ #ದೇಶ್ ಕಿ ಭಾಷಾ ಎಂಬ ಹ್ಯಾಷ್ ಟ್ಯಾಗ್ ಕಲ್ಪಿಸಿದ್ದು, ಇದರ ಮೂಲಕ ನಿಮ್ಮ ನಿಮ್ಮ ಮಾತೃಭಾಷೆಯಲ್ಲಿ ಆಚರಿಸಿ ಎಂದು ಹೇಳಿಕೊಂಡಿದೆ.

ಅಲ್ಲದೆ, ನೀವು ಭಾರತೀಯರೆಂದು ಏಕೆ ಹೆಮ್ಮೆ ಪಡುವಿರಿ ಎಂಬುದನ್ನೂ ವಿವರಿಸಿ ಎಂದು ಹೇಳಿಕೊಂಡಿತ್ತು. ಈ ಹ್ಯಾಷ್ ಟ್ಯಾಗ್ ಹಾಕಿದ ಕೆಲವೇ ಗಂಟೆಗಳಲ್ಲಿ 1.4 ಬಿಲಿಯನ್ ವೀಕ್ಷಣೆ ಕಂಡಿದೆ.

ಸೆಲೆಬ್ರಿಟಿ ಹಾಗೂ ಟಿಕ್ ಟಾಕ್ ಇನ್ ಫ್ಲುಯೆನ್ಸರ್ ಗಳ ಸಹಿತ ಬಹುತೇಕರು ಇದರಲ್ಲಿ ಭಾಗಿಯಾಗುವ ಮೂಲಕ ವಿವಿಧತೆಯಲ್ಲಿ ಏಕತೆ ಎಂಬ ಸಂದೇಶವನ್ನು ಸಾರಿದ್ದಾರೆ. ಭಾರತದ ಧ್ವಜ ಇರುವ ಕನ್ನಡಕ, ಭಾರತೀಯನಾಗಿದ್ದಕ್ಕೆ ಹೆಮ್ಮೆ ಎಂಬ ಒಕ್ಕಣೆ ಸೇರಿದಂತೆ ಹಲವು ರೀತಿಯಲ್ಲಿ ಬಳಕೆದಾರರು ತಮ್ಮ ನಮನವನ್ನು ಸಲ್ಲಿಸಿದ್ದಾರೆ.

‘ಕೆಜಿಎಫ್ ಚಾಪ್ಟರ್ 2’ ನಿರೀಕ್ಷೆಯಲ್ಲಿದ್ದ ರಾಕಿಂಗ್ ಸ್ಟಾರ್ ಯಶ್ ಅಭಿಮಾನಿಗಳಿಗೆ ಥ್ರಿಲ್ಲಿಂಗ್ ಸುದ್ದಿ

Posted: 27 Jan 2020 05:59 AM PST

ರಾಕಿಂಗ್ ಸ್ಟಾರ್ ಯಶ್ ಅಭಿಮಾನಿಗಳಿಗೆ ಖುಷಿ ಸುದ್ದಿ ಇಲ್ಲಿದೆ. ಕನ್ನಡ ಮಾತ್ರವಲ್ಲದೆ ಬಹು ಭಾಷೆಗಳಲ್ಲಿ ಬಿಡುಗಡೆಯಾಗಿ ದಾಖಲೆ ಬರೆದ 'ಕೆಜಿಎಫ್' ಹಲ್ಚಲ್ ಸೃಷ್ಟಿಸಿತ್ತು. ಈಗ 'ಕೆಜಿಎಫ್ ಚಾಪ್ಟರ್ 2' ಭಾರಿ ನಿರೀಕ್ಷೆ ಮೂಡಿಸಿದೆ.

ದೇಶದ ಗಮನ ಸೆಳೆದ 'ಕೆಜಿಎಫ್ ಚಾಪ್ಟರ್ 2' ಚಿತ್ರೀಕರಣ ಶೇಕಡ 80 ರಷ್ಟು ಮುಕ್ತಾಯವಾಗಿದ್ದು, ಕೊನೆ ಹಂತದ ಚಿತ್ರೀಕರಣ ಮಾತ್ರ ಬಾಕಿ ಉಳಿದಿದೆ ಎನ್ನಲಾಗಿದೆ. ಮೈಸೂರಿನಲ್ಲಿ 'ಕೆಜಿಎಫ್ ಚಾಪ್ಟರ್ 2' ಚಿತ್ರೀಕರಣ ನಡೆದಿದ್ದು ನಂತರ ಹೈದರಾಬಾದ್ ನಲ್ಲಿ ಬಳಿಕ ಬೆಂಗಳೂರು, ಕೋಲಾರದಲ್ಲಿ ಚಿತ್ರೀಕರಣ ನಡೆಯಲಿದೆ. ಇದರೊಂದಿಗೆ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಆರಂಭವಾಗಲಿದ್ದು, ರಿಲೀಸ್ ಡೇಟ್ ಕೂಡ ಅಧಿಕೃತವಾಗಿ ಹೊರಬೀಳುವ ಸಾಧ್ಯತೆ ಇದೆ.

ವಿಜಯ್ ಕಿರಗಂದೂರು ನಿರ್ಮಾಣ ಮಾಡಿರುವ ಚಿತ್ರವನ್ನು ಪ್ರಶಾಂತ್ ನೀಲ್ ನಿರ್ದೇಶಿಸಿದ್ದಾರೆ. ಹೈ ಬಜೆಟ್ ನಲ್ಲಿ ದುಬಾರಿ ಸೆಟ್ ನಲ್ಲಿ ಚಿತ್ರ ನಿರ್ಮಾಣವಾಗಿದ್ದು, ಆರಂಭದಿಂದಲೂ ಭಾರೀ ಕುತೂಹಲ ಮೂಡಿಸಿದೆ.

ಶಾಲಾ ಮಕ್ಕಳಿಗೆ ಸಿಹಿ ಸುದ್ದಿ ನೀಡಿದ ಶಿಕ್ಷಣ ಸಚಿವ ಸುರೇಶ್ ಕುಮಾರ್

Posted: 27 Jan 2020 05:41 AM PST

ಮಕ್ಕಳಲ್ಲಿ ಪಠ್ಯೇತರ ಚಟುವಟಿಕೆ ಬಗ್ಗೆ ಆಸಕ್ತಿ ಮೂಡಿಸಲು ತಿಂಗಳಲ್ಲಿ ಎರಡು ದಿನ ಬ್ಯಾಗ್ ರಹಿತ ದಿನವನ್ನಾಗಿ ಘೋಷಿಸಲಾಗುವುದು.

ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ ಎಸ್. ಸುರೇಶ್ ಕುಮಾರ್ ಈ ಮಾಹಿತಿ ನೀಡಿದ್ದು, ಶಾಲಾ ಮಕ್ಕಳಲ್ಲಿ ಪಠ್ಯೇತರ ಚಟುವಟಿಕೆ ಬಗ್ಗೆ ಆಸಕ್ತಿ ಮೂಡಿಸುವ ಉದ್ದೇಶದಿಂದ ತಿಂಗಳಲ್ಲಿ ಎರಡು ದಿನ ಬ್ಯಾಗ್ ರಹಿತ ದಿನವನ್ನಾಗಿ ಘೋಷಣೆ ಮಾಡುವುದಾಗಿ ಹೇಳಿದ್ದಾರೆ.

ಕಲಬುರ್ಗಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಪೋಷಕರು, ಶಿಕ್ಷಣ ತಜ್ಞರು ಮಕ್ಕಳಿಗೆ ಶಾಲಾ ಬ್ಯಾಗ್ ಹೊರೆಯಾಗುತ್ತದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದು, ಶಿಕ್ಷಣ ಇಲಾಖೆ ಇದನ್ನು ಗಂಭೀರವಾಗಿ ಪರಿಗಣಿಸಿ ಮುಂದಿನ ಶೈಕ್ಷಣಿಕ ಸಾಲಿನಿಂದ ತಿಂಗಳಲ್ಲಿ ಎರಡು ಶನಿವಾರ ಬ್ಯಾಗ್ ರಹಿತ ದಿನವಾಗಿ ಘೋಷಿಸಲು ತೀರ್ಮಾನಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

ಬ್ಯಾಗ್ ರಹಿತ ದಿನಗಳಂದು ಪಾಠ ಇರುವುದಿಲ್ಲ. ಕ್ರೀಡೆ ಮೊದಲಾದ ಪಠ್ಯೇತರ ಚಟುವಟಿಕೆಗಳನ್ನು ನಡೆಸಲಾಗುತ್ತದೆ ಎಂದು ತಿಳಿಸಿದ್ದಾರೆ.

ತುಪ್ಪ ಸೇವನೆಯಿಂದ ಎಷ್ಟೆಲ್ಲಾ ಪ್ರಯೋಜನವಿದೆ ಗೊತ್ತಾ…?

Posted: 27 Jan 2020 05:23 AM PST

ತುಪ್ಪ ಸೇವನೆಯಿಂದ ನಮ್ಮ ಆರೋಗ್ಯಕ್ಕೆ ಸಾಕಷ್ಟು ಲಾಭವಿದೆ. ಆದರೆ ಇತ್ತೀಚೆಗೆ ಕೊಬ್ಬು ಎಂದು ಕೆಲವರು ಇದನ್ನು ಸೇವಿಸುವುದಿಲ್ಲ.

ಶುದ್ಧವಾದ ದೇಸಿ ತುಪ್ಪ ದೇಹಕ್ಕೆ ಯಾವುದೇ ಹಾನಿಕಾರಕವಲ್ಲ ಎಂದು ಸಂಶೋಧನೆಗಳು ಕೂಡ ಹೇಳುತ್ತಿವೆ. ಕೊಲೆಸ್ಟ್ರಾಲ್ ನಿಯಂತ್ರಣದಲ್ಲಿಡಲು ಹಾಗೂ ನಮ್ಮ ಹಾರ್ಮೋನುಗಳನ್ನು ಸಮತೋಲನ ವ್ಯವಸ್ಥೆಯಲ್ಲಿಡಲು ತುಪ್ಪ ಮಹತ್ವದ ಪಾತ್ರ ವಹಿಸುತ್ತದೆ.

*ಚಳಿಗಾಲದಲ್ಲಿ ತುಪ್ಪ ಸೇವಿಸುವುದರಿಂದ ದೇಹವನ್ನು ಬೆಚ್ಚಗಿರಿಸಿಕೊಳ್ಳಬಹುದು. ಚಳಿಗಾಲದಲ್ಲಿ ತುಪ್ಪದಿಂದ ಮಾಡಿದ ಖಾದ್ಯಗಳನ್ನು ಹಿತಮಿತವಾಗಿ ಸೇವಿಸಿದರೆ ದೇಹದ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.

*ಶೀತ, ಕಟ್ಟಿದ ಮೂಗಿನ ಸಮಸ್ಯೆ ಹೆಚ್ಚಾಗಿ ಮಳೆಗಾಲ, ಚಳಿಗಾಲದಲ್ಲಿ ಕಾಣಿಸಿಕೊಳ್ಳುತ್ತದೆ. ಶುದ್ಧವಾದ ದೇಸಿ ತುಪ್ಪವನ್ನು ಬಿಸಿ ಮಾಡಿ. ಅದು ಉಗುರು ಬೆಚ್ಚಗಿರುವಾಗ ಒಂದೊಂದು ಹನಿಯನ್ನು ಮೂಗಿಗೆ ಹಾಕಿದರೆ ಕಟ್ಟಿದ ಮೂಗಿನ ಸಮಸ್ಯೆ ನಿವಾರಣೆಯಾಗುತ್ತದೆ. ಜತೆಗೆ ಗಂಟಲಿನ ಕಿರಿಕಿರಿ ಕೂಡ ಕಡಿಮೆಯಾಗುತ್ತದೆ.

* ಇನ್ನು ಬಾಣಂತಿಯರಿಗೆ ತುಪ್ಪದಿಂದ ಮಾಡಿದ ಲಡ್ಡುಗಳನ್ನು ನೀಡಿದರೆ ಅವರಲ್ಲಿ ಶಕ್ತಿ ಹೆಚ್ಚುತ್ತದೆ.

* ದೇಹದ ತೂಕವನ್ನು ಇಳಿಸಿಕೊಳ್ಳಬಯಸುವವರಿಗೆ ತುಪ್ಪ ಕೂಡ ಒಂದು ಅದ್ಭುತವಾದ ಟಿಪ್ಸ್. ತುಪ್ಪದಲ್ಲಿ ದೇಹಕ್ಕೆ ಬೇಕಾದ ಒಳ್ಳೆಯ ಕೊಬ್ಬು ಇದೆ. ಇದನ್ನು ಸೇವಿಸುವುದರಿಂದ ದೇಹದಲ್ಲಿರುವ ಟಾಕ್ಸಿನ್ ಅನ್ನು ಹೊರ ಹಾಕುತ್ತದೆ.

*ನಿಯಮಿತವಾಗಿ ತುಪ್ಪ ಸೇವಿಸುವುದರಿಂದ ಜೀರ್ಣಕ್ರೀಯೆ ಚೆನ್ನಾಗಿ ಆಗುತ್ತದೆ. ಮಲಬದ್ಧತೆ ಸಮಸ್ಯೆಯನ್ನು ನಿವಾರಿಸಿಕೊಳ್ಳಬಹುದು. ಒಂದು ಗ್ಲಾಸ್ ಬಿಸಿ ಹಾಲಿಗೆ ಒಂದು ಟೀ ಸ್ಪೂನ್ ತುಪ್ಪ ಹಾಕಿ ಕುಡಿದರೆ ಮಲಬದ್ಧತೆ ಸಮಸ್ಯೆಯನ್ನು ನಿವಾರಿಸಿಕೊಳ್ಳಬಹುದು.

*ತುಪ್ಪ ಹೃದಯದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಮಕ್ಕಳು ಸ್ವಲ್ಪ ಜಾಸ್ತಿ ಸೇವಿಸಿದರೆ ಒಳ್ಳೆಯದು. ಹಾಗೇ ದೊಡ್ಡವರು ಹಿತಮಿತವಾಗಿ ಸೇವಿಸಬೇಕು. ಇದು ಒಳ್ಳೆಯ ಕೊಲೆಸ್ಟ್ರಾಲ್ ಅನ್ನು ಹೆಚ್ಚಿಸುತ್ತದೆ. ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುತ್ತದೆ.

ಬಿಗ್ ನ್ಯೂಸ್: ವಿಧಾನ ಪರಿಷತ್ ರದ್ದು ಮಾಡಲು ವಿಧಾನಸಭೆಯಲ್ಲೂ ನಿರ್ಣಯ ಅಂಗೀಕಾರ

Posted: 27 Jan 2020 05:18 AM PST

ಆಂಧ್ರಪ್ರದೇಶದಲ್ಲಿ ವಿಧಾನಪರಿಷತ್ ರದ್ದು ಮಾಡುವ ನಿರ್ಣಯವನ್ನು ವಿಧಾನಸಭೆಯಲ್ಲಿ ಅಂಗೀಕರಿಸಲಾಗಿದೆ. ನಿರ್ಣಯದ ಪರವಾಗಿ ಹಾಜರಾಗಿದ್ದ ಎಲ್ಲಾ 133 ಸದಸ್ಯರು ಮತ ಹಾಕಿದ್ದು, ಜನಸೇನಾ ಪಕ್ಷದ ಶಾಸಕರು ಕೂಡ ನಿರ್ಣಯಕ್ಕೆ ಬೆಂಬಲಿಸಿದ್ದಾರೆ.

ವಿಧಾನಸಭೆಯಲ್ಲಿ ಕೈಗೊಂಡ ನಿರ್ಣಯವನ್ನು ರಾಷ್ಟ್ರಪತಿ ಮತ್ತು ಕೇಂದ್ರಕ್ಕೆ ಕಳಿಸಲಾಗುವುದು. ಸಂಸತ್, ರಾಷ್ಟ್ರಪತಿ ಅಂಗೀಕಾರ ನೀಡಿದ ಬಳಿಕ ಅಧಿಕೃತವಾಗಿ ವಿಧಾನಪರಿಷತ್ ರದ್ದಾಗಲಿದೆ. ಆಂಧ್ರಪ್ರದೇಶ ವಿಧಾನಪರಿಷತ್ ರದ್ದು ಮಾಡಲು ಜಗನ್ ಮೋಹನ್ ರೆಡ್ಡಿ ನೇತೃತ್ವದ ಸರ್ಕಾರ ನಿರ್ಣಯ ಅಂಗೀಕರಿಸಿದೆ.

ಇದಕ್ಕೂ ಮೊದಲು ಜಗನ್ ಮೋಹನ್ ರೆಡ್ಡಿ ಅಧ್ಯಕ್ಷತೆಯಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ 13 ವರ್ಷಗಳ ಹಿಂದೆ ವೈ.ಎಸ್.ಆರ್. ಅಸ್ತಿತ್ವಕ್ಕೆ ತಂದಿದ್ದ ವಿಧಾನಪರಿಷತ್ ರದ್ದುಗೊಳಿಸುವ ಕುರಿತು ಅನುಮೋದನೆ ನೀಡಲಾಗಿದೆ. ಆಂಧ್ರಪ್ರದೇಶ ಸರ್ಕಾರ ಮೂರು ರಾಜಧಾನಿ ಘೋಷಣೆ ಮಾಡಿದ್ದು ವಿಧಾನಸಭೆಯಲ್ಲಿ ನಿರ್ಣಯ ಅಂಗೀಕರಿಸಲಾಗಿದೆ. ಆದರೆ ಆಡಳಿತ ಪಕ್ಷ ವೈ.ಎಸ್.ಆರ್. ಕಾಂಗ್ರೆಸ್ ಗೆ ವಿಧಾನ ಪರಿಷತ್ನಲ್ಲಿ ಬಹುಮತವಿಲ್ಲದ ಕಾರಣ ಮೂರು ರಾಜಧಾನಿಗಳ ವಿಧೇಯಕ ಅಂಗೀಕಾರವಾಗಿಲ್ಲ. ಟಿಡಿಪಿ ಮೇಲ್ಮನೆಯಲ್ಲಿ ಹೆಚ್ಚು ಸದಸ್ಯರನ್ನು ಹೊಂದಿದ್ದು ವಿಧೇಯಕ ಆಯ್ಕೆಸಮಿತಿಯ ಸುಪರ್ದಿಗೆ ಹೋಗಿತ್ತು. ವಿಧಾನಸಭೆಯಲ್ಲಿ ಜಗನ್ಮೋಹನ್ ರೆಡ್ಡಿ ನೇತೃತ್ವದ ಸರ್ಕಾರ ಅಂಗೀಕರಿಸಿದ ಮಸೂದೆಗಳಿಗೆ ವಿಧಾನಪರಿಷತ್ ನಲ್ಲಿ ತಡೆ ನೀಡಿದ್ದರಿಂದ ವಿಧಾನ ಪರಿಷತ್ ರದ್ದುಗೊಳಿಸಲು ತೀರ್ಮಾನ ಕೈಗೊಳ್ಳಲಾಗಿದೆ.

‘ಖಜಾನೆಯಲ್ಲಿ ಹಣವೇ ಇಲ್ಲ, ಬಜೆಟ್ ನಲ್ಲಿ ಹೇಗೆ ಬರುತ್ತೆ…?’

Posted: 27 Jan 2020 05:02 AM PST

ರಾಜ್ಯ, ಕೇಂದ್ರ ಸರ್ಕಾರಗಳ ಖಜಾನೆ ಖಾಲಿಯಾಗಿದೆ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಹೇಳಿದ್ದಾರೆ. ಗದಗ ಜಿಲ್ಲೆ ಮುಂಡರಗಿ ತಾಲೂಕು ಸಿಂಗಟಾಲೂರಿನಲ್ಲಿ ಮಾತನಾಡಿದ ಅವರು ಖಜಾನೆ ಖಾಲಿಯಾಗಿದ್ದರೂ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಪೆದ್ದನಂತೆ ಮಾತನಾಡುತ್ತಾರೆ ಎಂದು ಟೀಕಿಸಿದ್ದಾರೆ.

ಖಜಾನೆಯಲ್ಲಿ ಹಣವೇ ಇಲ್ಲ ಎಂದಾದರೆ ಬಜೆಟ್ ನಲ್ಲಿ ಎಲ್ಲಿಂದ ಬರುತ್ತದೆ? ಕೇಂದ್ರ ಸರ್ಕಾರ ರಾಜ್ಯದ ಪಾಲಿನ ತೆರಿಗೆ ಹಣ ನೀಡಿಲ್ಲ. ನರೇಗಾ ಯೋಜನೆಯ ಹಣವನ್ನು ಕೂಡ ರಾಜ್ಯಕ್ಕೆ ನೀಡಿಲ್ಲ. ಕೇಂದ್ರದ ಬಳಿ ಹಣವಿಲ್ಲ. ರಾಜ್ಯಕ್ಕೆ ಹೇಗೆ ಕೊಡುತ್ತದೆ? ಕೇಂದ್ರದ ತೆರಿಗೆ ವಸೂಲಿಯಲ್ಲಿ 2 ಲಕ್ಷ ಕೋಟಿ ರೂ. ಕಡಿಮೆಯಾಗಿದೆ ಎಂದು ತಿಳಿಸಿದ್ದಾರೆ.

ಖಜಾನೆ ಖಾಲಿಯಾಗಿದೆ ಎಂದು ಮಾಜಿ ಸಿಎಂ ಸಿದ್ಧರಾಮಯ್ಯ ಹೇಳಿದ್ದು, ಸದನದಲ್ಲಿ ಬಜೆಟ್ ಮಂಡಿಸಿ ಅವರ ಆರೋಪಗಳಿಗೆಲ್ಲ ಉತ್ತರ ನೀಡುತ್ತೇನೆ. ಬಜೆಟ್ ಬಳಿಕ ಖಜಾನೆ ಖಾಲಿಯಾಗಿದೆಯೇ? ಇಲ್ಲವೇ ಎನ್ನುವುದು ಸಿದ್ಧರಾಮಯ್ಯನವರಿಗೆ ತಿಳಿಯುತ್ತದೆ ಎಂದು ಸಿಎಂ ಯಡಿಯೂರಪ್ಪ ಹೇಳಿದ್ದರು. ಇದಕ್ಕೆ ಸಿದ್ಧರಾಮಯ್ಯ ಮೇಲಿನಂತೆ ಪ್ರತಿಕ್ರಿಯೆ ನೀಡಿದ್ದಾರೆ.

ವಿಧಾನಪರಿಷತ್ ಉಪ ಚುನಾವಣೆಗೆ ದಿನಾಂಕ ನಿಗದಿ

Posted: 27 Jan 2020 05:00 AM PST

ಬೆಂಗಳೂರು: ಫೆಬ್ರವರಿ 17 ರಂದು ವಿಧಾನ ಪರಿಷತ್ ಉಪಚುನಾವಣೆ ನಡೆಯಲಿದ್ದು, ಅಂದೇ ಫಲಿತಾಂಶ ಪ್ರಕಟವಾಗಲಿದೆ.

ಕಾಂಗ್ರೆಸ್ ಶಾಸಕ ರಿಜ್ವಾನ್ ಅರ್ಷದ್ ಅವರಿಂದ ತೆರವಾದ ಸ್ಥಾನಕ್ಕೆ ಉಪ ಚುನಾವಣೆ ನಿಗದಿಯಾಗಿದೆ. ಜನವರಿ 30 ರಂದು ಉಪ ಚುನಾವಣೆಗೆ ಅಧಿಸೂಚನೆ ಪ್ರಕಟವಾಗಲಿದೆ.

ಫೆಬ್ರವರಿ 6 ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಲು ಕೊನೆಯ ದಿನವಾಗಿದೆ. ಫೆಬ್ರವರಿ 17 ರಂದು ಉಪಚುನಾವಣೆ ನಡೆಯಲಿದ್ದು ಅಂದು ಫಲಿತಾಂಶ ಪ್ರಕಟಿಸಲಾಗುವುದು.

‘ಧರ್ಮದ ಆಧಾರದ ಮೇಲೆ ದೇಶ ವಿಭಜಿಸಿದ್ದ ಕಾಂಗ್ರೆಸ್ ಸಮಸ್ಯೆಗೆ ಕಾರಣ’

Posted: 27 Jan 2020 04:58 AM PST

ಮಂಗಳೂರು: ಪೌರತ್ವ ತಿದ್ದುಪಡಿ ಕಾಯ್ದೆ ಬೆಂಬಲಿಸಿ ಮಂಗಳೂರಿನಲ್ಲಿ ಜನ ಜಾಗೃತಿ ಸಮಾವೇಶ ನಡೆಸಲಾಗಿದ್ದು ಅಪಾರ ಸಂಖ್ಯೆಯ ಜನ ಪಾಲ್ಗೊಂಡಿದ್ದಾರೆ.

ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಮಾತನಾಡಿ, ಕಾಶ್ಮೀರ ಪಂಡಿತರು ತಮ್ಮ ನೆಲದಲ್ಲಿಯೇ ನಿರಾಶ್ರಿತರಾಗಿದ್ದಾರೆ. ಅವರು ಯಾವ ಕಾರಣಕ್ಕೆ ಈ ರೀತಿಯ ಜೀವನ ನಡೆಸಬೇಕು ಎಂದು ಪ್ರಶ್ನಿಸಿದ್ದಾರೆ. ಬಿಜೆಪಿಗೆ ಬಹುಮತ ಸಿಕ್ಕರೆ ಅನುಚ್ಚೇದ 370 ರದ್ದುಗೊಳಿಸುವ ಭರವಸೆ ನೀಡಲಾಗಿತ್ತು. ಅದನ್ನು ಈಡೇರಿಸಲಾಗಿದೆ ಎಂದಿದ್ದಾರೆ.

ಬಿಜೆಪಿ ಪ್ರಣಾಳಿಕೆಯಲ್ಲಿ ನಾಗರೀಕತ್ವದ ಭರವಸೆ ನೀಡಿದ್ದೆವು. ಮೂರು ದೇಶಗಳ ಅಲ್ಪಸಂಖ್ಯಾತರಿಗೆ ನಾಗರಿಕತ್ವ ನೀಡುವ ಭರವಸೆ ನೀಡಲಾಗಿತ್ತು. ಧರ್ಮದ ಆಧಾರದ ಮೇಲೆ ಕಾಂಗ್ರೆಸ್ ದೇಶವನ್ನು ಒಡೆದಿದ್ದು ಏಕೆ? ಧರ್ಮದ ಆಧಾರದಲ್ಲಿ ದೇಶ ವಿಭಜಿಸಿದ್ದೆ ಸಮಸ್ಯೆಗೆ ಕಾರಣ ಎಂದು ದೂರಿದ್ದಾರೆ.

ದೇಶಕ್ಕೆ ಇಬ್ಬರು ಪ್ರಧಾನಿ, 2 ಬಾವುಟ, 2 ಚಿಹ್ನೆ ನಡೆಯಲ್ಲ ಎಂದು ಭಾರತೀಯ ಜನಸಂಘದ ಸ್ಥಾಪಕ ಶಾಮ್ ಪ್ರಸಾದ್ ಮುಖರ್ಜಿ ಹೇಳಿದ್ದರು. ಆದರೆ ಅವರ ಮಾತಿಗೆ ನೆಹರು ಬೆಲೆ ಕೊಟ್ಟಿರಲಿಲ್ಲ. ಭಾರತದಲ್ಲಿ ಇಂದು ಒಂದೇ ಸಂವಿಧಾನ ಒಬ್ಬರೇ ಪ್ರಧಾನಿ ಒಂದೇ ಧ್ವಜ ಇದೆ. ಇದಕ್ಕೆ ಕಾಂಗ್ರೆಸ್ ಕಾರಣವಲ್ಲ, ಪ್ರಧಾನಿ ಮೋದಿ ಕಾರಣ ಎಂದು ಹೇಳಿದ್ದಾರೆ.

ರಾಮಮಂದಿರ ನಿರ್ಮಾಣದ ಭರವಸೆ ನೀಡಿದ್ದು ಸಂವಿಧಾನ ಬದ್ಧವಾಗಿ ಪ್ರಯತ್ನ ನಡೆಸಿದ್ದೇವೆ. ಸುಪ್ರೀಂಕೋರ್ಟ್ ರಾಮಮಂದಿರ ನಿರ್ಮಾಣಕ್ಕೆ ಸಮ್ಮತಿಸಿದೆ. ಬಿಜೆಪಿ ಪ್ರಣಾಳಿಕೆಯಲ್ಲಿ ತ್ರಿವಳಿ ತಲಾಖ್ ರದ್ದು ಮಾಡುವ ಭರವಸೆ ನೀಡಲಾಗಿತ್ತು. ನಮ್ಮ ಭರವಸೆಯಂತೆ ತ್ರಿವಳಿ ತಲಾಖ್ ರದ್ದುಗೊಳಿಸಲಾಗಿದೆ. 2014, 2019 ರಲ್ಲಿ ನೀವು ಬಿಜೆಪಿ ಬೆಂಬಲಿಸುವ ಮೂಲಕ ಮೋದಿ ಪ್ರಧಾನಿಯಾಗಲು ಸಹಕರಿಸಿದ್ದೀರಿ. ರಾಜ್ಯದಲ್ಲಿಯೂ ಬಿಜೆಪಿ ಸರ್ಕಾರ ಬರಲು ಕಾರಣರಾಗಿದ್ದೀರಿ. ಇದಕ್ಕೆ ಧನ್ಯವಾದಗಳು. ಚುನಾವಣಾ ಪ್ರಣಾಳಿಕೆಯಲ್ಲಿದ್ದ ಭರವಸೆ ಈಡೇರಿಸಲಾಗಿದೆ ಎಂದು ಹೇಳಿದ್ದಾರೆ..

ಬೆಣ್ಣೆಯಂತೆ ಕರಗುವ ಗೋಧಿ ಹಲ್ವಾ

Posted: 27 Jan 2020 04:38 AM PST

ಬಾಯಲ್ಲಿ ಬೆಣ್ಣೆ ಕರಗಿದಂತೆ ಕರಗುವ ಗೋಧಿ ಹಲ್ವಾ ತಿನ್ನುವುದಕ್ಕೆ ರುಚಿಕರವಾಗಿರುತ್ತದೆ. ಹಾಗೇ ಆರೋಗ್ಯಕ್ಕೂ ಹಿತಕರ. ಹೆಚ್ಚು ಶ್ರಮ ಪಡದೇ ಆರಾಮಾಗಿ ಇದನ್ನು ಮಾಡಬಹುದು.

ಹಬ್ಬ, ಹರಿದಿನಗಳಲ್ಲೂ ಇದನ್ನು ಮಾಡಿ ಸವಿಯಬಹುದು. ಮಾಡುವ ವಿಧಾನದ ಕುರಿತು ಇಲ್ಲಿದೆ ನೋಡಿ ಮಾಹಿತಿ.

ಬೇಕಾಗುವ ಸಾಮಾಗ್ರಿ-500 ಗ್ರಾಂ ಗೋಧಿ ಹಿಟ್ಟು, 300 ಗ್ರಾಂ ತುಪ್ಪ, 500 ಗ್ರಾಂ ಸಕ್ಕರೆ, 100 ಎಂ.ಎಲ್ ನೀರು, 50 ಗ್ರಾಂ ಒಣದ್ರಾಕ್ಷಿ, 1 ಟೀ ಸ್ಪೂನ್- ಏಲಕ್ಕಿ ಪುಡಿ, ಚಿಕ್ಕದ್ದಾಗಿ ಕತ್ತರಿಸಿದ ಬಾದಾಮಿ.

ಮಾಡುವ ವಿಧಾನ:

ಸಕ್ಕರೆ ಮತ್ತು ನೀರನ್ನು ಒಂದು ಪಾತ್ರೆಗೆ ಹಾಕಿಕೊಂಡು ಮಧ್ಯಮ ಉರಿಯಲ್ಲಿ ಬಿಸಿ ಮಾಡಿಕೊಳ್ಳಿ. ಸಕ್ಕರೆ ಕರಗುವವರೆಗೆ ಚೆನ್ನಾಗಿ ಕುದಿಸಿಕೊಳ್ಳಿ. ನಂತರ ಗ್ಯಾಸ್ ಆಫ್ ಮಾಡಿ ಇದನ್ನು ಒಂದು ಬದಿಗೆ ಇಟ್ಟುಕೊಳ್ಳಿ. ನಂತರ ಒಂದು ಪ್ಯಾನ್ ಗೆ ಸ್ವಲ್ಪ ತುಪ್ಪ ಹಾಕಿಕೊಳ್ಳಿ. ತುಪ್ಪ ಬಿಸಿಯಾದಾಗ ಅದಕ್ಕೆ ಸ್ವಲ್ಪ ಸ್ವಲ್ಪವೇ ಗೋಧಿಹಿಟ್ಟು ಹಾಕಿ. ತಳ ಹತ್ತದಂತೆ ಜಾಗೃತಿ ವಹಿಸಿ. ಕಡಿಮೆ ಉರಿಯಲ್ಲಿ ನಿಧಾನಕ್ಕೆ ಕೈಯಾಡಿಸುತ್ತಾ ಇರಿ. ಹಿಟ್ಟು ಪರಿಮಳ ಬರುವವರೆಗೆ ಚೆನ್ನಾಗಿ ಹುರಿಯಿರಿ.

ನಂತರ ಇದಕ್ಕೆ ಮಾಡಿಟ್ಟುಕೊಂಡ ಸಕ್ಕರೆಯ ಪಾಕವನ್ನು ಹಾಕಿ ಚೆನ್ನಾಗಿ ತಿರುಗಿಸಿ. ಗ್ಯಾಸ್ ಉರಿಯನ್ನು ನಿಧಾನಕ್ಕೆ ಇಟ್ಟು ಕೈಯಾಡಿಸುತ್ತಾ ಇರಿ. ಇದಕ್ಕೆ ಏಲಕ್ಕಿ ಪುಡಿ, ಬಾದಾಮಿ, ದ್ರಾಕ್ಷಿಯನ್ನು ಸೇರಿಸಿ ಚೆನ್ನಾಗಿ ತಿರುಗಿಸಿ. ಹಲ್ವಾದ ಹದಕ್ಕೆ ಬಂದಾಗ ಗ್ಯಾಸ್ ಆಫ್ ಮಾಡಿ. ಬಿಸಿ ಬಿಸಿ ಇರುವಾಗಲೇ ತಿನ್ನುವುದಕ್ಕೆ ಚೆನ್ನಾಗಿ ಇರುತ್ತದೆ.

‘ಮಾರ್ಚ್’ ತಿಂಗಳಿನಲ್ಲಿ ಹುಟ್ಟಿದವರು ನೀವಾಗಿದ್ರೆ ತಪ್ಪದೇ ಇದನ್ನು ಓದಿ

Posted: 27 Jan 2020 04:19 AM PST

Image result for march"

ಮಾರ್ಚ್ ತಿಂಗಳಿನಲ್ಲಿ ಹುಟ್ಟಿದವರ ಗುಣಲಕ್ಷಣಗಳು ಏನು? ಅವರು ವ್ಯಕ್ತಿತ್ವ ಹೇಗಿರುತ್ತದೆ ಎಂಬುದಕ್ಕೆ ಇಲ್ಲಿದೆ ಒಂದಷ್ಟು ಮಾಹಿತಿ.

ಒಂದೊಂದು ತಿಂಗಳಿನಲ್ಲಿ ಹುಟ್ಟಿದವರು ಒಂದೊಂದು ರೀತಿಯ ವ್ಯಕ್ತಿತ್ವ ಹೊಂದಿರುತ್ತಾರೆ. ಹಾಗಾದ್ರೆ ಮಾರ್ಚ್ ತಿಂಗಳಿನಲ್ಲಿ ಹುಟ್ಟಿದವರ ವಿಶೇಷತೆ ಬಗ್ಗೆ ತಿಳಿದುಕೊಳ್ಳಬೇಕಾದ್ರೆ ಇದನ್ನು ಓದಿ.

* ಇವರು ಯಾವುದನ್ನಾದರೂ ಗಮನವಿಟ್ಟು ನೋಡುತ್ತಾರೆ. ಇವರನ್ನು ಯಾರೂ ಮೂರ್ಖರನ್ನಾಗಿ ಮಾಡಲು ಸಾಧ್ಯವಿಲ್ಲ. ತುಂಬಾ ಎಚ್ಚರಿಕೆಯಿಂದ ಒಂದೊಂದು ಹೆಜ್ಜೆಯನ್ನಿಡುತ್ತಾರೆ. ಶತ್ರುಗಳನ್ನು ಕ್ಷಮಿಸಿ ಬಿಡುವ ಗುಣ ಇವರಲ್ಲಿದೆ.

*ಇವರು ಎಷ್ಟು ಭಾವ ಜೀವಿಗಳೋ ಅಷ್ಟೇ ತುಂಟ ಪ್ರವೃತ್ತಿಯವರು ಹೌದು. ತಮ್ಮ ಸುತ್ತಮುತ್ತಲಿರುವವರನ್ನು ನಗಿಸುವ ಗುಣ ಹೊಂದಿರುತ್ತಾರೆ.

*ಇನ್ನು ಇವರಿಗೆ ಅನುಕಂಪ ಜಾಸ್ತಿ. ಇನ್ನೊಬ್ಬರಿಗೆ ಸಹಾಯ ಮಾಡುವ ಗುಣ ಜಾಸ್ತಿ. ಈ ಕಾರಣದಿಂದ ಈ ತಿಂಗಳಿನಲ್ಲಿ ಹುಟ್ಟಿದವರು ಬೇಗ ಗೌರವಕ್ಕೆ ಪಾತ್ರರಾಗುತ್ತಾರೆ.

* ಇವರು ತಮ್ಮ ಬಾಳಸಂಗಾತಿಯನ್ನು ಆರಿಸಿಕೊಳ್ಳುವಾಗ ತುಂಬಾ ಎಚ್ಚರಿಕೆ ವಹಿಸುತ್ತಾರೆ. ತಮ್ಮ ನಿರ್ಧಾರದ ಬಗ್ಗೆ ಗಂಭೀರವಾಗಿ ಯೋಚಿಸುತ್ತಾರೆ. ಇವರು ಮೋಸ ಮಾಡುವ ಪ್ರವೃತ್ತಿಯವರು ಅಲ್ಲ. ಎಂತಹ ಕಷ್ಟದ ಪರಿಸ್ಥಿತಿಯಲ್ಲೂ ಇವರು ಸಂಗಾತಿಯ ಕೈ ಬಿಡುವುದಿಲ್ಲ.

*ಮಾರ್ಚ್ ತಿಂಗಳಿನಲ್ಲಿ ಹುಟ್ಟಿದವರು ಪ್ರಕೃತಿ ಪ್ರೇಮಿಗಳು. ಪ್ರಾಣಿ ಪಕ್ಷಿಗಳು ಎಂದರೆ ಇವರಿಗೆ ತುಂಬಾ ಪ್ರೀತಿ.

* ಎಲ್ಲರ ಜತೆ ಬೆರೆತರೂ ಇವರಿಗೆ ಹೆಚ್ಚು ಜನಜಂಗುಣಿ ಎಂದರೆ ಅಷ್ಟಕಷ್ಟೇ. ಮೌನವನ್ನು ಹೆಚ್ಚು ಇಷ್ಟಪಡುತ್ತಾರೆ. ಜೀವನದಲ್ಲಿ ಏನೇ ಬಂದರೂ ಅದನ್ನು ಒಪ್ಪಿಕೊಂಡು ನಡೆಯುವ ಪ್ರವೃತ್ತಿಯವರು.

ನಿಮ್ಮ ಭವಿಷ್ಯ ತಿಳಿಯಲು ಸಂಪರ್ಕಿಸಿ:
ಪಂಡಿತ್ ಅನಂತ್ ಪ್ರಸಾದ್ ಶರ್ಮಾ
ಮೊಬೈಲ್:‌ 9845626805

ಆರೋಗ್ಯಕರ ರಾಗಿ ಲಡ್ಡು ರುಚಿ ನೋಡಿ

Posted: 27 Jan 2020 04:11 AM PST

ರಾಗಿ ದೇಹದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ರಾಗಿ ಹಾಗೂ ಓಟ್ಸ್ ಇವೆರೆಡನ್ನು ಸೇರಿಸಿಕೊಂಡು ಲಡ್ಡು ಮಾಡಿದರೆ ತಿನ್ನುವುದಕ್ಕೆ ರುಚಿಯಾಗಿರುತ್ತದೆ. ಜತೆಗೆ ಆರೋಗ್ಯಕ್ಕೂ ಒಳ್ಳೆಯದು.

ಮಕ್ಕಳ ಸ್ನ್ಯಾಕ್ಸ್ ಡಬ್ಬಕ್ಕೆ ಇಲ್ಲವೆ, ಶಾಲೆಯಿಂದ ಬಂದಾಗ ಅವರಿಗೆ ತಿನ್ನುವುದಕ್ಕೆ ಕೊಟ್ಟರೆ ಖುಷಿಯಿಂದ ಖಾಲಿ ಮಾಡುತ್ತಾರೆ.

ಬೇಕಾಗುವ ಸಾಮಾಗ್ರಿ: 1 ಕಪ್ ರಾಗಿ ಹಿಟ್ಟು, 1 ಕಪ್ ಓಟ್ಸ್ , 20 ಖರ್ಜೂರ, ¼ ಕಪ್ ಹಾಲು, 3 ದೊಡ್ಡ ಚಮಚ ತುಪ್ಪ, ½ ಕಪ್ ಜೇನುತುಪ್ಪ, 1 ಟೀ ಸ್ಪೂನ್- ಏಲಕ್ಕಿ ಪುಡಿ, ¼ ಕಪ್ ಬಿಳಿ ಎಳ್ಳು, ¼ ಕೊಬ್ಬರಿ ತುರಿ, 10 ಗೋಡಂಬಿ.

ಮಾಡುವ ವಿಧಾನ: ಓಟ್ಸ್ ಅನ್ನು ಒಂದು ಪ್ಯಾನ್ ಗೆ ಹಾಕಿ ಹುರಿದುಕೊಂಡು ಪುಡಿ ಮಾಡಿಕೊಳ್ಳಿ. 15 ಖರ್ಜೂರವನ್ನು ಒಂದು ಮಿಕ್ಸಿ ಜಾರಿಗೆ ಹಾಕಿಕೊಂಡು ಹಾಲು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ. ಉಳಿದ ಖರ್ಜೂರವನ್ನು ಚಿಕ್ಕದ್ದಾಗಿ ಕತ್ತರಿಸಿಕೊಳ್ಳಿ. ಬಿಳಿ ಎಳ್ಳು ಹಾಗೂ ಗೋಡಂಬಿಯನ್ನು ಬೇರೆ ಬೇರೆಯಾಗಿ ಹುರಿದುಕೊಳ್ಳಿ.

ಒಂದು ಪ್ಯಾನ್ ಗೆ ಸ್ವಲ್ಪ ತುಪ್ಪ ಹಾಕಿ ಓಟ್ಸ್ ಪುಡಿಯನ್ನು ಹುರಿದುಕೊಳ್ಳಿ. ಹಾಗೇ ಇನ್ನೊಂದು ಪ್ಯಾನ್ ಗೆ ಸ್ವಲ್ಪ ತುಪ್ಪ ಸೇರಿಸಿ ರಾಗಿ ಹಿಟ್ಟನ್ನು ಹುರಿದುಕೊಳ್ಳಿ. ನಂತರ ರಾಗಿ ಹಿಟ್ಟು ಹಾಗೂ ಓಟ್ಸ್ ಹಿಟ್ಟು ಎರಡನ್ನು ಒಟ್ಟು ಸೇರಿಸಿ ಮಂದ ಉರಿಯಲ್ಲಿ ಚೆನ್ನಾಗಿ ಹುರಿದುಕೊಳ್ಳಿ. ನಂತರ ಇದಕ್ಕೆ ರುಬ್ಬಿಟ್ಟುಕೊಂಡ ಖರ್ಜೂರದ ಮಿಶ್ರಣವನ್ನು ಸೇರಿಸಿ ಚೆನ್ನಾಗಿ ಕೈಯಾಡಿಸಿ. ಇದಕ್ಕೆ ಸ್ವಲ್ಪ ಜೇನುತುಪ್ಪ ಹಾಗೂ ಏಲಕ್ಕಿ ಪುಡಿಯನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಗ್ಯಾಸ್ ಆಫ್ ಮಾಡಿ ತಣ್ಣಗಾಗುವುದಕ್ಕೆ ಬಿಟ್ಟುಬಿಡಿ.

ನಂತರ ಇದಕ್ಕೆ ಉಳಿದ ಜೇನುತುಪ್ಪ ಗೋಡಂಬಿ, ಖರ್ಜೂರ, ಬಿಳಿ ಎಳ್ಳನ್ನು  ಸೇರಿಸಿ ಚೆನ್ನಾಗಿ ನಾದಿ ಉಂಡೆ ಕಟ್ಟುವ ಹದಕ್ಕೆ ಮಾಡಿಕೊಳ್ಳಿ. ಇದರಿಂದ ಚಿಕ್ಕ ಚಿಕ್ಕದಾದ ಉಂಡೆ ಕಟ್ಟಿ ತೆಂಗಿನ ಕಾಯಿ ತುರಿಯಲ್ಲಿ ಹೊರಳಾಡಿಸಿದರೆ ರುಚಿಕರವಾದ ರಾಗಿ ಲಡ್ಡು ತಿನ್ನಲು ರೆಡಿ.

ಬೈಕ್‌ ಸವಾರಿ ಮಾಡುತ್ತಾ ಸ್ನಾನ ಮಾಡಿದ ಯುವಕರು…!

Posted: 27 Jan 2020 03:29 AM PST

ಎಂತೆಂಥ ಹುಚ್ಚು ಖಯಾಲಿಗಳಿರುವ ಜನರನ್ನೆಲ್ಲಾ ದಿನಂಪ್ರತಿ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ನೋಡುತ್ತಲೇ ಇರುತ್ತೇವೆ.

ಇಂಥ ಹುಚ್ಚರಲ್ಲೇ ಹುಚ್ಚರಿಬ್ಬರು ಬೈಕ್‌ನಲ್ಲಿ ಹೋಗುತ್ತಿರುವ ವೇಳೆ ಸ್ನಾನ ಮಾಡುತ್ತಾ ಪೊಲೀಸರಿಂದ ದಂಡ ಹಾಕಿಸಿಕೊಂಡಿದ್ದಾರೆ.

ವಿಯೆಟ್ನಾಂನ ಇಬ್ಬರು ಯುವಕರು ಬೈಕ್ ಓಡಿಸುತ್ತಾ, ಶರ್ಟ್ ರಹಿತವಾಗಿ ಕುಳಿತುಕೊಂಡು, ಬಕೆಟ್‌ ಒಂದರಿಂದ ನೀರನ್ನು ತಂತಮ್ಮ ತಲೆಗಳ ಮೇಲೆ ಸುರಿದುಕೊಳ್ಳುತ್ತಿರುವ ವಿಡಿಯೋವೊಂದು ವೈರಲ್ ಆಗಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಎಲ್ಲೆಡೆ ವೈರಲ್ ಆದ ಬಳಿಕ ಸಾಕಷ್ಟು ಟೀಕೆಗಳು ಕೇಳಿ ಬಂದಿವೆ. ಈ ವಿಡಿಯೋ ಪೊಲೀಸರ ಗಮನಕ್ಕೆ ಬಂದ ಬಳಿಕ ಈ ಇಬ್ಬರ ಇರುವಿಕೆಯನ್ನು ಪತ್ತೆ ಮಾಡುವಲ್ಲಿ ಪೊಲೀಸರು ಸಫಲರಾಗಿದ್ದಾರೆ. ಬಳಿಕ ದಂಡ ಹಾಕಿದ್ದಾರೆ.

Vừa gội đầu, vừa tắm khi chạy xe máy bị phạt 3,2 triệu đồng

Bia đắng lắm 😇😇

Posted by Giao Thông on Wednesday, January 22, 2020

ಎದೆ ನಡುಗಿಸುತ್ತೆ ಅಪಘಾತದ ಈ ಭೀಕರ ದೃಶ್ಯ

Posted: 27 Jan 2020 03:28 AM PST

ಚಾಂಪಿಯನ್ ರ‍್ಯಾಲಿಯಲ್ಲಿ ಚಾಲಕನೊಬ್ಬ ಮಾರಣಾಂತಿಕ ಅಪಘಾತದಿಂದ ಪಾರಾದ ಘಟನೆ ಮಾಂಟೆ ಕಾರ್ಲೋದಲ್ಲಿ ಘಟಿಸಿದೆ.

ಆಟ್ ಟನಕ್ ಎಂಬ ಈ ಚಾಲಕ ಇಲ್ಲಿನ ಹಿಮಾಚ್ಛಾದಿತ ಪರ್ವತಗಳ ಮೇಲೆ ಗಂಟೆಗೆ 185 ಕಿಮೀ ವೇಗದಲ್ಲಿ ಕಾರನ್ನು ಓಡಿಸಿಕೊಂಡು ಹೋಗುತ್ತಿದ್ದ ಸಂದರ್ಭದಲ್ಲಿ ಅವಘಡ ಸಂಭವಿಸಿದೆ.

ಫ್ರಾನ್ಸ್‌ನ ಆಲ್ಪ್ಸ್‌ ಶ್ರೇಣಿಯಲ್ಲಿ ಈ ಕಾರನ್ನು ಚಲಿಸುತ್ತಿದ್ದ ಸಂದರ್ಭದಲ್ಲಿ ಟನಕ್‌ರ ಕಾರು ಬದಿಗೆ ಉರುಳಿಕೊಂಡಿದ್ದು, ಬೆಟ್ಟದ ರಸ್ತೆಯಲ್ಲಿ ಹಾರಿಬಿಟ್ಟಿದೆ. ಬಂಪ್‌ ಒಂದಕ್ಕೆ ಡಿಕ್ಕಿ ಹೊಡೆದ ಕಾರು ಗಾಳಿಯಲ್ಲಿ ತೇಲಿ ಪಕ್ಕಕ್ಕೆ ಅಪ್ಪಳಿಸಿದೆ.

ಕಾರಿನ ಅವಶೇಷಗಳಡಿಯಿಂದ ಟನಕ್ ಹಾಗೂ ಸಹಚಾಲಕರಿಬ್ಬರೂ ಯಾವುದೇ ಸಹಾಯವಿಲ್ಲದೇ ಮೇಲೆದ್ದು ಬರಲು ಸಾಧ್ಯವಾಗಿದೆ. ಕಾರಿನಲ್ಲಿದ್ದ ಸುಸಜ್ಜಿತ ಸುರಕ್ಷಾ ಉಪಕರಣಗಳ ಕಾರಣದಿಂದ ಇಬ್ಬರೂ ಬದುಕುಳಿದಿದ್ದಾರೆ.

 

 

ನೋಡುಗರನ್ನು ನಗೆಗಡಲಲ್ಲಿ ತೇಲಿಸುತ್ತೆ ಈ ವಿಡಿಯೋ

Posted: 27 Jan 2020 03:25 AM PST

ಒಂದೇ ಒಂದು ಡಾಮಿನೋ ಬಿದ್ದರೆ ಆ ಇಡೀ ಸೆಟ್‌ನಲ್ಲಿರುವ ಡಾಮಿನೋಗಳೆಲ್ಲಾ ಒಂದರ ಮೇಲೆ ದಬಾಕಿಕೊಳ್ಳುವ ದೃಶ್ಯಾವಳಿ ನೆನೆಪಿದೆಯೇ?

ಇದೇ ರೀತಿಯಲ್ಲಿ ಸ್ಕೀ ಇಳಿಜಾರಿನಲ್ಲಿ ಬೈಸಿಕಲ್‌ ಸವಾರರು ಒಬ್ಬರ ಮೇಲೆ ಒಬ್ಬರು ದಬಾಕಿಕೊಳ್ಳುತ್ತಿರುವ ವಿಡಿಯೋವೊಂದು ವೈರಲ್ ಆಗಿದೆ.

ಪ್ರಖ್ಯಾತ ಬ್ಯಾಸ್ಕೆಟ್ ಬಾಲ್ ಆಟಗಾರ ರೆಕ್ಸ್‌ ಚಾಪ್‌ಮನ್‌ ಇದನ್ನು ಹಂಚಿಕೊಂಡಿದ್ದಾರೆ.

70 ಸೆಕೆಂಡ್‌ಗಳ ಈ ವಿಡಿಯೋದಲ್ಲಿ, ಸ್ಕೀ ಇಳಿಜಾರಿನಲ್ಲಿ ನೂರಾರು ಬೈಸಿಕಲ್ ಸವಾರರು ಒಮ್ಮೆಲೇ ಕೆಳಮುಖವಾಗಿ ಹೋಗುತ್ತಿರುವುದು ಕಾಣುತ್ತದೆ.

18 ಸೆಕೆಂಡ್‌ಗಳ ಬಳಿಕ ಒಂದು ಸೈಕಲ್ ಬಿದ್ದು, ಅದರ ಬೆನ್ನಿಗೇ ಮಿಕ್ಕೆಲ್ಲಾ ಬೈಸಿಕಲ್‌ಗಳೂ ಒಂದರ ಮೇಲೆ ಒಂದು ಬೀಳುವ ದೃಶ್ಯಾವಳಿಯನ್ನು ನೋಡಬಹುದಾಗಿದೆ. ಇದನ್ನು ಕಂಡ ಟ್ವಿಟ್ಟಿಗರು ನಕ್ಕು ನಕ್ಕು ಸುಸ್ತಾಗಿದ್ದಾರೆ.

ಪೊಲೀಸ್ ವೇಷದಲ್ಲಿ ಬಂದು ತಂದೆ ಮುಂದೆ ಇಬ್ಬರು ಮಕ್ಕಳ ಮೇಲೆ ಅತ್ಯಾಚಾರ

Posted: 27 Jan 2020 02:13 AM PST

पुलिस की वर्दी में घर में घुसे, किडनैप कर पिता के सामने बेट‍ियों से रेप

ಪೊಲೀಸ್ ವೇಷದಲ್ಲಿ ಮನೆಗೆ ನುಗ್ಗುವ ದುಷ್ಕರ್ಮಿಗಳು ಮನೆಯಲ್ಲಿ ಏನೂ ಸಿಗದೆ ಹೋದಾಗ ಹೀನಕೃತ್ಯವೆಸಗಿದ್ದಾರೆ. ಮನೆ ಮಾಲೀಕ ಸೇರಿದಂತೆ ಇಬ್ಬರು ಹೆಣ್ಣು ಮಕ್ಕಳನ್ನು ಅಪಹರಿಸಿ ತಂದೆ ಮುಂದೆಯೇ ಸಾಮೂಹಿಕ ಅತ್ಯಾಚಾರವೆಸಗಿದ್ದಾರೆ. ಬೆಚ್ಚಿ ಬೀಳಿಸುವ ಘಟನೆ ಉತ್ತರ ಪ್ರದೇಶದ ಸಂಭಾಲ್ ಜಿಲ್ಲೆಯಲ್ಲಿ ನಡೆದಿದೆ.

ಮನೆಗೆ ನುಗ್ಗಿದ ಪೊಲೀಸ್ ವೇಷದಲ್ಲಿದ್ದ ದುಷ್ಕರ್ಮಿಗಳು ಮದ್ಯಮಾರಾಟದ ಆರೋಪ ಮಾಡ್ತಾರೆ. ನಂತ್ರ ಮನೆಯವರ ಮೇಲೆ ದಾಳಿ ನಡೆಸಿ ಮೂವರನ್ನು ಕಾರಿನಲ್ಲಿ ಅಪಹರಿಸುತ್ತಾರೆ. ಕಾಡಿನಲ್ಲಿ ತಂದೆ ಹಣೆಗೆ ಬಂದೂಕು ಇಟ್ಟು ಆತನ ಮುಂದೆಯೇ ಇಬ್ಬರ ಮೇಲೆ ಅತ್ಯಾಚಾರವೆಸಗುತ್ತಾರೆ.

ಪ್ರಕರಣ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ. ಮೂವರು ಗ್ರಾಮಸ್ಥರ ಕೈಗೆ ಸಿಕ್ಕಿಬಿದ್ದಿದ್ದಾರೆ. ಅಪಹರಣ ಮತ್ತು ಅತ್ಯಾಚಾರದ ದೂರು ದಾಖಲಿಸಿಕೊಳ್ಳುವ ಬದಲು ಪೊಲೀಸರು ಅಪಹರಣ ಹಾಗೂ ಕಿರುಕುಳ ದೂರು ದಾಖಲಿಸಿಕೊಂಡಿದ್ದಾರೆ. ಇದು ಗ್ರಾಮಸ್ಥರ ಕೋಪಕ್ಕೆ ಕಾರಣವಾಗಿದೆ.

ಆತ್ಮಹತ್ಯೆಗೂ ಮುನ್ನ ಆಡಿಷನ್ ನೀಡಿದ್ದ ನಟಿ

Posted: 27 Jan 2020 01:48 AM PST

ಕಿರುತೆರೆ ನಟಿ ಸೆಜಾಲ್ ಶರ್ಮಾ ಆತ್ಮಹತ್ಯೆ ಮಾಡಿಕೊಂಡು ಎರಡು ದಿನ ಕಳೆದಿದೆ. ಆಕೆ ಜೊತೆ ಕೆಲಸ ಮಾಡಿದ ಕಲಾವಿದರು ಈಗ್ಲೂ ಶಾಕ್ ನಲ್ಲಿದ್ದಾರೆ. ನಟಿ ಆತ್ಮಹತ್ಯೆಗೆ ಕಾರಣವೇನು ಎಂಬುದು ಈಗ್ಲೂ ಸ್ಪಷ್ಟವಾಗಿಲ್ಲ.

ಉದಯ್ಪುರ ಮೂಲದ ಸೆಜಲ್ ಶರ್ಮಾ ದಿಲ್ ತೊ ಹ್ಯಾಪಿ ಹೈ ಜಿ ಧಾರಾವಾಹಿಯಲ್ಲಿ ನಟಿಸಿದ್ದಳು. ಜನವರಿ 24ರಂದು ಆಕೆ ಆತ್ಮಹತ್ಯೆಗೆ ಶರಣಾಗಿದ್ದಾಳೆ. ಆತ್ಮಹತ್ಯೆ ಮಾಡಿಕೊಂಡ ಜಾಗದಲ್ಲಿ ಡೆತ್ ನೋಟ್ ಇದೆ. ಆದ್ರೆ ಅದ್ರಲ್ಲಿ ಆತ್ಮಹತ್ಯೆಗೆ ಕಾರಣ ಯಾರು ಎಂಬುದನ್ನು ಸೆಜಲ್ ಹೇಳಿಲ್ಲ.

ಸೆಜಲ್ ಜೊತೆ ಕೆಲಸ ಮಾಡಿರುವ ಕಲಾವಿದರ ಪ್ರಕಾರ ಸೆಜಲ್ ಒತ್ತಡದಲ್ಲಿದ್ದಳಂತೆ. ಖಿನ್ನತೆಯಿಂದ ಬಳಲುತ್ತಿದ್ದ ನಟಿ ಕೆಲಸಕ್ಕೆ ಹುಡುಕಾಟ ನಡೆಸುತ್ತಿದ್ದಳಂತೆ. ಆತ್ಮಹತ್ಯೆಗೆ ಎರಡು ದಿನ ಮೊದಲು ಆಡಿಷನ್ ಗೆ ಹೋಗಿದ್ದಳಂತೆ. ಶಾರ್ಟ್ ಲೀಸ್ಟ್ ನಲ್ಲಿ ಆಕೆ ಹೆಸರಿತ್ತು ಎನ್ನಲಾಗಿದೆ. ತಂದೆ ಅನಾರೋಗ್ಯವೂ ನಟಿಗೆ ಕಾಡ್ತಿತ್ತು. ಆದ್ರೆ ಆತುರದ ನಿರ್ಧಾರ ತೆಗೆದುಕೊಂಡಳು ಎಂದು ಸಹ ಕಲಾವಿದರು ದುಃಖ ತೋಡಿಕೊಂಡಿದ್ದಾರೆ. ಸೆಜಲ್ ಧಾರಾವಾಹಿ ಜೊತೆ ಅಮಿರ್ ಖಾನ್ ಜೊತೆ ಜಾಹಿರಾತಿನಲ್ಲೂ ನಟಿಸಿದ್ದಳು.

ಶಾಪಿಂಗ್ ಪ್ರಿಯರಿಗೆ ಇಲ್ಲಿದೆ ಖುಷಿ ಸುದ್ದಿ

Posted: 27 Jan 2020 01:23 AM PST

ಬೆಂಗಳೂರಿನ ಚಿತ್ರಕಲಾ ಪರಿಷತ್‌  ನಲ್ಲಿ ನೂರಕ್ಕೂ ಹೆಚ್ಚು ಮಳಿಗೆಗಳು ಸಾರ್ವಜನಿಕನ್ನು ಆಕರ್ಷಿಸುತ್ತಿವೆ. ಇಲ್ಲಿ ಕರಕುಶಲ  ಪ್ರದರ್ಶನ ಮತ್ತು ಮಾರಾಟ ಮೇಳ ನಡೆಯುತ್ತಿದೆ. ಜೈಪುರ, ಗುಜರಾತ್, ರಾಜಸ್ತಾನ ಸೇರಿದಂತೆ ದೇಶದ ವಿವಿಧ ಭಾಗಗಳ ಕಲಾವಿದರು ಈ ಮೇಳದಲ್ಲಿ ಪಾಲ್ಗೊಂಡಿದ್ದಾರೆ.

ಒಂದೇ ಸೂರಿನಡಿ ನಿಮಗೆ ವಿವಿಧ ಬಗೆಯ ಕಲಾಕೃತಿಗಳು, ಗೃಹಪಯೋಗಿ ವಸ್ತುಗಳು, ಬಟ್ಟೆ, ಅಲಂಕಾರಿಕ ವಸ್ತುಗಳನ್ನು ಕಣ್ತುಂಬಿಕೊಳ್ಳುವ ಹಾಗೂ ಕೊಳ್ಳುವ ಅವಕಾಶ ಸಿಗ್ತಿದೆ. ಮರದ ಆಟಿಕೆಗಳು, ಪೀಠೋಪಕರಣಗಳು, ಮಹಿಳೆಯರ ಅಚ್ಚುಮೆಚ್ಚಿನ ಅಭರಣಗಳು, ಬೆಡ್ ಲೈನೆನ್, ಪಿಂಗಾಣಿ ವಸ್ತುಗಳು ಸೇರಿದಂತೆ ಹಲವಾರು ವಿಭಿನ್ನ ಮಾದರಿಯ ವಸ್ತುಗಳು ಲಭ್ಯವಿದೆ.

ಕಲಾಕಾರರ ಕಲಾಕೃತಿಗಳಿಗೆ ಪ್ರೋತ್ಸಾಹ ನೀಡಲು ಅರ್ಬನ್ ಬಜಾರ್ 2020 ಕರಕುಶಲ ಪ್ರದರ್ಶನ ಮತ್ತು ಮಾರಾಟ ಮೇಳವನ್ನು ಖಾತ್ಯ ಗಾಯಕಿ  ಅನುರಾಧ ಭಟ್  ಉದ್ಘಾಟಿಸಿದ್ದಾರೆ.  ಈಗಾಗಲೇ ಮೇಳ ಶುರುವಾಗಿದೆ. ಫೆಬ್ರವರಿ ೨ರವರೆಗೆ ಈ ಮೇಳ ನಡೆಯಲಿದ್ದು, ಶಾಪಿಂಗ್ ಪ್ರಿಯರಿಗೆ ಒಳ್ಳೆ ಅವಕಾಶ.

ತೆಳ್ಳಗಾಗಿದ್ದಾನೆ ವಿಶ್ವದ ಅತ್ಯಂತ ತೂಕದ ಬಾಲಕ

Posted: 27 Jan 2020 01:22 AM PST

ಒಂದು ಕಾಲದಲ್ಲಿ ವಿಶ್ವದ ಅತ್ಯಂತ ದಪ್ಪ ಮಗು ಎಂದು ಪ್ರಸಿದ್ಧರಾಗಿದ್ದ ಆರ್ಯ ಪೆರ್ಮನಾ ತೂಕ ಇಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾನೆ. ಆತನ ಫೋಟೋ, ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡ್ತಿವೆ. ಇಂಡೋನೇಷ್ಯಾದ ಆರ್ಯನ  ತೂಕ 193 ಕೆ.ಜಿಯಿತ್ತು.

ವರದಿಯ ಪ್ರಕಾರ, ಆರ್ಯನ ಫೋಟೋ ಮತ್ತು ವಿಡಿಯೋವನ್ನು ಅಡೆ ರೈ ಎಂಬ ತರಬೇತುದಾರ ಹಂಚಿಕೊಂಡಿದ್ದಾರೆ. ಆರ್ಯ 10 ವರ್ಷದಲ್ಲಿರುವಾಗ  ತೂಕ ಇಳಿಸುವ  ಪ್ರಯತ್ನಕ್ಕೆ ಕೈ ಹಾಕಿದ್ದ. 2016 ರಲ್ಲಿ ತೂಕ ಇಳಿಸುವ ನಿರ್ಧಾರ ಕೈಗೊಂಡ ಆರ್ಯ ಇದ್ರಲ್ಲಿ ಯಶಸ್ಸು ಸಾಧಿಸಿದ್ದಾನೆ.

ವರದಿಗಳ ಪ್ರಕಾರ, ಆರ್ಯ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾನಂತೆ. ದೇಹದಲ್ಲಿದ್ದ ಹೆಚ್ಚುವರಿ ಚರ್ಮವನ್ನು ತೆಗೆದು ಹಾಕಲು ಇನ್ನೂ ಕನಿಷ್ಠ 2 ಶಸ್ತ್ರಚಿಕಿತ್ಸೆಗಳು ನಡೆಯಬೇಕಂತೆ. ತರಬೇತುದಾರ ಮೊದಲು ದಿನಚರಿ ಹಾಗೂ ಆಹಾರದಲ್ಲಿ ಬದಲಾವಣೆ ಮಾಡಿಕೊಳ್ಳುವಂತೆ ಸಲಹೆ ನೀಡಿದ್ದರಂತೆ. ನಂತ್ರ ಕೆಲಸ ಶುರು ಮಾಡಿದ್ದರಂತೆ. ಏಳಲು ಸಾಧ್ಯವಾಗದ ಆರ್ಯ ಈಗ ಎಲ್ಲ ಮಕ್ಕಳಂತೆ ಬ್ಯಾಡ್ಮಿಂಟನ್, ಟೆನಿಸ್, ಫುಟ್ಬಾಲ್ ಸೇರಿದಂತೆ ಎಲ್ಲ ಆಟಗಳನ್ನು ಆಡಬಲ್ಲವನಾಗಿದ್ದಾನೆ.

दुबला हो गया दुनिया का सबसे मोटा बच्चा, अपनाई ये तरकीब

ದ್ರೋಣನಾಗಿ ಘರ್ಜಿಸಲು ಸಜ್ಜಾದ ಹ್ಯಾಟ್ರಿಕ್ ಹೀರೋ

Posted: 27 Jan 2020 12:56 AM PST

ಹ್ಯಾಟ್ರಿಕ್ ಹೀರೋ ಡಾ. ಶಿವರಾಜ್ ಕುಮಾರ್ ಅಭಿನಯದ ಮತ್ತೊಂದು ಸ್ಪೆಷಲ್ ಸಿನಿಮಾ ದ್ರೋಣ. ಸ್ಯಾಂಡಲ್ ವುಡ್ ನಲ್ಲಿ ಒಂದಿಷ್ಟು ನಿರೀಕ್ಷೆ ಹುಟ್ಟಿಸಿರುವ ದ್ರೋಣ, ದಿ ಮಾಸ್ಟರ್ ಟ್ಯಾಗ್ ಲೈನ್ ನೊಂದಿಗೆ ಬರ್ತಿದೆ.  ಶೈಕ್ಷಣಿಕ ಕ್ಷೇತ್ರದ ಅವ್ಯವಸ್ಥೆ, ಸರ್ಕಾರಿ ಶಾಲೆಗಳ ಮೇಲೆ ಕಂಡು ಬರ್ತಿರುವ ತಾತ್ಸಾರದ ವಿರುದ್ಧ ಹೋರಾಡುವ ಶಿಕ್ಷಕನ ಪಾತ್ರದಲ್ಲಿ ಶಿವಣ್ಣ ಕಾಣಿಸಿಕೊಂಡಿದ್ದಾರೆ.

ಈ ಸಿನಿಮಾದಲ್ಲಿ ಶಿವರಾಜ್ ಕುಮಾರ್ ಗೆ ನಾಯಕಿಯಾಗಿ ತಮಿಳಿನ ಇನಿಯಾ ನಟಿಸಿದ್ದಾರೆ. ಸ್ವಾತಿ ಶರ್ಮಾ, ರಂಗಾಯಣ ರಘು, ಬಾಬು ಹೀರಣ್ಣಯ್ಯ, ಶಂಕರ್ ರಾವ್, ರೇಖಾದಾಸ್ ಸೇರಿದಂತೆ ದೊಡ್ಡ ತಾರಾಬಳಗವಿದೆ. ದ್ರೋಣ ಚಿತ್ರಕ್ಕೆ ಪ್ರಮೋದ್ ಚಕ್ರವರ್ತಿ ನಿರ್ದೇಶನ ಮಾಡಿದ್ದಾರೆ. ಡಾಲ್ಫಿನ್ ಮೀಡಿಯಾ ಹೌಸ್ ಬ್ಯಾನರ್ ನಲ್ಲಿ ಮಹದೇವ. ಬಿ, ಎಸ್.ಬಿ.ಹೆಚ್ (ಸಂಗಮೇಶ್ ಬಿ) ಶೇಷು ಚಕ್ರವರ್ತಿ ನಿರ್ಮಾಣ ಮಾಡಿದ್ದಾರೆ.

ರಾಮ್ ಕ್ರಿಶ್ ಸಂಗೀತ, ಜಗದೀಶ್ ವಾಲಿ ಛಾಯಾಗ್ರಹಣವಿರೋ ಈ ಚಿತ್ರದ  ಟೀಸರ್ ಈಗಾಗ್ಲೇ ರಿಲೀಸ್ ಆಗಿದೆ. ಮೊನ್ನೆಯಷ್ಟೇ ಬಿಡುಗಡೆಯಾಗಿರುವ ಲಿರಿಕಲ್ ವಿಡಿಯೋ ರಾಮನ ಹಾಡು ಅಭಿಮಾನಿಗಳ ಮನಗೆದ್ದಿದೆ. ದ್ರೋಣ ಸಿನಿಮಾ ತೆರೆಗೆ ಅಪ್ಪಳಿಸಲು ಸಿದ್ಧವಾಗ್ತಿದ್ದು, ಮೊದಲ ಮೇಕಿಂಗ್ ವಿಡಿಯೋ ರಿಲೀಸ್ ಗೆ  ತಯಾರಿ ನಡೆದಿದೆ.

ಮಹಿಳಾ ರೋಗಿಗಳನ್ನು ಹತ್ಯೆಗೈದು ಹೂಳಿದ ಜಾಗದಲ್ಲಿ ತೆಂಗಿನ ಗಿಡ ಬೆಳೆಸ್ತಿದ್ದ ವೈದ್ಯ

Posted: 27 Jan 2020 12:17 AM PST

ಮಹಾರಾಷ್ಟ್ರದ ಸತಾರಾದಿಂದ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. ಮಹಿಳಾ ರೋಗಿಗಳನ್ನು ಹತ್ಯೆಗೈದು ಅವ್ರ ಹೆಣದ ಮೇಲೆ ತೆಂಗಿನ ಗಿಡ ನೆಡುತ್ತಿದ್ದ ವೈದ್ಯನನ್ನು ಪೊಲೀಸರು ಬಂಧಿಸಿದ್ದಾರೆ. ಬಂಧಿತ ವೈದ್ಯ ಸಂತೋಷ್ ಪಾಲ್ ಸುಮಾರು 22 ಮಹಿಳಾ ರೋಗಿಗಳನ್ನು ಹತ್ಯೆಗೈದಿದ್ದಾನೆ ಎನ್ನಲಾಗ್ತಿದೆ. ಆದ್ರೆ ಈವರೆಗೆ 6 ಪ್ರಕರಣ ಬೆಳಕಿಗೆ ಬಂದಿದೆ.

ಸಂತೋಷ್ ಎಂಬಿಬಿಎಸ್ ಮಾಡಿರುವುದಾಗಿ ಹೇಳಿದ್ದ. ಆದ್ರೆ ಆತನ ಬಳಿ Electrohomeopathy ಪದವಿಯಿತ್ತು. ಅನೇಕ ಆಸ್ಪತ್ರೆಗಳಿಗೆ ಹೋಗ್ತಿದ್ದ ಸಂತೋಷ್ ಚಿಕಿತ್ಸೆಗೆ ನೀಡುವ ಔಷಧಿಗಳ ಬಗ್ಗೆ ತಿಳಿದುಕೊಂಡಿದ್ದ. ಒಂಟಿಯಾಗಿರುವ ಹಾಗೂ ಬಡ ಮಹಿಳೆಯರನ್ನು ಗುರಿಯಾಗಿಸಿಕೊಂಡು ತನ್ನ ಕೆಲಸ ಮಾಡ್ತಿದ್ದ.

ಆತ ಹಾಗೂ ನರ್ಸ್ ಸೇರಿ ಮಹಿಳೆ ರೋಗಿಗಳಿಗೆ ಇಂಜೆಕ್ಷನ್ ಒಂದನ್ನು ನೀಡುತ್ತಿದ್ದರು. ಅದು ಸ್ನಾಯುಗಳು ಕೆಲಸ ನಿಲ್ಲುವಂತೆ ಮಾಡುತ್ತಿತ್ತು. ರೋಗಿ ಹೃದಯಾಘಾತದಿಂದ ಸಾವನ್ನಪ್ಪುತ್ತಿದ್ದರು. ಮಹಿಳೆಯರ ಹತ್ಯೆಗೈದು ಹೆಣವನ್ನು ಮನೆ ಅಂಗಳದಲ್ಲಿ ಹೂತು ಅದ್ರ ಮೇಲೆ ಗಿಡ ನೆಡುತ್ತಿದ್ದ. ಅಂಗನವಾಡಿ ಕಾರ್ಯಕರ್ತೆ ನಾಪತ್ತೆ ಪ್ರಕರಣದಲ್ಲಿ ವೈದ್ಯ ಸಿಕ್ಕಿಬಿದ್ದಿದ್ದಾನೆ.

ಕರಾಟೆ ಚಾಂಪಿಯನ್ ಪತ್ನಿ ಮದುವೆಯಾಗಿ ಆಸ್ಪತ್ರೆ ಸೇರಿದ ಪತಿ..!?

Posted: 27 Jan 2020 12:15 AM PST

ಸಾಮಾಜಿಕ ಜಾಲತಾಣದ ಮೂಲಕ ಕರಾಟೆ ಚಾಂಪಿಯನ್ ಹುಡುಗಿಯನ್ನು ವ್ಯಕ್ತಿಯೊಬ್ಬ ಪ್ರೀತಿಸಿದ್ದಾನೆ. ನಂತ್ರ ಇಬ್ಬರು ಮದುವೆಯಾಗಿದ್ದಾರೆ. ಆದ್ರೆ ಕರಾಟೆ ಚಾಂಪಿಯನ್ ಮದುವೆಯಾಗಿದ್ದು ಹುಡುಗನಿಗೆ ದುಬಾರಿಯಾಗಿ ಪರಿಣಮಿಸಿದೆ. ಗಲಾಟೆ ನಡೆದಾಗೆಲ್ಲ ಪತಿಗೆ ಕರಾಟೆ ಕೌಶಲ್ಯ ಪ್ರದರ್ಶಿಸುತ್ತಿದ್ದ ಪತ್ನಿ ಶನಿವಾರ ಗಂಡನ ಕಾಲು ಮುರಿದಿದ್ದಾಳೆ. ಪೊಲೀಸ್ ಮೊರೆ ಹೋಗಿರುವ ಪತಿ, ಪತ್ನಿಯಿಂದ ರಕ್ಷಿಸುವಂತೆ ಮನವಿ ಮಾಡಿದ್ದಾನೆ.

ಘಟನೆ ದೆಹಲಿಯ ಎನ್ಸಿಆರ್ ನಲ್ಲಿ ನಡೆದಿದೆ. ಕಾಲು ಮುರಿದುಕೊಂಡು ಗಾಲಿ ಖುರ್ಚಿ ಏರಿರುವ ಪತಿ ತನ್ನ ದುಃಖವನ್ನು ಪೊಲೀಸ್ ಮುಂದೆ ಹೇಳಿದ್ದಾನೆ. ಪೀಡಿತ ದೀಪಕ್ ಸಾಹ್ನಿ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ದೀಪಕ್ ಮದುವೆ 2019ರಲ್ಲಿ ನಡೆದಿದೆ. ಮದುವೆ ನಂತ್ರ ಇಬ್ಬರ ಮಧ್ಯೆ ಆಗಾಗ ಗಲಾಟೆ ನಡೆಯುತ್ತಿತ್ತಂತೆ.

ಪತ್ನಿ ಯಾವಾಗ್ಲೂ ತನಗೆ ಹೊಡೆಯುತ್ತಿದ್ದಳು. ಕರಾಟೆ ತಿಳಿದಿದ್ದ ಪತ್ನಿ ತನ್ನ ಮೇಲೆ ಅದನ್ನು ಪ್ರಯೋಗಿಸುತ್ತಿದ್ದಳು. ಶನಿವಾರ ಕಾಲು ಮುರಿದಿದ್ದಾಳೆ. ಆಕೆಯಿಂದ ರಕ್ಷಣೆ ಬೇಕೆಂದು ಪತಿ ಬೇಡಿಕೊಂಡಿದ್ದಾನೆ.

17,000 ಅಡಿ, -20 ಡಿಗ್ರಿ ತಾಪಮಾನದಲ್ಲಿ ತ್ರಿವರ್ಣ ಹಾರಿಸಿದ ವೀರರು

Posted: 27 Jan 2020 12:14 AM PST

ಗಣ ರಾಜ್ಯೋತ್ಸವದ ಪ್ರಯುಕ್ತ ಮಂಡಿಯುದ್ದ ಮಂಜಿನಲ್ಲಿ ನಡೆದುಕೊಂಡೇ ಹೋಗಿ 17,000 ಅಡಿ ಎತ್ತರದ ಪ್ರದೇಶದಲ್ಲಿ ತ್ರಿವರ್ಣ ಪತಾಕೆ ಹಾರಿಸಿದ ಇಂಡೋ-ಟಿಬೆಟನ್‌ ಬಾರ್ಡರ್‌ ಪೊಲೀಸ್ ಪರಾಕ್ರಮವನ್ನು ನೆಟ್ಟಿಗರು ಮೆಚ್ಚಿ ಕೊಂಡಾಡಿದ್ದಾರೆ.

ಲಡಾಖ್‌ ಬಳಿ ಇರುವ ಈ ಪ್ರದೇಶದಲ್ಲಿ ಐಟಿಬಿಪಿಯ 'ಹಿಮವೀರರು' 71ನೇ ಗಣ ರಾಜ್ಯೋತ್ಸವದ ಪ್ರಯುಕ್ತ, -20 ಡಿಗ್ರೀ ಸೆಲ್ಸಿಯಸ್‌ ತಾಪಮಾನದಲ್ಲಿ 'ಭಾರತ್ ಮಾತಾ ಕೀ ಜೈ' ಮತ್ತು 'ವಂದೇ ಮಾತರಂ' ಘೋಷಗಳನ್ನು ಮೊಳಗಿಸುತ್ತಾ ಧ್ವಜ ಹಾರಿಸಿದ್ದಾರೆ.

1 ನಿಮಿಷ 57 ಸೆಕೆಂಡ್‌ಗಳ ಈ ವಿಡಿಯೋ ಟ್ವಿಟರ್‌ನಲ್ಲಿ ವೈರಲ್ ಆಗಿದ್ದು, #RepublicDay2020 ಟ್ಯಾಗ್‌ನಡಿ ಬಹಳ ಟ್ರೆಂಡ್ ಆಗಿದೆ.

No comments:

Post a Comment

Gameforumer QR Scan

Gameforumer QR Scan
Gameforumer QR Scan